Мацуев, Висхан Зеламхан воӀ

Мацуев Висхан вина 1997-чу шеран хӀутоссург беттан 31-чу дийнахь Нохчийчоьнан Соьлжа - ГӀалахь. Чоьхьарчу гӀуллакхийн министраллан белхахочун доьзалехь кхиъна ву иза. Пхеа кӀантах воккханиг.

КӀентан 12 шо долуш дӀакхелхина цуьнан да. Хьалхе кхиа дийзира цуьнан, хӀунда аьлча, боккхачу доьзална хӀусамехь гӀо оьшура, ткъа кегийчу вежаршна дика масал оьшура.

Йуьххьанцарчу шерашкахь Суворовн училищехь дешна. Цул тӀаьхьа Краснодаран МЧГӀ-н академехь дешна. Висханан да Зеламха Ахьмад-Йуьртана тӀелатар диначу тӀемалойн керах кхелхина^[2].

2025-чу шеран мангалан беттан 8-чу дийнахь Мацуев Висхана Веданан кӀоштан агропромышленни комплекс кхиорехь дакъалацар билгал а доккхуш, «Веданан кӀоштан сийлахь вахархо» цӀе тиллира.

Иштта хууш ду, 2024-чу шарахь Мацуевна «Единая Россия» партин Нохчийчоьнан региональни декъан регионан политикин кхеташонан президиуман декъашхо цӀе йелла хилар а^[3].

Висханан къинхьегаман некъ сиха кхуьуш бара: иза вара дуьххьара патрульни-постан службин взводан командир(оьр.)нохч., цул тӀаьхьа УВМ МЧГӀ-н Нохчийчоьнан арахьара паспорташ вовшахтохаран декъан куьйгалхо. ТӀаьхьо бахаман а, латтанийн а йукъаметтигийн министр хӀоьттира Мацуев Висхан.

• «Нохчийн республикаш ларъйархо» мидал (2021)^[4];
• «Нохчийн Республикин хьалхара Президент Кадыров Ахмат-Хьаьжи дагалоцуш» мидал (2024)^[5];
• Веданан кӀоштан сийлахь гражданин (2025)^[6].

Цуьнан хӀусамнана Кадырова Ӏайшат йу, Нохчийн Республикан оьздангаллин министр хилла йолу. Доьзал тийна а, къайлаха а беха. 2021-чу шарахь вина кӀант Юсуп кхиош ву цу шинна.