Шаптукаев, Рустам Русланан воӀ
Шаптукаев Рустам Русланан воӀ (оьрс. Шаптукаев Рустам Русланович; 1983 шеран 7 март) — россин пачхьалкхан гӀуллакххо, политик, Нохчийн Республикин Правительствон Председателан гӀовс — Нохчийн Республикин экономикин а, мехкан а кхиаран министр.
Биографи
Дешар
2005 шарахь чекхйаьккхира Россин Федерацин Чоьхьара гӀуллакхийн минстраллин эконмикин кхерамзаллин академи, говзалла «Финансаш а, кредит».
Карьера
- 09.1999 шарера 07.2005 шо кхаччалц — Россин Федерацин чоьхьарчу гӀуллакхийн министерствон экономикин кхерамзаллин академехь дешна;
- 06.2005 шарера 01.2007 шо кхаччалц — ЗАО «Экотек-Русский Бистро» тергонан сервисан куьйгалхо;
- 01.2007 шарера 07.2009 шо кхаччалц — ЗАО «Экотек-Русский Бистро» инарла директоран йукъарчу хаттаршкахула гӀовс;
- 09.2009 шарера 11.2009 шо кхаччалц — Нохчийн пачхьалкхан университетан чоьхьарчу аудитан декъан коьрта бухгалтер;
- 11.2009 шарера 05.2010 шо кхаччалц — Нохчийн пачхьалкхан университетан тӀетоьхна корматалла Ӏаморан а, говзалла лакхайаккхаран а факультетан лектор, «Арахецаран урхаллин экономика» кафедрин ассистент;
- 05.2010 шарера 08.2018 шо кхаччалц — Нохчийн Республикин Правительствон Председателан хьехамча;
- 08.2018 шарера 03.2019 шо кхаччалц — Нохчийн Республикин Правительствон Председателан гӀоьнча;
- 03.2019 шарера 18.11.2021 шо кхаччалц — Нохчийчоьнан промышленностан а, энергетикин а министр;
- 19.11.2021 шарера 05.2024 шо кхаччалц — Нохчийчоьнан экономикин а, мехкан а кхиоран министр;
- 05.2024 шарахь дуьйна — Нохчийн Республикин Правительствон Председателан гӀовс — Нохчийн Республикин экономикин а, мехкан кхиоран а министр[1].
СовгӀаташ
- «Нохчийн Республикин хьакъволу экономист» сийлахь цӀе (2022)[2];
- Нохчийн Республикин Правительствон Сийлаллин грамоташ (2011, 2013, 2015, 2019);
- Нохчийчоьнан Куьйгалхочун Сийлаллин грамота (2018);
- Нохчийн Республикин лаккхара совгӀат — Кадыровн орден (2024);
- «Нохчийн Республикина хьалха дина гӀуллакхашна» мидал (2024).
2025-чу шеран май беттан 25-чу дийнера 27-чу дийне кхаччалц Минводехь дӀахьош йолчу Кавказан инвестицийн форуман гурашкахь Российн махлелоран а, промышленностан а палатин вице-президенто Зубков Илья Владимировича сийлахь совгӀат делира къоман экономикин а, мехкан а кхиоран министран, Правительствон председателан гӀовсанна Шаптукаев Русланна.
Нохчийн Республикин экономика кхиорехь доккха дакъа лацарна а, инвестицийн а, хьуьнарчийн а гӀуллакхийн низам тодарна а, ткъа иштта регионан бизнес-йукъараллина системин кепехь гӀо-накъосталла дарна а делла совгӀат[3].
Партин болх
«Цхьааллин Росси» партин Нохчийн регионан декъан регионан политикин кхеташонан президиуман декъашхо[4].
Билгалдахарш
- ↑ Шаптукаев Рустам Русланович. сайт Главы Чеченской Республики. ТӀекхочу дата: 2025 шеран 27 июль.
- ↑ Шаптукаевв Рустам Русланович. ru-nagrady-by.web.app. ТӀекхочу дата: 2026 шеран 24 август.
- ↑ Рустам Шаптукаев удостоен награды Торгово-промышленной палаты Российской Федерации. Союз «Торгово-промышленная палата Чеченской Республики». ТӀекхочу дата: 2025 шеран 27 июль.
- ↑ Шаптукаев Рустам Русланович. Единая Россия. ТӀекхочу дата: 2025 шеран 27 июль.
Кхин дӀа темана тӀехь
Нохчийн Республикин правительство | |
|---|---|
| Правительство Председатель | |
| Правительство Председателан гӀовсаш |
|
| Министрш |
|
