78-гӀа лерринчу хьаштийн моторизированни «Север-Ахмат» полк
Росиин Федерацин Турпалхочун А. А. Кадыровн цӀарах йолу 78-гӀа лерринчу хьаштийн моторизованни «Север-Ахмат» полк (оьрс. 78-й моторизованный полк специального назначения «Север-Ахмат») — вовшахтоьхна 2022-чу шеран товбецан беттан йуьххьехь Кадыров Рамзанан омрица. Дакъалоцуш йу Украинехь болчу тӀеман хиламашкахь[1]. 42-чу мотострелкови гвардин дивизи йукъайахийтина[2][3].
Истори
2022-чу шеран йуккъехь Нохчийн Республикин Мехк-Дас хаам бина Нохчийчохь шен ден, Нохчийн Республикин хьалхарчу президентан Кадыров Ахьмадан цӀарах йолу подразделени вовшахтухуш хиларан хьокъехь. Цо ма-аллара, иза лерринчу хьаштийн «Север-Ахмат» цхьа полк а, «Юг-Ахмат» а, «Запад-Ахмат» а, «Восток-Ахмат» а кхо батальон а йара.
Дукха хан йалале Р. А. Кадыров хаам бира тӀеман дакъош вовшахтоьхна девлла а, мехкан президента Путин Владимира хӀиттийна тӀеман декхарш кхочушдан уьш кийча а хиларан хьокъехь. Билгалйина подразделенеш Россин Федерацин оборонин министерствона йукъайахийтина. 78-гӀа лерринчу хьаштийн моторизированни «Север-Ахмат» полк Нохчийн Республикин бахархох вовшахтоьхна а, 42-чу мотострелкови гвардин дивизи йукъайахийтина а йу. Полкан буьйранча тӀеман зеделларг долуш волу Зингиев Зайнди хӀоттийна[4].
2023 шарахь «Север-Ахмат» полкана йина керла, кхузаманахьлера туш схьайиллина Эна-Хишкахь. Туьшахь йукъарӀойлаш а, куьйгаллин корпус а, кхачананцӀа а, гуламан зал а хилла ца Ӏаш, маьждиг а, спортан майданаш а, футболан майда а йу, иштта Россин Турпалхочун Кадыров Ахьмад-Хьаьжина лерина иэсан хӀоллам а бу. Цул сов, кетӀахь а, уьйтӀахь а йина машенаш дӀахӀиттайойла, бӀаьхой дӀахӀиттаран майда (плац), и.д.кх.а — 50 сов объект йу цигахь йинарг. Кадыров Ахьмад-Хьаьжин цӀарахчу Йукъараллин фондаца цхьаьна Россин Федерацин гӀаролан министерствос йина йу и туш.
ТӀеман некъ
Билгалдахарш
- ↑ Кадыров сообщил о грядущей отправке двух полков в зону СВО, Lenta.RU. Дата обращения: 14 августехь 2025.
- ↑ Кадыров формирует новые боевые подразделения. Вести недели (2022 шеран 11 сентябрь). ТӀекхочу дата: 2025 шеран 2 сентябрь.
- ↑ Завершилось формирование 78-го мотострелкового полка имени А.А. Кадырова. ИА Чечня Сегодня. ТӀекхочу дата: 2025 шеран 14 август.
- ↑ Р. И. А. Новости. Кадыров заявил о завершении формирования мотострелкового полка в Чечне. РИА Новости (2022 шеран 3 сентябрь). ТӀекхочу дата: 2025 шеран 14 август.
- ↑ 1 2 Кадыров сообщил о завершении формирования в Чечне нового мотострелкового полка. tass.ru. ТӀекхочу дата: 2025 шеран 14 август.
- ↑ Полк «Север-Ахмат» начинает свой ратный путь | Информационное агентство "Грозный-Информ". www.grozny-inform.ru. ТӀекхочу дата: 2025 шеран 14 август.
