Кадыров, Ислам Вахин воӀ
Ислам Вахаевич Кадыров (1987 шеран 18 июль, Хоси-Юрт, Нохч-ГӀалгӀайн Автономин Советийн Социалистийн Республика) — нохчийн пачхьалкхан гӀуллакххо. Соьлжа-ГӀалин мэр 2012 шеран 9 ноябрехь дуьйна 2015 шеран 8 июлехь кхаччалц (декхарш кхочушдина 2012 шеран 8 октябрехь — 9 ноябрехь). Российн исторехь уггаре а жима гӀалин мэр лоруш вара хӀоттийначу хенахь.
Хьалха — Нохчийн Республикин Правительствон председателан заместитель — Нохчийн Республикин бахаман а, латтанийн а йукъаметтигийн министр, Нохчийн Республикин Куьйгалхочун а, Правительствон а Администрацин куьйгалхо хилла. Кадыров Рамзанан шичин кӀант.
Биографи
Вина 1987 шеран 18 июлехь Нохч-ГӀалгӀайн АССР-н Шелан кӀоштан ЦӀоьнтарахь (хӀинца Курчалойн кӀоштан Ахьмад-Йурт йу). 2003-чу шарахь цо чекхйаьккхина меттигера йуккъера ишкола, ткъа 2010-чу шарахь Махачкалан финансийн а, бакъонан а институтехь экономикин говзалла караерзийна.
2006-чу шарера 2012-чу шаре кхаччалц Нохчийчоьнан чоьхьарчу гӀуллакхийн урхаллийн СОБР«Терек» олучу декъехь гӀуллакх дина Кадыровс. 2009 шеран 16 февралехь, шен 22 шо долуш, иза хилира Нохчийчоьнан куьйгалхочун гӀоьнча (2012 шеран ноябрь кхаччалц), ткъа 2012 шеран январехь хӀоттийра Грозненски мэран хьалхара заместитель. 2012 шеран 28 майхь дуьйна — Нохчийчоьнан Правительствон председателан гӀовс а, бахаман а, латтанийн а юкъаметтигийн министр а. 2012 шеран 8 октябрехь, шен 25 шо долуш, иза хаьржира а Грозный-гӀалин мэран декхарш кхочушдан[1], ткъа 2012 шеран 9 ноябрехь иза официалехь чӀагӀвира шен даржехь[2] Иштта, иза хилира Российн исторехь уггаре а жима мэр[3].
2015 шеран 8 июлехь дуьйна 2016 шеран 1 ноябрь кхаччалц — Нохчийн Республикан Куьйгалхочун а, Правительствон а Администрацин куьйгалхо[4].
2016 шеран 1 ноябрехь дуьйна — Нохчийн Республикин Правительствон председателан гӀовс[5][6].
2017-чу шарахь апрель баттахь массо а даржера а дӀаваьккхира Кадыров, цхьана ханна цӀахь лаьцна латтийра. Кхин дӀа а ницкъаллин органашкахь болх бира цо[7]. 2019-чу шарахь октябрь беттан 25-чу дийнахь «Грозный» телеканалан журналисташа йаьккхина видео гучуйаьллачул тӀаьхьа бехктакхаман гӀуллакх долийра цунна дуьхьал. Сюжетан авторша дийцарехь, материалаш дӀаязйина хилла хиллачу хьаькаман шен пресс-гӀуллакххочо, ткъа ерриг а кино яккхаран хан 8 сахьт гергга йу. Цу кадрашкахь гуш ду Кадыровс харцонаш лелийна аьлла, шеко йолуш лецначу меттигерчу бахархошца оьзда доцу къамел деш, царна йиттина, ток йетташ, иштта терроризмна ахча латтош ву аьлла, харц бехкаш дохуш кхерамаш туьйсуш[8][9].
Доьзал
Зуда йалийна ву. Диъ бер кхиош ву иза.
СовгӀаташ
- Кадыров Ахьмад-Хьаьжин цӀарах йолу орден (Нохчийн Республикин Куьйгалхочун 2011-чу шеран январь беттан 9-чу дийнахь № 336 йолу Указ).
- Майраллин орден (Российн Федерацин Президентан Указ № 70868 2010 шеран 4 мартехь).
Билгалдахарш
- ↑ Кадыров был избран мэром чеченской столицы
- ↑ Мэром Грозного стал Ислам Кадыров
- ↑ Ислам Кадыров самый молодой мэр в России. ТӀекхочу дата: 2018 шеран 29 июль. Архивйина 2017 шеран 24 декабрехь
- ↑ Неожиданное отстранение И.Кадырова. Кавказ.Реалии. ТӀекхочу дата: 2018 шеран 29 июль. Архивйина 2017 шеран 24 декабрехь
- ↑ В Чечне начали проверку в отношении экс-мэра Грозного Ислама Кадырова. ria.ru. ТӀекхочу дата: 2019 шеран 25 октябрь. Архивйина 2019 шеран 25 октябрехь
- ↑ Чеченское ТВ показало, как племянник Кадырова бьет женщину электрошокером. BBC News Русская служба (2019 шеран 25 октябрь). ТӀекхочу дата: 2022 шеран 28 август. Архивйина 2022 шеран 28 августехь
- ↑ Неожиданное отстранение И.Кадырова. Кавказ.Реалии. ТӀекхочу дата: 2018 шеран 29 июль. Архивйина 2017 шеран 24 декабрехь
- ↑ В Чечне начали проверку в отношении экс-мэра Грозного Ислама Кадырова. ria.ru. ТӀекхочу дата: 2019 шеран 25 октябрь. Архивйина 2019 шеран 25 октябрехь
- ↑ Чеченское ТВ показало, как племянник Кадырова бьет женщину электрошокером. BBC News Русская служба (2019 шеран 25 октябрь). ТӀекхочу дата: 2022 шеран 28 август. Архивйина 2022 шеран 28 августехь
