Кадыровн Орден

Орден йукъайаьккхина Нохчийн Республикин Президентан 2004-чу шеран хьаьттан беттан 19-чу дийнахьлерчу № 208 «Кадыровн орденан хьокъехь» долчу Указца. Нохчийн Республикин 2015-чу шеран 24-чу дийнахьлерчу № 212 «Кадыровн орденан хьокъехь» долчу Указца^[1] орденан керла статут тӀечӀагӀйина, орденан сурт а, цуьнах лаьцна хаам а йукъабалийна.

Нохчийн Республикина хьалха даккхий хьуьнарш гайтарна луш йу орден.

Кадыровн орденца совгӀат до пачхьалкхан а, йукъараллин а гӀуллакххошна а, гражданашна а, организацешна а пачхьалкхалла кхиорца а, къинхьегамехь кхиамаш бахарца а, машар чӀагӀбарца а, халкъашна йукъара доттагӀаллин уьйраш чӀагӀйарца а, Нохчийн Республика кхиорца а доьзна долу хьуьнарш гайтарна. Кадыровн орден йолу нах Нохчийн Республикин Мехк-Дас а, Нохчийн Республикин Правительствос а пачхьалкхан дезчу деношна а, Нохчийн Республикина мехала болчу хиламашна а леринчу цхьаьнакхетаршка кхойкху.

Кадыровн орден 750 цӀеналла йолчу деших йеш йу, горга кеп а, диаметр 33 мм а, йозалла 55-60 грамм а, аратаьӀна йистош а йолуш йу иза.

Йуьхьан агӀонна тӀехь Нохчийн Республикин хьалхарчу Президентан А. Кадыровн сурт ду. Орденан шолгӀачу агӀонан лекхахь го боккхуш рельефан элпашца «ШЕН ХАЛКЪАН КӀАНТ» ду, орденна йуккъехь шина могӀарца: «ИЗА ДӀАВАХА», «ИЭШНА ВОЦУШ». Лахахь рогӀан лоьмар а, аратаьӀна пхи маьӀиг йолу седа а.

Орден а, йиъкӀов йолу аса а хӀотталуш йу. Аса шина декъах лаьтташ йу: коьрта (тӀехьара) а, йуьхьан (хьалхара) а. Йуьхьан дакъа мехалчу тӀулгашца кечдина ду: цӀен алмазаш (36 цӀен алмаз, йозаллин барам 1,8 карат), сапфираш (36 сапфир, йозаллин барам 1,8 карат), брильянташ (36 брильянт, йозаллин барам 1,08 карат). Асанан локхалла – 18 мм, шоралла – 23 мм.

Асанан тӀехьара дакъа лахахь а, лекхахь а хадош пурхнехьа ши сиз ду даьккхина, лакхалла – 21 мм, шоралла – 23 мм, тӀехьа дӀауллу маха а бу. ДӀауллучу механна тӀехь дешин цӀеналла йу йазйина^[2]

Хьажа: Категори:Ахьмад Кадыровн цӀарах йолу орденан кавалераш