Эбиев, Ильяс Салтан воӀ

Вина 1967 шеран бекарг беттан 21-гӀа дийнахь Аьхкинчу-Борзехь. Жима волуш цо гайтира музыкин а, вокалан а похӀма^[3].

1985-чу шарахь, йуккъера ишкола чекхйаьккхинчул тӀаьхьа, Эбиев Ильяс эскаре кхайкхира. Ша гӀуллакх дечу Байконурехь Ильяса шен дай баьхначу лаьмнийн сатийсамах дуьзна иллеш олура шен накъосташна. Цу гӀуллакхо аьтто бира цуьнан шен эскарехь хиллачу накъостийн дегнаш эца, шен аз а, музыкин говзалла а бахьана долуш «соловей» аьлла цӀе шен дӀайахийта а.

1987-чу шарахь эскарехь гӀуллакх чекхдаьккхина. 1990 шарахь Соьлж-ГӀаларчу оьздангаллин-дешаран училище, актёран говзаллин отделени. Гастролаш йира «Илли» тобанца.

2008-чу шарахь чекхайаьккхина ХӀинжа-ГӀалара финансийн а, юридикан а институтехь, квалификаци – юрист, говзалла – юриспруденци^[4].

2015-чу шарахь Соьлжа-гӀалара В. Татаевн цӀарах йолу Нохчийн пачхьалкхан культуран а, искусствон а колледж чекхъйаьккхина, театран спектаклаш хӀитторан квалификаци а, йукъараллин-оьздангаллин гӀуллакхдаран (театран спектаклаш хӀиттор) говзалла а йолуш^[4].

А. Шахбулатовн цӀарахчу Нохчийн пачхьалкхан филармонин солист ву^[4].

• «Даймахкахь»;
• «Таьнги-Чу»;
• «Мерза безам»;
• «Горянка»;
• «Хаз луш йу хьомениг»;
• «Родина (Даймахкахь)»;
• «Догу дог»;
• «Нана Даймохк»;
• «Дуьххьарлера безам»;
• «Сан дагна йезнарг»;
• «ГӀазотан илли».

• Нохчийн Республикин халкъан арстист (2003);
• «Нохчийн Республикин оьздангалла кхиорна» мидал (2014);
• «Нохчийн Республикина дина гӀуллакхашна» мидал (2014);
• Нохчийн Республикин оьздангаллин сийлахь белхало (2017);
• Российн Федерацин Сийлахьчу артистан цӀе(оьр.)нохч. (2019);
• «Песня года-2024» мюзиклан совгӀатан коьрта номинацехь толам баьккхира Эбиев Ильяса. Иза хиира XIV с даздаршкахь^[3][4].

Пхиъ бер ду^[4].