Усамов Нурдин Данилбекан воӀ

Вина 1947 шеран кхолламан беттахь 30-чу дийнахь Кокгал йуртахь. Нохчийн къомах.

1972-чу шарахь цо чекхъяьккхира 1972-чу шарахь Москох юьртабахаман инженерийн институт. В. П. Горячкинан ц1арах, цигахь инженер-электрикан говзалла а эцна. «Главсельхозеэлектросетстройн» Мехколонна-66-хь мастеран а, участкан куьйгалхочун а, коьртачу инженеран а даржехь болх бина цо. Нохч-ГӀалгӀайн АССР-н юьртан электросеташ ярехь дакъалоцуш вара иза.

1999-чу шарахь, Нохчийчохь тӀеман операцеш дӀахьош, Н.Д.Усамовс, шен дахарна кхерам а болуш, теллина республикан энергетикан объекташ. Къилбаседа кӀошташ бандашна юкъара мукъаяьхначу хьалхарчу деношкахь дуьйна цо куьйгалла дира Нохчийчоьнан энергетикан комплекс меттахӀотторан белхашна. Шаьш болх бечу хенахь энергетикашна юх-юха а кхерамаш туьйсура тӀемалоша. Бандиташа ток дӀасаяржочу зӀенийн гӀорторашна минанаш а йохкуш, энергетикан объекташна а, тояран тобанашна а герзаш диттина. Реставрацин белхаш дӀабаьхьначу ерриге а муьрехь 62 энергетик велира шайн говзаллин декхарш кхочушдеш. 2000-чу шарахь Н. Д. Усамов хӀоттийра «Грозенерго» АО-н проблемни энергетикан системашца болх баран департаментан куьйгалхочун заместитель а, генеральни директоран декхарш кхочушдеш а. Энергетикаша а, гӀишлошъярхоша а лерина бинчу белхан бахьана долуш 3 шарахь чекхбевлла меттахӀотторан белхаш: 90% республикин бахархой бехачу кӀошташкахь, дарбан хӀусамашкахь, школашкахь, Ӏедалан хьукматашкахь, промышленностан а, юьртабахаман а предприятешна ток кхаьчна. Цу гӀуллакхо аьтто бира Нохчийчохь политикан а, экономикан а хьал дӀанисдан долийта хьелаш кхолла.

Россин Федерацин Президентан 2003-чу шеран Марсхьокху-беттан 21-чу дийнахь №345 йолчу Указаца дахарна кхерам болчу хьелашкахь даржан декхар кхочушдарехь гайтинчу майраллина а, турпалаллана а Усамов Нурдин Данилбековичана Россин Турпалхочун цӀе йелла Федераци леррина къастам барца - Дашо Седа мидал».

Экономикан Ӏилманийн доктор, профессор. 2003 шарахь иза хаьржина Россин Ӏаламан Ӏилманийн академин декъашхо.

• Российн Федерацин Турпалхо (2003 шо)^[3];
• Доьналлин орден (2000 шо);
• ДоттагӀаллин орден (1996 шо);
• мидалш: РАО «ЕЭС Российн» хьакъволу белхахо, «Минтопэнерго» хьакъволу белхало, «Энергетикин ветеран»;
• Сийлахь-Воккхачу Петран цӀарахчу совгӀатан лауреат;
• Европин «Евростандарт» совгӀатан лауреат.

• Хьалха-МартантӀехь цуьнан цӀе тиллина цхьана урамна а, №4 йолчу ишколина а^[4].