Нихалан чухчареш
Нихалан чухчареш охьаоьху ЧӀаьнти-Орган аьтту генна тӀехьхь Нихала (Шуьйтан кӀошт, Нохчийчоь) эвлан гергахь уьш шийтта йу. Царех уггаре жиманиг 2 метр лекха йу, уггаре йоккханиг — 32 метр лекха йу. Адамашна аьттонна цигахь хӀиттийна ламеш а, дехьаволийлаш а[1].
Чухчарешна 8 км генахь Орган чӀажахь ЧӀинахойн бӀаьвнаш йу. Уьш тархан терахь чохь йина XI—XII бӀешарахь вовшех терра ши бӀов. 32 метр йолу чухчари чохь охьаоьху онда хин Ӏовраш, иза чехка охьадогӀу жима Ӏам а беш.
Климат
Республикин оцу декъехь климат барамера континентан кӀеда Ӏаьнца а, йовха йеха аьхкенца йу.
Ӏалам
Уггаре дика хан чухчарешка ваха — ло дешачу хенахь, оцу хенахь хи дукха хуьлу. Аьхка чухчареш хаза хуьлу.
Ӏай хиш гӀорадо, ткъа гуонахьара тархашна ша буьллу.
СадоӀу база
Чухчарешна уллохь йу спортан а, туристийн а комплекс, цу чохь йу 8 дечигах йина коттедж, хӀоранна а чу виъ стаг ваха йиш йолуш, аьхкенан чоьнаш, ресторан, спортзал, отель, мини-футболан майда, теннисан корташ, тархаш тӀехула лела меттиг (скалодром), тренажёрни зал, берийн батут а, ловза майда а, къамел дан охьаховша меттиг, чуйн йу шашлик йан Комплексан майда 13 эзар м² йу, 200 кхаччалц стаг дӀатарван лерина йу[1].
Чухчарешна уллехь нохчийн йуккъера бӀешеран бӀов йу.
Хьажоргаш
- Нихалоевские водопады. nikhaloy.ru. ТӀекхочу дата: 2018 шеран 25 сентябрь.
- Водопады Чечни. drivenew.ru. ТӀекхочу дата: 2018 шеран 25 сентябрь.
- Открытие комплекса. stk-nihaloy.ru. ТӀекхочу дата: 2018 шеран 25 сентябрь.
- Водопады Чечни. komanda-k.ru (2018 шеран 18 февраль). ТӀекхочу дата: 2018 шеран 25 сентябрь.
