Дудаев, Ахьмад Махьмудан воӀ

Вина 1987 шеран 2 августехь Соьлжа-ГӀалахь. ЦӀера Дуби-Эвлара.

2004-чу шарахь дикачу балхаца чекхйаьккхина Чуьйри-Эвлара № 1 йолу йуккъера ишкол. 2009-чу шарахь цо чекхйаьккхира Соьлжа-ГӀалин пачхьалкхан мехкадаьттан технологин университет. 2013 шарахь цо чекхйаьккхира Российн президентан къоман бахаман а, пачхьалкхан урхаллин а академи(оьр.)нохч. «Къоман а, муниципалан а урхаллин» говзалла йолуш.

Къинхьегаман некъ цо болийна 2008-чу шарахь Нохчийн Республикин Куьйгалхочун а, Правительствон а информацин-аналитикин декъехь хаамийн гӀирсашна планаш хӀитторан а, мониторинган а, анализан а декъехь. 2008 шарера ноябрера 2011 шеран декабрь кхаччалц — Нохчийн Республикин Куьйгалхочун а, Правительствон а Администрацин информацин-аналитикан декъан хаамийн гӀирсийн планан, мониторинган, анализан секторан коьрта говзанча-эксперт. 2011 шеран декабрера 2012 шеран июнь кхаччалц — Нохчийн Республикин Куьйгалхочун а, Правительствон а Администрацин хаамийн-аналитикин декъан хаамийн гӀирсийн планан, мониторинган, анализан секторан коьрта говзанча-эксперт. 2012 шеран июнера 2016 шеран апрель кхаччалц — Нохчийн Республикин Куьйгалхочун а, Правительствон а Администрацин хаамийн-аналитикин декъан аудиовизуалан хаамийн а, интермашин а декъан консультант. 2016 шеран апрелера 2017 шеран январь кхаччалц — Нохчийн Республикин Куьйгалхочун а, Правительствон а Администрацин хаамийн-аналитикин декъан коьрта консультант. Оццу муьрехь Нохчийчоьнан Куьйгалхочун а, Правительствон а хаамийн-аналитикин декъан коьрта консультант — видеомонтажан а, фото-видеоархиван а декъан куьйгалхо хӀоттийра иза. 2017-чу шеран март беттан 9-чу дийнахь дуьйна 2020 шеран июнь кхаччалц Нохчийн пачхьалкхан телерадиокомпанин «Соьлжа-ГӀала» директоран дарже хӀоттийра иза^[1],хийцира оцу даржера Бачаев Ӏадлан. Классан чин йелира — 1-ра классан НР пачхьалкхан гражданийн гӀуллакхан хьехамча. 2017 шарахь дуьйна НПУ журналистикин кафедрин куьйгалхо^[2]. 2020 шеран 18 июнехь дуьйна НР Хаамийн а, зорбанан а министр хӀоттийна, хийцина оцу даржехь Умаров Джамбулат. 2021 шеран апрелехь дуьйна — Нохчийн Республикин къоман политикин, арахьара уьйранийн, зорбанин, хаамийн министр.

Нохчийн Республикин Куьйгалхочун гӀоьнчин а, Нохчийн Республикин къоман политикехула а, арахьарчу зӀенехула а, зорбанехула а, хаамехула а министран даржашкахь волу Дудаев Ахьмад Нохчийчоьнан Правительствон председателан гӀовсан декхарш кхочушдеш ву 2026-чу шеран 1-чу январехь дуьйна^[3].

• Нохчийн Республикин Куьйгалхочун Баркаллин кехат, 2011 шо;
• Нохчийчоьнан Куьйгалхочун Сийлаллин грамота, 2011 шо;
• «Нохчийн Республикина хьалха гӀуллакхдарна» орденан мидал, 2013 шо;
• Нохчийн Республикин хьакъволчу журналистан сийлахь цӀе, 2015 шо;
• Нохчийчоьнан Куьйгалхочун Сийлаллин грамота, 2015 шо;
• Кадыровн орден (2017 шеран 17 июнь);
• «Нохчийн Республикин Хьалхара Президент Кадыров Ахмат-Хьаджи дагалоцуш» мидал (2018 шеран 25 декабрь)^[4];
• Орден «Нохчийн Республикехь парламентаризм кхиорна», 2019 шо;
• Российн Федерацин Президентан грамота, 2020 шо;
• Нохчийчоьнан Куьйгалхочун баркаллин кехат, 2022-гӀа шо;
• «Нохчийн Республика кхоллаелла 100 шо кхачар» мидал, 2022-гӀа шо;
• Нохчийчоьнан Куьйгалхочун Сийлаллин грамота, 2022-гӀа шо;
• «Даймехкан хьалха гӀуллакхаш дарна» орденан мидал II дарж (2023 шеран 26 январь)^[5].

2025 шеран майхь В.Зеленскийн омарца санкцеш йина Дудаев Ахьмадийна^[6]. Министр лерира иза ша-кепара совгӀат:

РогӀера «кхераме» санкцин исписка! Де талхийна. ЖуьгӀарго санкцеш йина суна. Оцу жуьгӀарган санкцеш — иза пачхьалкхан совгӀат ду суна^[7].

Нохчийчоьнан сепаратистийн куьйгалхочо Дудаев Джохарах лаьцна иллиалархочо Пугачева Аллас аьллачунна комментари йина Нохчийчоьнан гӀоьнчас, къоман политикан министро Дудаев Ахмеда.