Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Чекунков, Алексей Олегович

РУВИКИ чохь изза фамили йолчу кхечу адамех лаьцна йаззамаш бу Чекунков.

Чекунков Алексей Олегович (вина 1980 шеран 3 октябрехь, Минскехь, Белоруссийн ССР, ССРС) — оьрсийн пачхьалкхан гӀуллакххо. Российн Федерацин Генарчу Малхбале а, Арктика а кхиоран министр 2020 шеран 10 ноябрехь дуьйна, йуха а хӀоттийна 2024 шеран 14 майхь[1].

25 сентябрь 2014 шарера 2020 шаре кхаччалц — Генара Малхбале а, Арктика а кхиоран фондан инарлин директор(оьр.)нохч., кхоьллина Генара Малхбален а, Байкалан а регионаш сиха кхиорхьама Внешэкономбанко.

Биографи

Чекунков Алексей вина 1980 шеран 3 октябрехь Минскехь. Цуьнан да Чекунков Олег Фёдорович — Белоруссин арахьара экономикин йукъаметтигийн министран гӀовс вара (1997—1998), цул тӀаьхьа Вьетнамехь Беларусин рогӀера воцу а, вуьззина а векал вара (1998—2001).

Дешар

Чекхйаьккхина Российн арахьарчу гӀуллакхийн министраллин (МГИМО) Москохан пачхьалкхан дуьненайукъара йукъаметтигийн институтан (университетан) дуьненайукъара экономикин йукъаметтигийн факультет а, Генарчу Малхбален федералан университетан пачхьалкхан а, муниципалан а урхаллин магистр а[2].

ГӀуллакхаш

2001-чу шарера 2011-чу шаре кхаччалц Российхь долахь йолчу акцин секторехь лакхарчу даржашкахь вара Чекунков. Цо куьйгалла дира дуьненайукъара а, Российн а финансийн организацешна йаккхий проекташна (Alrosa, Delta Private Equity, Alfa Group), цу йукъахь Генарчу Малхбалехь — Саха Республика (Якути) а, Хабаровскан мохк а.[3]. Цо куьйгалла дира шен инвестицин компанин New Nations Capital (венчурни инвестицеш, инвестицин банкан сервисаш)[4].

2011—2013 шерашкахь Чекунковс дакъалецира Российн ма-дарра инвестицийн фонд кхолларехь, директоран даржехь, урхаллин декъашхочун а, инвестицийн комитетан декъашхочун а даржехь. Цо жоп делира могашалла Ӏалашйарехь, энерги Ӏалашйарехь, сурсатийн секторехь инвестицеш йарна, ткъа иштта Цийн инвестицин корпорацица (CIC) цхьаьна Российн-Цийн инвестицин фонд кхолларна[5].

2014—2020 шерашкахь — Генара Малхбален а, Арктикин а кхиоран фондан инарлин директор (ВЭБ.РФ).

2020 шеран 10 ноябрехь Чекунков хӀоттийна РФ Генара Малхбале а, Арктика а кхиоран министран дарже[6].

2024 шеран 14 майхь Чекунков йуха а хӀоттийна Российн Федерацин Генара Малхбален а, Арктикин а кхиоран министран дарже[7], оцу дийннахь РФ президента куьг йаздина хӀотторан омар тӀе[8].

Тайп-тайпанчу шерашкахь Чекунков Алроса а, ПАО «РусГидро» а компанийн Ӏуналла даран кхеташонан, кхечу компанийн а директорийн кхеташонан декъашхо вара.

Генарчу Малхбален социально-экономикин кхиаран хеттаршкахула йолчу Ӏедалан комиссин[9],Арктика кхиоран пачхьалкхан комиссин декъашхо[10].

Транспортан коридораш кхиор

Российн Генара Малхбале кхиоран министраллин куьйгалхочун дарже шолгӀа а хӀоттале Пачхьалкхан Думехь хиллачу кхеташонехь Чекунковс хьахийра 2030-гӀа шо кхаччалц Генарчу Малхбален а, Арктикин а коьрта 10 гӀуллакх, къаьсттина 1000 гергга керла объект йан лерина йу; транспортан коридораш кхиоран кхачо йан — 2030 шо кхачале Къилбаседа хӀордан некъан дӀасалелоран ницкъ 150 млн тонн хир бу, РЖД Малхбален полигонехула 2032 шо кхочуш 270 млн тонне кхочуш[11].

Доьзал

Чекунков Алексейн зуда а, ши йоӀ а йу[12].

Билгалдахарш

  1. ↑ Энциклопедия ТАСС, 2024. Чекунков, Алексей Олегович. Министр РФ по развитию Дальнего Востока и Арктики
  2. ↑ Биография Алексея Чекункова
  3. ↑ Биография Алексея Чекункова, выдвинутого на пост министра по развитию Дальнего Востока и Арктики
  4. ↑ Дальневосточные новации оценили в Белом доме
  5. ↑ «Сейчас нужно пройти через геополитическую ломку»
  6. ↑ Алексей Чекунков назначен Министром по развитию Дальнего Востока и Арктики // kremlin.ru
  7. ↑ Госдума утвердила Чекункова министром развития Дальнего Востока и Арктики. РИА "Новости" (2024 шеран 14 май). ТӀекхочу дата: 2024 шеран 14 май.
  8. ↑ Президент подписал указы о назначении членов Правительства Российской Федерации и директоров служб. kremlin.ru (2024 шеран 14 май). ТӀекхочу дата: 2024 шеран 14 май.
  9. ↑ Правительственная комиссия по вопросам социально-экономического развития Дальнего Востока
  10. ↑ Состав президиума Государственной комиссии по вопросам развития Арктики
  11. ↑ Алексей Чекунков перечислил 10 ключевых приоритетов для Дальнего Востока и Арктики. Журнал "Эксперт" (2024 шеран 14 май).
  12. ↑ Чекунков, Алексей Олегович. ТАСС (2020 шеран 9 ноябрь). ТӀекхочу дата: 2021 шеран 28 октябрь.

Хьажоргаш

Кхин дӀа темана тӀехь

Категореш