МаӀа-хи

Схьадолу ломара, Доккхачу Кавказан дукъ тӀийра, Шигов корта олучу меттигера, хӀордан тӀегӀанал 3154 м лакхара. ОхьадогӀу Итон-Кхаьллан кӀоштахула къилбаседехьа. Пхенин гу олучу меттигехь, Ӏуьмиечу атагӀехь, Саьхьампан къилба-малхбалехь эркахь кхета Кхел-хи. Эркан хикхоче ю Хьачарой-Аьхкан аьрру бердаца, МаӀа-хи 90° са беш кхета цунах.

Эркан хи цкъан а бех ца ло, мел чӀогӀа догӀанаш эхарх. ХӀунда аьлча, хи схьадолу ломан шешкара^[1].

Хин объектан система: Хьачарой-Аьхк → Орга (эрк) → Соьлжа → Терк → Каспий-хӀорд.

"MaӀa" - боьрша, тӀаккха маьӀна хуьлу Боьрша-хи. Кхин тӀе иза кхета Кхел-хих, аьлча а Стен-хих^[1].

Российн пачхьалкхан хин реестран хаамашца йукъахь ду Малхбуза-Каспийн бассейнан гуонан, эркан хин бахаман дакъа — Соьлжа Соьлжа-ГӀалан тӀиера Органах кхетталц. Эркан майда — Каспий-хӀордан бассейнан эркаш Теркан а, Ийдалан а шина хин йукъ.