Ташаева, Марьям Мохьданан йоӀ
Ташаева Марьям Мохьданан йоӀ (1959 шеран 12 июнь, ВаларгтӀе, Нохч-ГӀалгӀайн Автономин Советийн Социалистийн Республика) — советийн а, россин а йишлакхархо, композитор, эшарийн автор, Российн Федерацин хьакъдолу артист, Нохчийн Республикин халкъан артист, Республика ГӀалгӀайчоьнан халкъан артист, Нохчийн Республикин говзаллин хьакъдолу гӀуллакххо[1].
Биографи
Ташаева Марьям йина 1959 шеран 12 июнехь Нохчийн Республикин ТӀехьа-Мартанан кӀоштан ВаларгтӀехь. 1977 шарахь Соьлжа-ГӀалин музыкин доьшийле хӀоьттина[2].
Республикин радиохь Димаев СаӀида куьйгалла а деш, эстрадин-гӀирсийн ансамблан декъашхо хилла иза. Цуьнан Ӏуналчаш бара Мусаева Лайлаъ а, Буркаев Мовлади а[1].
1978 шарахь Марьям балха ийцира Нохч-ГӀалгӀайн АССР пачхьалкхан филармони солист-вокалист дарже[1].
1989-чу шарахь йишлакхархочо кхиамца чекхйаьккхира «Клубан белхало, хоран самодеятельни куьйгалхо» говзалла карайерзош йолу Нохч-ГӀалгӀайн республикин оьздангаллин-серлонан доьшийла, цунна йелира «Самодеятельни хоран куьйгалхо» квалификаци[1]. 2016 шарахь чекхйаьккхира Москохан пачхьалкхан оьздангаллин институт говзалла «Эстрадин музыкин говзалла», квалификаци йелла «Концерт хӀотторхо. Ансамблан артист. Хьехархо»[1].
Марьям йиш локхуш йара «Зама» («Время») ансамблехь. Ансамблан солисткаш тайп-тайпанчу хенахь гӀарабевлла йишлакхархой бара Тамара Дадашева, Лиза Ахматова[3].
Цуьнан уггаре гӀарайаьлла кхоллараллехь — эшарш «Геналло» («Даль»), «Некъ бо ас» («Я продолжаю путь»), «Са жима Хьава» («Моя маленькая Хава»), «Суна хьо веза» («Я люблю тебя»), и. кх. дӀа[3].
Иштта филармонин артист йерриг а Советийн Союзан махкахь гастролашкахь йара артисташца цхьаьна: Юрий Антоновца, тобанца «Машина Времени», Лев Лещенкоца, Ирина Понаровскица, и кхин а[1].
Ташаевас йаьхна эшарш лекхна гӀарабевллачу артисташа, толамаш баьхна «Шеран эшар» музыкин совгӀат, республикин музыкин совгӀат «Къоман пхиъ»[1].
Хьеха а, дӀахьо мастер-классаш дуккха а кхоллараллин а, музыкин а проекташкахь, масала, республикин кегийрхойн къовсам-фестиваль «Дека сан аз» («Звучи мой голос») а, кхин а[1].
Доьзал
СовгӀаташ
- Нохчийн Республикин Куьйгалхочун Омарца 2001 шеран 15 майхь цунна йелла «Нохчийн Республикин халкъан артист» цӀе[3].
- ГӀалгӀайн Республикин Куьйгалхочун Омарца 2002 шеран 19 октябрехь цунна йелла «ГӀалгӀайн Республикин халкъан артист» цӀе[3].
- Нохчийн Республикин Куьйгалхочун Омарца 2009-чу шеран октябрь беттан 30-чу дийнахь цунна йелла «Нохчийн Республикин говзаллин хьакъдолу гӀуллакххо, совгӀат дина «Нохчийн Республикин хьалха гӀуллакхаш дарна мидалца»[3].
- 2019 шарахь Ташаева Марьяман йелира «Российн Федерацин хьакъдолу артист» цӀе[5];
- Мидал «Нохчийн Республикина диначу гӀуллакхашна»[6].
Билгалдахарш
- ↑ 1 2 3 4 5 6 7 8 9 Ташаева Марем Мохдановна. Официальный сайт «Чеченской государственной Филармонии им. А. Шахбулатова» (2023-2024). ТӀекхочу дата: 2025 шеран 14 сентябрь.
- ↑ Умиша Идрисова. «Диалог» с Марем Ташаевой. Сетевое издание «Вести Чеченской Республики» (2015 шеран 23 апрель). ТӀекхочу дата: 2025 шеран 14 сентябрь.
- ↑ 1 2 3 4 5 Камилла Чабаева. Марем Ташаева: Моя цель – дарить людям праздник. Сетевое издание «Вести Чеченской Республики» (2020 шеран 2 сентябрь). ТӀекхочу дата: 2025 шеран 14 сентябрь.
- ↑ Зубайр Байраков. В Грозном прошел сольный концерт Марем Ташаевой. Информационное агентство «Чечня сегодня» (2016 шеран 29 ноябрь). ТӀекхочу дата: 2025 шеран 14 сентябрь.
- ↑ Марем Ташаева получила звание «Заслуженный артист РФ». «Чеченская Республика Сегодня» (19 июля 2019). ТӀекхочу дата: 2025 шеран 14 сентябрь.
- ↑ Ташаева Марьям. irse-de.ru. ТӀекхочу дата: 2026 шеран 18 сентябрь.
