Исаева, Ӏайнаъ СаӀидан йоӀ
Исаева Ӏайнаъ СаӀидан йоӀ (1993 шеран 6 апрель, Соьлжа-ГӀала) — российн оперин йишлакхархо, Нохчийн Республикин хьакъ долу артист.
Биографи
Йина 1993 шеран 6 апрелехь Соьлжа-ГӀалахь. 7 шо долуш йахана хьалхара классе Нохчийн Республикин Хьалха-Мартанан кӀоштан № 3 йолчу ГӀойтӀара ишколехь. 5 - 9 классашкахь дешна № 1 йолу ГӀойтӀара ишколехь.
Аз — лирикин-драматин сопрано, диапазон 3,5 октавин тӀекхаччалц[1]. Хьалхара хьехола вокалехь йелла Российн Федерацин хьакъ долу артист Минцаев Мовсара[2]. Исаева Ӏайнаъ йийцайолийра, тидам тӀебахийтира, цуо лекхча композиторан Алябьев Александран, дешнаш Дельвиг Антонан романс «ЦӀирцирхьоза»[2].Йишлакхархочо масийттаза дакъа лаьцна вокалан къовсамашкахь, даьхна совгӀатан меттигаш, царна йукъахь проект «Къона Седарчий», иза Нохчийн Республикин мехкаден гӀоьнца, цигахь йаьккхина 3 меттиг[3].
«Вокал» номинацехь IX Дуьненайукъара Сочера «Хрустальная магнолия» фестивалан лауреат а, 2009-чу шарахь хилла жюрин леррина совгӀат - «Фестивалан дашо аз» совгӀат дина а. Ӏайнаъ Исаева йовзийтира кхаа номерах лаьтташ йолу программа: Алябьевн мукъамехь «ЦӀирцӀирхьоза» романс а, Перголезин «Йезахь» ари а, нохчийн йиш «Нохчийчоь - сан сирла седа» а[2].
2009 шарахь Исаева Ӏайнаанна йелла цӀе «Нохчийн Республикин хьакъйолу артист»[4].
Йишлакхархочун жима йолуш лакхара маххадийра гӀарайаьллачу оперин йишлакхархочо Галина Вишневская, иза йеинера Соьлжа-ГӀала[2]. Вишневская республике йеира режиссёран Сокуров Александран съёмкин тобанца, оцу хенахь цара фильм йаьккхира «Александра», цу чохь йишлакхархочо коьрта роль ловзийра[1]. Вишневская Галинас, Исаева Ӏайнаан вокале ла а доьгӀна, льготан хьелашца йоӀ Москоха кхайкхира, Петр Ильич Чайковскийн цӀарах консерваторера Академин музыкин колледже[1].
2013 шарахь и чекхйаккхина, деша хӀоьттира Москохан пачхьалкхан П. И. Чайковскийн цӀарах консерватори. Чекхйаьккхира иза 2018 шарахь.
2018 шарахь Исаева Ӏайнаъ хилира лауреат, 1-ра меттиг йоккхуш Дуьненайукъара Магомаев Муслиман ССРС халкъан артистан иэсан фестиваль-къовсамехь[5].
2018 - 2020 шерашкахь стажировкехь-Ӏаморехь йара Галина Павловна Вишневскаян цӀарах оперин йишлакхаран центрехь.
2021 шарахь дуьйна Нохчийн пачхьалкхан Шахбулатов Ӏаднанан цӀарах Филармонехь болх беш йу.
«Шеран эшар - 2023» цӀе йолчу XIII музыкин совгӀатан Соьлжа-ГӀалахь дӀайаьхьначу совгӀатийн церемонехь Исаева Ӏайнаъ толамхо хилира «Шеран прорыв» категорехь[6].
Дешар
2009 шарахь деша хӀоьттира П.И.Чайковскийн цӀарах консерваторера академин музыкин колледже Москох гӀала, иза чекхйаьккхира 2013 шарахь.
2013 шеран августехь деша хӀоьттира Москохан Пачхьалкхан П.И.Чайковскийн цӀарах Консерваторе, иза чекхйаьккхира 2018 шарахь.
Эшарш
СовгӀаташ
- 2007 — «Къона седарчий» проектан III совгӀат (Соьлжа-ГӀала)
- 2009 — «Хрустальная магнолия» IX Дуьненайукъара Сочин фестивалехь 1-ра совгӀат а, леррина жюрин совгӀат — «Фестивалан дашо аз» (Сочи)
- 2009 - «Нохчийн Республикин хьакъйолу артист» цӀе йелла
- 2018 — ССРС халкъан артист Магомаев Муслиман дагалецаман Дуьненайукъара фестиваль-конкурсехь 1-ра совгӀат (Соьлжа-ГӀала)
Доьзал
Марехь йу 2019 шарахь дуьйна.
- Да - Исаев СаӀид Ахьмадан воӀ, 1969 шеран 18 октябрь, логист.
- Нана - Умаева Лариса Ширванин йоӀ, 1970 шеран 11 май, бухгалтер.
- Йиша - Исаева Иман СаӀидан йоӀ, 2001 шеран 20 август.
Билгалдахарш
- ↑ 1 2 3 Муртазалиева Асият. Айна Исаева. Ее благословила Вишневская. ИА «Чеченинфо» (2014 шеран 2 декабрь). ТӀекхочу дата: 2025 шеран 16 сентябрь.
- ↑ 1 2 3 4 Мария Мацур. 16-летняя певица Айна Исаева из Чечни стала лауреатом IX Международного сочинского фестиваля «Хрустальная магнолия». «Российская газета» (2009 шеран 2 июль). ТӀекхочу дата: 2025 шеран 16 сентябрь.
- ↑ Завершился конкурс «Молодые звёзды». «Грозный-информ», Информационное агентство Чеченской Республики (2007 шеран 25 декабрь). ТӀекхочу дата: 2025 шеран 16 сентябрь.
- ↑ Исаева Айна. Event-агентство «Ирсе де» (2024). ТӀекхочу дата: 2025 шеран 16 сентябрь.
- ↑ В Грозном наградили победителей фестиваля «Орфей-2018». Чеченская Государственная Телерадиокомпания «Грозный» (18 августа 2018). ТӀекхочу дата: 2025 шеран 16 сентябрь.
- ↑ В Грозном подвели итоги XIII музыкальной премии «Песня года — 2023». «Грозный-информ», Информационное агентство Чеченской Республики (2024 шеран 16 февраль). ТӀекхочу дата: 2025 шеран 16 сентябрь.
