Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Куренков, Александр Вячеславович

РУВИКИ чохь изза фамили йолчу кхечу адамех лаьцна йаззамаш бу Куренков.

Куренко́в Александр Вячеславович (вина 1972 шеран 2 июнь, пос. Софрино, Москохан область, РСФСР, ССРС) — российн пачхьалкхан гӀуллакххо(оьр.)нохч.. Гражданийн дуьхьалонан, чолхе хьолан, Ӏаламан бохамийн тӀаьхье дӀайаккхаран гӀуллакхийн Российн Федерацин министр 2022 шеран 25 майхь дуьйна (д.кх. 2024 шеран 7—13 май), инарла-полковник (2025)[1]. Российн Федерацин Кхерамзаллин кхеташонан декъахо 2022 шеран 30 майхь дуьйна[2].

Биографи

Куренков Александр вина Москохан областехь. Цо чекхйаьккхина 1998 шарахь Москохан пачхьалкхан физоьздангаллин академи а, 2004 шарахь Москохан психологин-социалан институт а, ткъа 2021 шарахь лакхара курсаш Российн Федерацин Герзан Ницкъийн штабан академи а, инарла-майоран тӀеман дарже а кхаьчна[3][4].

Куренков Москварчу 312-чу ишколехь физоьздангаллин хьехархочун болх бина (1995-1999). 1999-чу шарахь иза дӀакхийтира пачхьалкхан кхерамазаллин хьукматашка. Цо гӀуллакх дина ФСБ (1999—2002) а, Федеральни ларйаран сервисехь а (2002—2021; къаьсттина, цо болх бира премьер-министран Зубков Виктор Алексеевич кхерамазаллин декъехь, тӀаьхьа дехьавелира Росгварде, цигахь иза вара хьалха гӀоьнча, цул тӀаьхьа куьйгалхочун Золотов Виктор гӀовс (2021-2022)[5] белхахой тӀеман кечам баран хаттаршна жоьпаллехь вара. РБК-но дийцарехь, 2015-чу шарахь дуьйна Путин Владимиран адъютантан даржехь вара иза, ткъа тӀаьхьо лакхарчу адъютантан дарже хӀоттийра[6].

2022 шеран 23 майхь Российн президенто кховдийра Куренковн кандидатура Гражданийн дуьхьалонан, чолхе хьолан, Ӏаламан бохамийн тӀаьхье дӀайаккхаран гӀуллакхийн Российн Федерацин министран дарже. Мехкан куьйгалхочун пресс-секретаро Песков Дмитрийс дийцарехь, кандидат харжар доьзна ду "Путинна Куренков дика вевзаш хиларца. Ткъа харжар бохург ду, мехкан куьйгалхочунна хетарехь, Куренкован и говзаллин а, официальни а дикаллаш кхочушйан йиш хилар". Куренковн кандидатура тӀечӀагӀйира Федерацин Кхеташоно май беттан 25-чу дийнахь, оццу дийнахь президентан омрица хӀоттийра иза министран дарже[7].

2024 шеран 14 майхь дуьйна керла правительство йеш Куренков хӀоттийна РФ ЧХьМ куьйгалхо[8].

2022 шеран 30 майхь дуьйна — Российн Федерацин Кхерамзаллин кхеташонан декъахо[9].

2022 шеран 2 июнехь Куренковн йелла тӀемлойн цӀе инарла-лейтенант.

2022 шеран 21 октябрехь дуьйна Куренков — герзийн ницкъийн а, кхечу эскарийн а, тӀеман кхолламийн а, меженийн а хьашташ кхочушдаран Российн Федерацин Правительствон куьйгаллехь йолчу Координацин кхеташонан декъашхо[10].

АЦШ, Евробертан, Йоккха Британин, Швейцарин, Австралин, Керла Зеландин санкцеш кӀелахь ву.

2025 шеран 4 июнехь Путин Владимира йелла ЧХьМ куьйгалхочун Куренков Александран тӀемлойн цӀе инарла-полковник[1].

Доьзал

Куренков Александрс зуда йалийна 2019-чу шарахь , цуьнан хӀусамнана Мильская Елена Игоревна (1980 шо) йу тӀепаза дайначу а, лелийначу а берашна гӀо даран Къоман центран Ӏуналлин кхеташонан куьйгалхо, ткъа иштта Сий. Василий Велики Фондан вице-президент (инарлин директор).

СовгӀаташ

  • Даймехкан хьалха гӀуллакх дарна орденан мидал 2-гӀа класс (2015 шо).
  • Суворовн мидал.
  • Леррина декхарш кхочушдарехь дика мах хадорна мидал (ФСО).
  • ТӀеман доьналла гайтарна мидал (ФСО).
  • ТӀеман гӀуллакхехь дика хиларна мидал (ФСО) 1-ра, 2-гӀа, 3-гӀа классаш.
  • Пачхьалкхан кхерамзаллин хьукматийн (ФСО) 100 шо кхачарца йоьзна мидал.
  • Оьрсийчоьнан пачхьалкхан кхерамзаллин хьукматийн (ФСО) 125 шо кхачарца йоьзна мидал.
  • Оьрсийчоьнан ФСО-хь гӀуллакх дарна некха тӀеуллу седа.
  • Мидал "ГӀирма йухайерзорна".
  • Орден "Данк" (2023 шо, ГӀиргӀазойчоь)[11].
  • «Аштаркхнен областехь дина гӀуллакхашна» орденан мидал (2024 шеран 12 декабрь) - Аштаркхнен областехь пачхьалкхан политика кхочушйарехь эффектаца гӀо дарна гражданин дуьхьалонан а, Ӏаламан а, территорийн а ларйаран а декъехь хин Ӏаьмнаш тӀехь адамийн кхерамазалла.

Билгалдахарш

  1. ↑ 1 2 Путин присвоил главе МЧС Куренкову звание генерал-полковника, TACC (2025, 4 июнь). Дата обращения: 4 июнехь 2025.
  2. ↑ Энциклопедия ТАСС, 2024. Куренков Александр Вячеславович
  3. ↑ Путин предложил на пост главы МЧС экс-сотрудника ФСО. ТӀекхочу дата: 2022 шеран 23 май. Архивйина 2022 шеран 23 майхь
  4. ↑ Появились подробности о возможном кандидате на пост главы МЧС России. ТӀекхочу дата: 2022 шеран 23 май. Архивйина 2022 шеран 23 майхь
  5. ↑ В Госдуме уточнили биографию кандидата на пост главы МЧС Куренкова. ТӀекхочу дата: 2022 шеран 23 май. Архивйина 2022 шеран 23 майхь
  6. ↑ РБК, 23 мая 2022. Путин предложил на пост главы МЧС экс-сотрудника ФСО
  7. ↑ Александр Куренков назначен главой МЧС. ТӀекхочу дата: 2022 шеран 25 май. Архивйина 2022 шеран 25 майхь
  8. ↑ Президент подписал указы о назначении членов Правительства Российской Федерации и директоров служб. kremlin.ru (2024 шеран 14 май). ТӀекхочу дата: 2024 шеран 14 май.
  9. ↑ Указ Президента Российской Федерации от 30.05.2022 № 327 «О внесении изменения в состав Совета Безопасности Российской Федерации, утверждённый Указом Президента Российской Федерации от 25 мая 2012 г. № 715». ТӀекхочу дата: 2022 шеран 8 июнь. Архивйина 2022 шеран 4 июнехь
  10. ↑ Указ Президента Российской Федерации от 21.10.2022 № 763 "О Координационном совете при Правительстве Российской Федерации по обеспечению потребностей Вооруженных Сил Российской Федерации, других войск, воинских формирований и органов"
  11. ↑ Садыр Жапаров наградил главу МЧС России орденом "Данк" — фото. ТӀекхочу дата: 2023 шеран 17 октябрь. Архивйина 2023 шеран 17 октябрехь

Хьажоргаш

Кхин дӀа темана тӀехь

Категореш