Мусхабов, ИсмаӀал

Мусхабов ИсмаӀал вина, кхиъна Республика ДегӀастан Нурадилово йуьртахь.

Мусхабовс дийцарехь, иза ша композитор санна зен волавелла. Цо мукъаме йаьхна У. Нинциевн, Л. Абдуллаевн, А. Юсуповн, Ш. Арсанукаевн, А. Шайхиевн а, кхиболу а авторийн байташ. Хьалхарчу деношкахь дуьйна цуьнан хӀора илли хит хилла дӀахӀоьттира. Шен кхоллараллин дахарехь ИсмаьӀала мукъамаш йазбина 700 сов произведенина. Безамах, патриотизмах(оьр.)нохч., доттагӀаллех, ша винчу махках лаьцна иллеш ду уьш. Халахеташ делахь а, царех дукхах йерш йисина йац. Сцени тӀера дӀаваьллачул тӀаьхьа, шен соло-карьера дӀа а тесна, хинболу говзанчаш кечбан волавелира ИсмаӀал. 2002 шарахь дуьйна къона похӀма Ӏамош а, арахоьцуш а ву иза. 2007 шарахь иза музыкин продюсер санна кхайкхира цкъа хьалха «Къона седарчий» проекте, тӀаьхьо «Къона седарчий-2» проекте. Шина шарахь Мусхабовс бӀе гергга къона артист валийна йоккхачу сцени тӀе, цара дукхах дерг шен эшарш лоькху. ИсмаӀалан кхолларалла нохчийн халкъан ламасташ лардарна, цӀена къоман говзалла кхиорна тӀехьажийна йу.

Тахана ИсмаӀал ву Соьлжа-ГӀалин мэрин оьздангаллин департаментан куьйга кӀел йолчу "Коьрта шахьар" цӀе йолчу иллиалархойн а, хелхаран а ансамблан директор а, исбаьхьаллин куьйгалхо а. Ансамблехь ву "Къона седарчий" цӀе йолчу шина проектан 11 выпускник. Мусхабовн эшарш локхуш йу Р. Дадаевс, М. Хайдаровс, Р. Балатмурзаевс, Р. Чекуевс, К. Садулаевс. Церан репертуарехь масех эшар йу цхьана хенахь: «Абаденна», «Войла», «Сан безаме ма кхайка», «Нана», «Баркалла», «Ломара йоӀ», и.дӀ.кх.а.

Дерриге а дика долчух тера ду, цхьана хӀумано бен дог ца дохадо композиторан. Советийн заманахь Ростове клавираш(оьр.)нохч. йохуьйтуш хилла цо, хӀинца цхьаммо а ца до иза. ТӀом балале хьалха йерриг а цуьнан музыкин композицин архив йагийра. ДӀадаханчу шерашкахь йаздина иллеш нехан иэсехь бен ца дисина. Уьш хӀинца гул а ца йеш, дӀа а йазйой, оцу сохьта дӀасадоькъу цо уьш кхочушдархошна. ИсмаӀал Нохчийн Республикин хьакъволу а, халкъан а артист ву, Ленинан комсомолан совгӀатан лауреат а, дуккха а фестивалийн а, къовсамийн а декъашхо а, толамхо а ву. Иза шуьйра вевзаш ву йишлакхархо а, композитор а, хьехархо а санна, нохчийн эстрадин эшарш локху къона иллиалархой кхиамца кхиош волу. Тахана республикехь цхьа а концерт йуьззина ца хуьлу мукъамашца произведенеш дӀа ца йелча, цуьнан автор ву Мусхабов ИсмаӀал^[7].

Ишкол чекхйаьккхина ТӀН могӀаршкара мукъаваьлча, ИсмаӀал къа а ца хьоьгуш Соьлжа-ГӀалин музыкин доьшийле, вокалан декъе деша хӀоьттира.

Болх бина Соьлжа-ГӀалин филармонехь.