Каримов, Ӏаьлви Ахьмадан воӀ
Кари́мов Ӏальви Ахьма́дан воӀ (оьрс. Каримов, Альви Ахмадович; 1950 шеран 2 октябрь, Лениногорск[d], ГӀезалойн Автономин Советийн Социалистийн Республика — 2023 шеран 19 октябрь, Йоккха-Атагlа, Нохчийн Республика) — россин журналист а, йаздархо а, политикин гӀуллакххо а. Нохчийн Республикин мехкден хилла пресс-секретарь (2009—2020) а, «Нохчийн Республикин сийлахь гражданин» цӀе (2004).
Биографи
Каримов Ӏаьльви вина Лениногорскехь (ГӀезалойн АССР). Эскаран гӀуллакх дина Москохахь а, Тийна Ӏапказан флотехь а, ТӀХӀФ резерван эпсар. Эскарера мукъаваьллачул тӀаьхьа оьрсийн меттан а, литературин а хьехархочун болх бира, райкомехь ССКП парткомиссин председатель волуш[1].
«РИА Новости» долара корреспондент хилла, 1997 — 2009 шарахь — Къилбаседа Кавказехь «Интерфакс» агенталлин долара корреспондент.
1999 чекхдолуш – 2000 шо долалуш тӀом чӀогӀа жигара баьллачул тӀаьхьа цхьаъ бен воцу журналист хилира, Соьлжа-ГӀалахь дерг дуьйцуш волу.
2000 шеран июнехь дуьйна Нохчийн Республикин администрацин куьйгалхочун гӀоьнча а, 2004 шеран майхь терактехь кхелхинчу хьалхарчу президентан Кадыров Ахьмадан гӀоьнча а. Шена а хала чевнаш йира 2002-чу шеран декабрь беттан 27-чу дийнахь Нохчийн Правительствон цӀийнан гӀишлонна хьалха эккхийтарехь.
2009 шеран мартера 2020 шеран апрель кхаччалц Нохчийн Республикин мехкаден Кадыров Рамзанан пресс-секретарь вара (Нохчийн Республикин мехкаден а, правительствон а хааман урхаллин хьаькам).
ЧГТРК «Грозный» спутникан каналехь «Диалогаш» цӀе йолчу телепередачийн автор а, дӀахьош а вара иза, цуьнан хьеший бара Рамзан Кадыров а, Владимир Путин а, Владислав Сурков а, Валентина Матвиенко а, Рашид Нургалиев а, Ирина Роднина а, Жан-Клод Ван Дамм а, Жерар Депардье а, Стивен Сигал а, Хлопонин Александр а, Максим Шевченко а, Сайтиев Бувайсар а, Андрей Бакланов а, Сергей Фурсенко а, Одес Байсултанов а, иштта кхин а гӀарабевлла политикаш а, йукъараллин гӀуллакххой а.
Валар
2023 шеран эсаран беттан 19-гӀа велла шен йуьртахь Жима АтагӀахь 73 шо хан йолуш[2][3]. Бахьана онкологин цамгар.
СовгӀаташ
- Сийлаллин орден;
- Кадыровн орден;
- «Нохчийн Республикина дина гӀуллакхашна» мидал;
- «Нохчийн Республикехь парламентаризм кхиорна» мидал;
- «Нохчийн Республикин сийлахь гражданин» цӀе (2004);
- «Соьлжа-гӀалин сийлахь ггражданин» цӀе;
- «Нохчийн Республикин сийлахь журналист» цӀе (2010);
- СовгӀат Российн журналистийн союз «Горячая линия» номинацехь (1996);
- СовгӀат «Журналистийн доьналла гайтарна» (2002);
- «Тоьлла «Интерфаксан долара корреспондент» ;
- Гран-при дуьненанйукъара къовсам «Золотое перо».
Билгалдахарш
- ↑ Илья Пламенев. Умер бывший пресс-секретарь Кадырова Альви Каримов. РБК (20 октября 2023). ТӀекхочу дата: 2023 шеран 20 октябрь.
- ↑ Ушел из жизни Альви Каримов. www.grozny-inform.ru (2023 шеран 20 октябрь). ТӀекхочу дата: 2023 шеран 20 октябрь.
- ↑ Скончался бывший пресс-секретарь Главы ЧР Альви Каримов. Чечня сегодня (20 октября 2023). ТӀекхочу дата: 2023 шеран 20 октябрь.
Хьажоргаш
- Каримов Альви Ахмадович. Глобалмск.ру. ТӀекхочу дата: 2019 шеран 29 октябрь.