Энгал
Энгал йа Энгалк — Российн эрк, охьадогӀу Нохчийчоьн Хьалха-Мартанан кӀоштахула. Эркан хикхочен ю Орган татол. Эркан дохалла – 8 км. ОхьадогӀу къилбаседехьа.
Географи
Энгал схьадолу Чехкар-арц а, ГӀой-арц а даккъашна йукъара. ОхьадогӀу къилбаседехьа Олхазаран-КӀотар йукъахула. Аьхка лекъа. Гидрониман бух тӀаьхь долчун маьӀна ца хаьа. Эркан ши цӀе ю: Энгал а, Энгалк а[1].
Эркаца йолу топонимаш
- ГӀой-арц – Энгалан малхбалехьа. Шира дийцаршкахь цунах олура ТӀарча арц[2].
- ГӀуркх-гу – Энгалан аьтту бердаца[3].
- Дубин берийн кешнаш – Энгалан аьрру бердаца, Олхазаран-КӀотар йукъахь[3].
- Хьажбекаран дукъ – Чехкар-арцан къилбаседа га, Энгалца нисса охьа дахделла[4].
- Хьачаройн дукъ – Олхазаран-КӀотаран къилба йист. Энгалца нисса охьа дахделла, къилбаседан декъехь беха Хьачаройн тайпана нах[4].
- Чехкар-арц йа Энгал арц. Оцу меттигехь 1818-1919 шерашкахь лаьттина Воздвиженски гӀап. Энгал арц (Энгал арц) «Энгал хребет» - то же, что и Чехкара арц[2].
- ШишагӀин бӀар хиллача – Олхазаран-КӀотаран йукъахь Энгалкан аьтту бердаца. Акаев ШишагӀас кхийна бӀаран дитт, цуьнан стоьмаш дуура эвлара бераш[5].
- Энгалчу – Олхазаран-КӀотаран эвлан шира дакъа, къилба йист, лаьтта Энгалкан чӀожехь[5].
- Йукъера басие – беха гу, къилбаседехьа охьабогӀу Пуркх-гу тӀиера эвланехьа, Энгалан аьтту бердаца[3].
Хин реестрах хаамаш
Российн пачхьалкхан хин реестран хаамашца йукъахь ду Малхбуза-Каспийн бассейнан гуонан, эркан хин бахаман дакъа — Соьлжа Соьлжа-ГӀалан тӀиера Органах кхетталц. Эркан майда — Каспий-хӀордан бассейнан эркаш Теркан а, Ийдалан а шина хин йукъ.
Билгалдахарш
- ↑ Сулейманов, 2006, с. 467, 473.
- ↑ 1 2 Сулейманов, 2006, с. 470.
- ↑ 1 2 3 Сулейманов, 2006, с. 473.
- ↑ 1 2 Сулейманов, 2006, с. 469.
- ↑ 1 2 Сулейманов, 2006, с. 472.
