Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Таймасханов, ГӀалас Султанан воӀ

Галас ГӀалас Султанан воӀ Таймасханов (оьрс. Таймасханов, Галас Султанович; 1969 шеран 14 апрель, Цӏоьнтара, Нохч-ГӀалгӀайн Автономин Советийн Социалистийн Республика) — Россин пачхьалкхан а, политикин а гӀуллакххо[1]. Нохчийн Республикин Куьйгалхочун а, Нохчийн Республикин Правительствон а Администрацин куьйгалхо (2021 шеран 2 мартера дуьйна)[2]. 1-чу классан жигара пачхьалкхан хьехамча[3].

Биографи

Таймасханов ГӀалас вина 1969 шеран оханан беттан 14-чу дийнахь ЦӀоьнтрахь[1].

1987—1989 шерашкахь Советан эскарехь гӀуллакх дина[2].

1993-чу шарахь цо чекхйаьккхина Ламанхойн йуьртабахаман институт(оьр.)нохч.[3].

2004-чу шарахь цо чекхйаьккхина Нохчийн пачхьалкхан университет, стоьмийн а, хасстоьмийн а кхиоран а, кемсийн а кхиоран говзалла йолуш[1].

2009 шарахь чекхйаьккхина Россин Федерацин Президентан куьйга кӀел йолу Россин пачхьалкхан урхаллин академи, пачхьалкхан а, муниципалан а урхаллин говзалла[1].

2019-чу шарахь цо чекхйаьккхина Нохчийн пачхьалкхан университет юриспруденцин говзалла йолуш[1].

1993—2008 шерашкахь тайп-тайпанчу даржашкахь болх бира коммерцин структурашкахь[3].

2008—2009 шерашкахь — Нохчийн Республикин Куьйгалхочун секретариатан куьйгалхо[2].

2009—2011 шерашкахь — Нохчийн Республикин Куьйгалхочун а, Правительствон а Администрацин куьйгалхочун хьалхара гӀовс.

2011 шарера 2017 шаре кхаччалц Нохчийн Республикан промышленностан а, энергетикан а министр[2].

2017 шарера 2019 шаре кхаччалц Нохчийн Республикан Куьйгалхочун а, Правительствон а Администрацин куьйгалхочун хьалхара гӀовс[3].

2019 шарера 2020 шаре кхаччалц Нохчийн Республикан Куьйгалхочун а, Правительствон а Администрацин куьйгалхо[2]

2020 шарера 2021 шаре кхаччалц — Нохчийн Республикан экономикан а, территориальни кхиоран а, йохк-эцаран а министр[3].

2021 шеран бекарг беттан 2-чу дийнахь Нохчийчоьнан Куьйгалхочун а, Правительствон а Администрацин куьйгалхо хӀоттийра[2].

Ӏилманан тӀегӀа

2012-чу шарахь академик М. Д. Миллионщиковн цӀарах йолчу Соьлжа-ГӀалин пачхьалкхан мехкадаьттан технически университетехь диссертацин кхеташонан сацамца ГӀалас Таймасхановна экономикан Ӏилманийн кандидатан цӀе йелла[1].

СовгӀаташ

  • 2010 шо, «Сийлахь къинхьегамна» сийлаллин седа;
  • 2010 шо, Нохчийн Республикин Куьйгалхочун Баркаллин кехат;
  • 2011 шо, «Нохчийн Республикина хьалха дина гӀуллакхашна» мидал;
  • 2011 шо, Нохчийн Республикин Правительствон Сийлаллин грамота;
  • 2020 шо, «Даймахкана хьалха дина гӀуллакхаш бахьана долуш, 2-гӀа классан» орденан мидал;
  • 2021 шо, Кадыровн орден;
  • 2022 шо, ДоттагӀаллин орден;
  • 2022 шо, «Нохчийн Республикан 100 шо кхачар» мидал;
  • 2023 шо, «Даймахкана гӀуллакх дарна», 4-гӀа классан орден;
  • 2024 шо, Сийлахь цӀе «Нохчийн Республикин хьакъволу экономист»;
  • 2024 шо, Нохчийн Республикин Правительствон Сийлаллин грамота;
  • 2024 шо, «Дуьненайукъара кегийрхойн фестиваль 2024» дагалецаман мидал;
  • 2024 шо, Россин Федерацин Президентан Сийлаллин грамота;
  • 2024 шо, «Дикачу гӀуллакхна» мидал, Россин ФССП;
  • 2025 шо, Россин Федерацин Президентан Баркаллин кехат;
  • 2025 шо, мидал «Нохчийн Республикин Хьалхара Президент Кадыров Ахмат-Хьаджи дагалоцуш»[2].

Билгалдахарш

  1. ↑ 1 2 3 4 5 6 Таймасханов Галас Султанович, Единая Россия. Дата обращения: 14 апрелехь 2025.
  2. ↑ 1 2 3 4 5 6 7 Таймасханов Галас Султанович. chechnya.gov.ru. ТӀекхочу дата: 2025 шеран 14 апрель.
  3. ↑ 1 2 3 4 5 Таймасханов Галас Султанович. www.grozny-inform.ru (2022 шеран 10 июнь). ТӀекхочу дата: 2025 шеран 18 апрель.

Категореш