БархӀайн эрк
БархӀайн эрк[2][3] я БархӀайн эрк[4] — Российн эрк, охьадогӀу Нохчийн Республикин Итон-Кхаьллан кӀоштахула. Орган аьрру га. Эркан дохала – 16 км[5]. Хи гулден майда — 66,1 км²[5].
Схьадолу Юйчу ашнен коьртера (Яцеб корта, 2300 м) Лакхара БархӀа олучу меттигера[3]. ОхьадогӀу къилбехьа, докхан хьун яьллачу чӀожехула[3]. Эркан хикхоче ю Орган хикхочел 102 км лакхахь, аьрру бердаца[5].
Коьрта га — Никархойн эрк[3].
Геннаш
БархIайн эрках кхета цуьнан геннаш:
- Никархойн эрк - Гуоро эвлана уллехь.
- Терингара догIу хи – охьадогӀу къилбаседа-малхбузера, БархIайн эрках кхета аьтту агӀора БархӀан чохь.
- Гуьйр чуьра догу хи – охьадогӀу къилбаседа-малхбалера, БархIайн эрках кхета аьрру агӀора, БархӀан эвлан лахарчу куьпахь.
- Юьйчу аьшниера догIу хи – охьадогӀу къилбаседа-малхбалера, БархIайн эрках кхета БархӀа эвлан юккъехь.
- Эл кхара догIу хи – охьадогӀу къилбаседа-малхбалера, БархIайн эрках кхета аьрру агӀора. Дерриг кегийра эркаш цхьаьнакхета БархIайн эркаца Тиши БархIан саьлнашна юххехь[7].
Хин реестрах хаамаш
Российн пачхьалкхан хин реестран хаамашца йукъахь ду Малхбуза-Каспийн бассейнан гуонан, эркан хин бахаман дакъа — Соьлжа Соьлжа-ГӀалан тӀиера Органах кхетталц. Эркан майда — Каспий-хӀордан бассейнан эркаш Теркан а, Ийдалан а шина хин йукъ[5].
Пачхьалкхан хин реестрера объектан код — 07020001212108200005894[5].
Истори
ТӀерлойн эрк а, Орга а цхьаьнакхетачехь лекхачу меран тӀехь лаьтта онда бӀаьвнийн комплексех йисина КӀирда бӀаьвнийн саьлнаш. Сулейманов Ахьмадан дайша 1944 шо кхаччалц Ӏалашдина тептарша дийцарехь, XIV бӀешеран пачхьалкх Симсим йоьхначул тӀаьхьа паччахь Суррокъат а, цуьнан гуо а юхабевлира малхбузехьа, герзах, хазнех йоьттина йоккхачу ковраца, дисинчу эскарца, хан хене мел йолу новкъахь совцуш, кхечира ЧӀаьнта Орган тӀе. Цуьнан аьрру бердаца, лекхачу меран тӀехь юьйгӀира онда бӀаьвнийн чӀагӀо. Цунах йисина саьлнаш кхаьчна вайн деношка КӀирда бӀаьвнаш аьлла цӀе а тиллина. Паччахьан тӀаьхьенаш гӀиртира кхузахь чӀагӀбала, шайн нах Бийриг Бичча а, Элди Талат а элий хӀиттийна, амма цара сихха шайна йукъахь тӀом болийра. Суррокъат паччахьан а, цуьнан кӀантан Байран а чӀагӀбала а, хьалхалера шайн Ӏедал меттахӀотто а ца хиира кхузахь, шен эскарца цхьаьна дӀабахара цхьа дакъа Цийчоьн, важа дакъа Японан агӀора[8].
Билгалдахарш
- ↑ Ресурсы поверхностных вод СССР: Гидрологическая изученность. Т. 8. Северный Кавказ / под ред. Д. Д. Мордухай-Болтовского. — Л.: Гидрометеоиздат, 1964. — 309 с.
- ↑ Бара (№ 0267521) / Реестры зарегистрированных наименований географических объектов. (PDF) // Государственный каталог географических названий / rosreestr.ru.
- ↑ 1 2 3 4 Лист карты K-38-43 Ниж. Алкун. Масштаб: 1 : 100 000. Указать дату выпуска/состояния местности.
- ↑ Сулейманов, 2006, с. 104-105, 113, 116-118.
- ↑ 1 2 3 4 5 «Никарой» — Пачхьалкхан хин реестран объектех хаам.
- ↑ Сулейманов, 2006, с. 101.
- ↑ Сулейманов, 2006, с. 102.
- ↑ Сулейманов, 2006, с. 104-105.
