Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Кадыров, Ахьмад Рамзанан воӀ

РУВИКИ чохь изза фамили йолчу кхечу адамех лаьцна йаззамаш бу Кадыров.

Ахьмад Рамзанан воӀ Кадыров (оьрс. Ахмат Рамзанович Кадыров; 2005 шеран 8 ноябрь) — Россин йукъараллин а, политически а гӀуллакххо, Рамзан Кадыровн воккхаха волу кӀант. 2024-чу шеран хӀутосург беттан 21-чу дийнахь дуьйна Нохчийн Республикин физически культурин а, спортан а министр[1]. 2026-чу шеран кхолламан баттахь дуьйна Нохчийн Республикин Правительствон Председателан заместитель — Нохчийн Республикин физически культурин а, спортан а министр[2].

2022-чу шарахь дуьйна шен ден гӀоьнча даржехь ву иза, Россин берийн а, кегийрхойн а боламан регионан председателан даржехь.

Биографи

Ахьмад Кадыров вина 2005-чу шеран лахьанан беттан 8-чу дийнахь Рамзан Ахьмадан воӀан а, Медни Мусаевн а доьзалехь. Иза хили уьш йалхалгӀа бер а, воккхахволу кӀант а (цул тӀаьхьа кхоъ кӀант а, ши йоӀ а дина). Ахьмад деда, шайн ден да, Нохчийн республикин президент, цхьана ах шарахь сов хьалха велла волу Кадыров Ахьмад-Хьаьжи сий деш, цуьнан цӀарах ваьккхина. Лахьанан беттан 18-чу дийнахь 2005 шарахь Рамзан Кадыров хӀоттийра Нохчийн правительствон председательан декхарш кхочушдеш[3]. 2007-чу шарахь иза регионехь президент хилира.

Кхиаран бархӀолгӀа шаре ваьлча Ахьмад Кадыровна дага хаьара КъурӀан дерриг текст. Ахьмадан дешар хилира Ахьмад-Хьаьжи Кадыровн цӀарах йолчу Центрехь. Жимчохь дуьйна къийсалуш вара низамаш доцу латаршкахь а, боксехь а. Итт шо долуш иза дебют йира халкъашна йуккъера MMA турнирехь, цуьнан латтарш нохчийн телевиденехула гойтура. Хаамийн гӀирсаша бахарехь, Кадыровс цкъа а эшам бина бац, шен дукхахйолу летарш техникин нокаутца дерзийна[4]. 2020-чу шарахь Бачи-Йуртара спортан комплекс Ахьмад Кадыровн цӀарах йиллира.

2022-чу шарахь дуьйна А. А. Кадыровн цӀарах йолу Нохчийн пачхьалкхан университетан юридически факультетехь доьшуш ву[2].

Карьера

2022-чу шарахь Кадыров Ахьмадан политически карьера йолаелира: иза хӀоттийира Россин берийн а, кегийрхойн а боламан региональни председатель — Нохчийчохь пачхьалкхан кегийрхойн политикана куьйгалла дар тӀе а эцна[5]. Цо дӀадолийра масех проектан терго йар: ишколаш а, бераш тӀеоьцийлаш а дар, Нохчийн Республикин бренд йаржор, патриотически кхиоран программа. 2023-чу шеран бекарг баттахь Ахьмад Москван Кремлехь цхьаьнакхийтира Россин президентца Путин Владимирца (Кадыров Рамзанан дешнашца, оцу цхьанакхетарехь коьртачу декъана дуьйцура воккхачу Кадыров Ахьмад-Хьаьжих лаьцна)[6]. 2023-чу шеран оханан баттахь Кадыровс Азербайджанан леррина визит дира, цигахь цхьаьнакхийтира экономика министр Джаббаров Микаилца, Ӏаламан ресурсийн а, экологин а министр Бабаев Мухтарца, муфтий Пашазаде Аллахшукюрца, азербайджанийн-россин бизнес-кхеташонан урхаллин корта Самед Гурбановца[7].

2023-чу шеран лахьанан беттан 13-чу дийнахь Нохчийн парламентан председатель Даудов Магомед хаам бира, Кадыров Ахьмад Нохчийн физически оьздангаллин а, спортан а, кегийрхойн политикин а министраллин хьалхарчу заместителан дарже хӀоттийна аьлла[8].

2024-чу шеран хӀутосург беттан 21-чу дийнахь хӀоттийна Нохчийн физически культурин а, спортан а министр[1].

2024-чу шеран хӀутосург беттан 23-чу дийнахь «Ахмат» футболан клубан президент хилира[9], 2025-чу шеран мангалан беттан 17-чу дийнахь цу даржера Закриев Якъуб вуьзира[10].

2026-чу шеран кхолламан баттахь Нохчийн Республикин правительствон председатель Даудов Магомеда магийначухула, Кадыров Ахьмад Нохчийн Республикин правительствон председателан заместитель — Нохчийн Республикин физически культурин а, спортан а министр волуш (декхарш кхочушдеш) хӀоттийна[11].

Доьзал

2023-чу шеран бекарг беттан 4-чу дийнахь Кадыровс зуда йалийра. Цуьнан зуда йинчу цӀарах болу хаам гучубоккхуш бац[12].

СовгӀаташ

  • ЧГӀМ «Терроризмаца къийсамехь хьуьнарш гайтарна» мидал (2023)[13];
  • «Кегийрхойн политикин декъехь сийлахь белхахо» цӀе (2023-чу шеран эсаран баттахь);
  • Нохчийн Республикин Парламентан Лакхара орден «Даймехкан Сий» (2023-чу шеран лахьанан баттахь);
  • Физически культурин а, спортан а декъехь пачхьалкхан урхаллин органа 100 шо кхачарна лерина юбилейн мидал (2023-чу шеран лахьанан баттахь);
  • Кадыровн орден (2024-чу шеран чиллин баттахь);
  • Донецки Халкъан Республикин куьйгалхочун баркаллин кехат (2024)[2];
  • «Гуьмсан кӀоштан сийлахь вахархо» (2025-чу шеран хьаьттан беттан 20-чу дийнахь)[14];
  • «Нохчийн Республикин Хьалхарчу Президентан, Кадыров Ахьмад-Хьаьжин иэсан» мидал (2025-чу шеран гӀуран баттахь)[2];
  • Николай Озеровн мидал — физически культурин а, спортан а декъехь къаьсттинчу доларачу кхиамашна а, толамашна а (2026-чу шеран чиллин баттахь)[15];
  • Россин президентан баркаллин кехат Россин президентан баркаллин кехат(оьр.)нохч. (2026-чу шеран бекарг беттан 30-чу дийнахь)[16];
  • «Нохчийн Республикан Турпалхо» цӀе (2026-чу шеран хьаьттан беттан 7-чу дийнахь)[17][18].

Билгалдахарш

  1. ↑ 1 2 Сына главы Чечни Ахмата Кадырова назначили министром спорта республики. АиФ (2024 шеран 21 май). ТӀекхочу дата: 2026 шеран 17 август.
  2. ↑ 1 2 3 4 Ахмат Рамзанович Кадыров - министр. Министерство Чеченской Республики по физической культуре и спорту Минспорт ЧР. ТӀекхочу дата: 2026 шеран 17 август.
  3. ↑ 11 лет назад Рамзан Кадыров стал и.о. премьер министра ЧР(оьр.), ЧГТРК ГРОЗНЫЙ. Дата обращения: 17 августехь 2026.
  4. ↑ Сыновья Кадырова дерутся и никогда не проигрывают., Sports.ru (2021, 19 апрель). Дата обращения: 17 августехь 2026.
  5. ↑ Варвара Кошечкина. Сын Кадырова получил пост в 16 лет, Lenta.RU (2022, 14 сентябрь). Дата обращения: 17 августехь 2026.
  6. ↑ Сакина Куриева. Путин провел неофициальную встречу с сыном Кадырова. www.gazeta.ru (2023 шеран 4 март). ТӀекхочу дата: 2026 шеран 17 август.
  7. ↑ Старший сын Кадырова встретился с министром экономики Азербайджана, РИА Новости (2023, 31 март). Дата обращения: 17 августехь 2026.
  8. ↑ Старшего сына Кадырова назначили первым замминистра спорта Чечни. RTVI (2023 шеран 13 ноябрь). ТӀекхочу дата: 2026 шеран 17 август.
  9. ↑ 18-летний сын Рамзана Кадырова стал президентом «Ахмата». championat.com (2024 шеран 23 май). ТӀекхочу дата: 2026 шеран 17 август.
  10. ↑ Глава бывшей «Данон Россия» сменил сына Кадырова во главе ФК «Ахмат», РБК (2025, 16 июль). Дата обращения: 17 августехь 2026.
  11. ↑ Ахмат Кадыров назначен ИО вице-премьера ЧР(бил-боцу.). www.grozny-inform.ru. ТӀекхочу дата: 2026 шеран 17 август.
  12. ↑ Сын главы Чечни Ахмат Кадыров женился в 17 лет. newstracker.ru (2023 шеран 4 март). ТӀекхочу дата: 2026 шеран 17 август.
  13. ↑ Несовершеннолетних детей главы Чечни Рамзана Кадырова наградили за борьбу с терроризмом. www.gazeta.ru (2023 шеран 28 март). ТӀекхочу дата: 2026 шеран 17 август.
  14. ↑ Ахмат Кадыров удостоен звания «Почётный гражданин Гудермесского района». www.grozny-inform.ru (2025 шеран 20 август). ТӀекхочу дата: 2026 шеран 17 август.
  15. ↑ Старшего сына Кадырова наградили медалью Николая Озерова, РИА Новости Спорт (2026, 13 февраль). Дата обращения: 17 августехь 2026.
  16. ↑ Путин объявил благодарность сыну Кадырова — РБК. www.rbc.ru (2026 шеран 30 март). ТӀекхочу дата: 2026 шеран 17 август.
  17. ↑ Сыну Кадырова присвоили звание Героя Чеченской Республики. РИА Новости (2026 шеран 7 август). ТӀекхочу дата: 2026 шеран 17 август.
  18. ↑ Старшему сыну Кадырова присвоили звание Героя Чеченской Республики. Московский комсомолец (2026 шеран 7 август). ТӀекхочу дата: 2026 шеран 17 август.

Категореш

© Правообладателем данного материала является АНО «Интернет-энциклопедия «РУВИКИ».
Использование данного материала на других сайтах возможно только с согласия АНО «Интернет-энциклопедия «РУВИКИ».