Айдамирова, Аймани Шамсуддинан йоӀ

Хӏара йаззам РУВИКИ чуьра бу — маьрша энциклопеди


Айдамирова Аймани Шамсуддинан йоӀ
Йина терахь 1965 шеран 8 март({{padleft:1965|4|0}}-{{padleft:3|2|0}}-{{padleft:8|2|0}}) (59 шо)
Йина меттиг СемаӀашка Техьа-Мартанан кӀошт
Пачхьалкх  ССРС Росси
Говзаллаш йишлакхархо
Жанраш фольклоран эшар
Коллективаш «Жовхар», «Нур-Жовхар»
СовгӀаташ
Ахьмад Кадыровн Орден
«Нохчийн Республикин дуьхьа хьуьнарш гайтарна» мидал
Кеп:Нохчийн Республикин Сийлахь цӀе
Кеп:Нохчийн Республикин Сийлахь цӀеКеп:Нохчийн Республикин Сийлахь цӀеКеп:Нохчийн Республикин Сийлахь цӀе


Images.png Арахьара суьрташ
Image-silk.png Аймани Шамсудиновна Айдамирова

Айдами́рова Айма́ни Шамсудди́нан йоӀ (йина 1965 шеран 08 мартехь) — йишлакхархо, актриса, Российн Федерацин халкъан артист (2008)Нохчийн пачхьалкхан филармонин исбаьхьаллин куьйгалхобенойн векал[3].

Биографи

Йина 1965-чу шарахь ТӀехьа-Мартанан кӀоштан СемаӀашкахь. Диъ шо бен хан йацара йоьӀан Дуьххьара вайнехан эшаршка а, иллешка а безам баханчу хенахь. Къаьсттина йоӀа къобалдина дара Айдамирова Мареман аз.

Кхоллараллин болх болийна, 1981 шарахь Нохч-ГӀалгӀайн пачхьалкхан филармоне солист-вокалист хӀоьттира. Шен йишлакхархочун карьерин йуьххьехь дуьйна шен тӀе тидам бахийтира говза халкъан эшарш лакхархочо санна.

Чекхйаьккхира Краснодаран оьздангаллин институт говзаллица «Хоран дирижёр». Доьшаш йолчу хенахь Кубанан гӀазкхийн хорехь йиш локхура[1].

Эшаршка болу безам, хӀуъа дича, дӀа ца болура дагара. Школехь доьшуш йолчу хенахь дакъалоцура исбаьхьаллин кхолламаллехь. Цхьана хенахь дакъалецира Ленинан цӀарах йолчу ДК — хь хиллачу исбаьхьаллин кхолламаллехь. Цигахь 1981 — чу шарахь ойла хилира корматаллин сцени тӀехь болх бан. ХӀетахь Нохч — ГӀалгӀайн филармонин «Илли» тобане дӀакхойкхуш бара корматалла йолу кегирхой а, мехкарий а. ХӀетахь шен йишица Маликица (хӀинца вайца йац Малика) еара шаьшинна говзалла гайта филармони. ЧӀогӀа реза хилла тӀеийцира Малика а, Аймани а «Илли» тобано. Иштта кхоллаелира церан эшарш.

Цул тӀаьхьа Эдисултанов ШитӀа вовшахтоьхначу «Самукъане сахьт» цӀе йолчу эстрадни тобана йукъа еара Аймани. Оцу тобанехь болх бира Айдамирова Айманис дукха шерашкахь, дукха концерташкахь дакъа лоцура цо. Цуьнан хаза аз дезаделира вайн халкъана. Цул тӀаьхьа вовшахтуьйхира «ЖовхӀар» цӀе йолу мехкарийн тоба халкъан артисто Айдамирова Айманис.

1990 шарахь кхоьллира зудаберийн тоба «Жовхар». Шен коллективаца йахара Смоленске хьалхара Йерригроссийн къовсаме «Россий аьзнаш». Тобанан биъ бутт бен боцушехь, А. Айдамирова а, «Жовхар» а къовсаман дипломанташ хилира. Оццу шарахь цунна йелира «ЧИАССР хьакъ долу артист» цӀе.

Цуьнан репертуарехь дуккха ю нохчийн халкъан фольклорни эшарш, иштта: «Ламанаш», «Сан Даймохк», «ЙоӀур ю нохчийчу машаран бӀаьсте», амма халкъо концертехь сих — сиха дехарш до хьлхалерчу Темирбулатова Сиржанан дешнаш тӀехь язъйина «ХӀай нена дашо малх» цӀе йолу йиш лакхийтор доьхуш.

1992 шарахь хӀоттийра Соьлжа-ГӀалин оьздангаллин урхаллин хьаькам. 1995 шарахь, Нохчийчоьнан къам дендаран правительсвон председателан сацамца, иза йахийтира Туркойчу оьздангаллин а, гуманитаран а цхьаьна гӀуллакхдар болх бан[1].

2000 шарахь цуо кхоьллира керла зудаберийн вокалан коллектив «Нур-Жовхар»[1].

Вайн нохчийн поэтан дешнаш тӀехь йазйина ша мукъамаш баьхна эшарш ю Аймани. ХӀинца шен корматалла лакхайокхуш къахьоьгуш схьайоӀу Айдамирова Аймани.

2002 шарахь цунна йелира Нохчийн Республикин хьакъ долу артистан цӀе. Кхин а йу республика ГӀалгӀайчоьнан халкъан артист[4].

ХӀинца Шахбулатов Ӏаднанан цӀарах Нохчийн пачхьалкхан филармонин исбаьхьаллин куьйгалхо йу[2].

СовгӀаташ а, цӀераш а

  • Нохчий Республикин халкъан артист (2002);
  • Республика ГӀалгӀачоьнан Халкъан артист;
  • Кадыров Ахьмадан цӀарах орден (2007)[5][2];
  • Российн Федерацин хьакъ долу артист (2008);
  • Нохчийн Республикин говзаллин хьакъ долу гӀуллакххо (2008)[6];
  • Республика Къилба ХӀирийчоьнан хьакъ долу артист[7];
  • Нохчийн Республикин хьакъ долу оьздангаллин белхало;
  • «Нохчийн Республикин дуьхьа хьуьнарш гайтарна» мидал;
  • «Кхиамаш бахарна, къинхьегамехь доггаха леларна» мидал;
  • Нохчийн Республикин Президентан Баркалла аларан Кехат (2009)[8].

Доьзал

Марехь йу. Диъ бер ду[2]. ГӀарайаьллачу нохчийн йишлакхархочун Айдамирова Марьяман вешин йоӀ.

Билгалдахарш

  1. 1 2 3 4 Хеда Хачукаева. Аймани Айдамирова - популярная артистка и многодетная мама. grozny-inform.ru. Информационное агентство «Грозный-информ» (2014 шеран 1 декабрь). ТӀекхочу дата: 2016 шеран 1 октябрь. Архивйина 2021 шеран 2 ноябрехь
  2. Чеченская государственная филармония (2014 шеран 8 апрель). ТӀекхочу дата: 2016 шеран 1 октябрь. Кху чуьра архивйина оригиналан 2017 шеран 13 январехь
  3. Рассыпался чеченский жемчуг(ТӀе цакхочу хьажорг)
  4. Wayback Machine
  5. Указ от 07.03.2007 г № 56. ТӀекхочу дата: 2022 шеран 12 август. Архивйина 2022 шеран 12 августехь
  6. Указ от 06.03.2008 г № 98. ТӀекхочу дата: 2022 шеран 12 август. Архивйина 2022 шеран 12 августехь
  7. Указ «О присвоении почётного звания «Заслуженный артист Республики Южная Осетия» Айдамировой А.Ш.» ТӀекхочу дата: 2023 шеран 27 август. Архивйина 2023 шеран 27 августехь
  8. Распоряжение Президента Чеченской Республики от 07.03.2009 № 50-рп. ТӀекхочу дата: 2022 шеран 14 август. Архивйина 2022 шеран 14 августехь

Хьажоргаш