Решетников, Максим Геннадьевич

Чекхйаьккхина № 17 йолу ишкол-гимнази^[2]. Ишкол чекхйаьккхича деша хӀоьттира Перман пачхьалкхан университете экономикин кибернетикин кафедре^[3]. 2000 шарахь чекхйаккхира университет говзалла «экономист-математик» йолуш, ткъа 2002 шарахь — говзалла «лингвист-гочдархо» йолуш.

2003 шарахь Л. С. Портнойн куьйгаллица чекхдаьккхина диссертаци Ӏилманан тӀегӀа экономин Ӏилманийн кандидат йаккха темица «Управление экономикой региона на основе финансовых потоков: принципы и модели (на примере Пермской области)»^[4][5][6][7].

1998—2002 шерашкахь Решетниковс болх бина коьрта говзанча, ЗАО «Прогноз» проектийн куьйгалхо^[8].

2000—2005 шерашкахь Решетниковс болх бина бюджетан санийн а, харжийн а планаш хӀитторан декъан хьаькам, регионан финансийн а, инвестицийн а декъан хьаькам, Перман областан администрацин экономкин коьрта урхаллин хьаькман гӀовс^[9].

2005—2007 шерашкахь Решетников — Перман областан планаш хӀитторан департаментан председателан хьалхара гӀовс, Перман мехкан губернаторан администрацин куьйгалхочун хьалхара гӀовс^[8][9].

2007-2009 шерашкахь Российн Федерацин субъектийн Ӏедалан меженийн белхан эвсаралла мониторинган а, мах хадоран а департаментан директоран гӀовс, Российн Федерацин субъектийн Ӏедалан меженийн белхан эвсаралла мониторинган а, мах хадоран а департаментан директор^[8][9].

2009 шеран 14 апрелера 12 октябрь кхаччалц — Перман мехкан губернаторан администрацин куьйгалхо^[8][9]. Оццу шарахь хӀоттийна оцу хенахь хилла Российн президентан Медведев Дмитрийн кадрийн резерван хьалхара бӀенан йукъа^[8][10].

2009—2010 шерашкахь Решетников — пачхьалкхан урхаллин, регионан кхиоран а, Российн Федерацин правительствон аппаратан меттигера ша шен урхаллин департаментан директор ву^[8], цуьнан куьйгалла дира Собянин Сергейс.

2010 шарахь, Собянин Москохан мэр хӀоттийча, Решетников дехьавелира балха коьрта шахьран правительство. Мэран а, Москохан правительствон а аппаратан куьйгалхочун хьалхара гӀовс^[9].

2012—2017 шерашкахь Решетников — Москохан правительствон министр, Москох гӀалин экономикин политикин а, кхиоран а департаментан куьйгалхо ву^[9].

2017 шеран 6 февралехь Российн президентан Путин Владимиран омарца харжамаш хиллалц ханна хӀоттийна Перман мехкан губернаторан декхарш кхочуш дан^[11].

2017 шеран 14 июнехь Решетников официалан кандидат хилира губернаторийн харжамашкахь Цхьааллин Росси партера. 10 сентябрехь толам баьккхина харжамашкахь, 82,06% кхаьжнаш гулдина^[12]. 2017 шеран 18 сентябрехь Перман мехкан губернаторан дарже веина^[13].

2017 шеран декабрехь Решетников «Цхьааллин Росси» парте ваьлла^[14]. 2018 шеран 8 декабрехь «Цхьааллин Росси» партин XVIII гуламан векалша бинчу сацамца, Решетников партин Лакхара кхеташонна йукъа вахийтина^[15].

2018 шеран 18 июлера 2019 шеран 28 январе кхаччалц Решетников — Российн Федерацин Пачхьалкхан кхеташонан президиуман декъашхо^[16][17].

2020 шеран 21 январехь Российн Президентан омрица Российн Федерацин экономикин кхиоран министран дарже хӀоттийна; оццу омрица тӀеийцира цуьнан шен дехарца Пермийн областан губернаторан дарж дитар^[18].

Решетников — «Российн венчурни компани» АО директорийн кхеташонан председатель (2020 шеран мартехь дуьйна), Жима а, йуккъера а хьуьнаралла кхиоран федералан корпораци АО («МСП корпораци», 2020 шеран апрелехь дуьйна) директорийн кхеташонан куьйгалхо. ОАО «Российн цӀерапоштнекъаш директорийн кхеташонан декъашхо (2020 шарахь дуьйна), Российн Поштан (2020 шеран декабрехь дуьйна), урхаллин компанин Российн ма-дарра инвестицийн фондан Ӏуналла даран кхеташонан декъашхо (2020 апрелехь дуьйна), ВТБ (2020 сентябрехь дуьйна)^[19].

2020 шеран 12 майхь дуьйна — Японица махлелоран-экономикин цхьаьнагӀуллакхдаран Российн Федерацин Президентан башха векал ву^[20][1].

2021 шеран 29 мартехь президентан омарца хӀоттийна Реконструкцин а, кхиоран а Европин банкан (ЕБРР) Россера урхалча^[1].

2024 шеран 14 майхь керла правительство кхуллуш Решетников Пачдумо йуха чагӀвина Российн Федерацин экономикин кхиоран министран дарже^[21][22][1].