Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Дааев, Хож-Бауди Буаран воӀ

Дааев Хож-Бауди Буаран воӀ (оьрс. Дааев, Хож-Бауди Буарович; 1980 шеран 10 июль, Хоси-Юрт, Нохч-ГӀалгӀайн Автономин Советийн Социалистийн Республика) — россин пачхьалкхан гӀуллакххо. 2021 шеран 28 ноябрехь дуьйна Нохчийн Республикин дешаран а, Ӏилманан а министр. Нохчийн Республикин кегийрхойн политикин кхоченан хьакъволу белхало. Нохчийн республикин оьздангаллин хьакъволу белхало.

Биографи

Вина 1980 шеран мангалан беттан 10-чу дийнахь Нохч-ГӀалгӀайн АССР Шелан кӀоштарчу Хоси-Йуьртахь[1] (хӀинца Нохчийн республикин Курчалойн кӀоштан Ахьмад-Йурт).

1997 шарахь чекхйаьккхира Устарада-ГӀалин № 2 йолу йуккъера ишкол; 2003 шарахь чекхйаьккхира Соьлжа-ГӀалин маьхкдаьттан институт «Промышленностан а, гражданийн а гӀишлошйар» говзаллица; цул тӀаьхьа чекхйаккхина РФ Президент волчура Российн халкъан бахаман а, пачхьалкхан гӀуллакхан а академи "Пачхьалкхан а, муниципалан а урхалла» говзаллица[1].

Нохчийн Республикин культурин тӀаьхьенан объектийн каталоган автор а (2018 шо) а, кхаа зорбанан изданийн соавтор а ву:«Традиционная национальная одежда чеченцев» (2017); «Декоративно-прикладное искусство Чеченской Республики» (2017); «Грозный 1818-2018 гг.» (2018)[1].

Карьерин муьраш

2006-чу шарахь Нохчийн Республикин Куьйгалхочун а, Правительствон а аппаратан бахархойн заявленешца а, кхайкхамашца а болх баран декъан бахархойн заявленешна анализ йечу, жамӀаш даран, царна тӀехь урхалла даран декъан коьрта говзанча хилира;

2007 шарахь хилира Правительствон председателан гӀовсан секретариатан коьрта говзанча-эксперт – Нохчийн Республикин Президентан а, Правительствон а Администрацин куьйгалхочун; цул тӀаьхьа Нохчийн Республикин Правительствон Председателан гӀоьнча хилира – Нохчийн Республикин Куьйгалхочун а, Правительствон а Администрацин куьйгалхо;

2011-чу шарахь иза хӀоьттира Нохчийн Республикин Правительствон Председателан гӀовсан Секретариатийн куьйгалхо – Нохчийн Республикин Куьйгалхочун а, Правительствон а Администрацин куьйгалхо;

2011 шарахь Нохчийчоьнан коьртачу шахьаран мэран гӀовс хӀоьттира;

2012-чу шарахь Нохчийчоьнан кегийрхойн гӀуллакхийн министр хӀоьттира;

2013 шарахь хилла Нохчийн Республикин Оьздангаллин министр[1].

2021 шеран 8 октябрера 18 ноябрь кхаччалц Нохчийн Республикин Правительствон Председателан гӀовсан даржехь хилла;

2021 шеран 28 ноябрехь Хучиев Муслиман хьехамца Нохчийн Ресубликин куьйгалхочо Кадыров Рамзана хӀоттийра Нохчийн Республикин Дешаран а, Ӏилманан а министран дарже[2].

СовгӀаташ

Сийлахь цӀераш

  • «Нохчийн Республикин кегийрхойн политикин кхоченан хьакъ долу белхало»;
  • «Нохчийн Республикин оьздангаллин хьакъ долу белхало»[1].

Орденаш а, мидалш а

  • Сийлахь седа «Къинхьегамехь билгалваларна»;
  • «Нохчийн Республикин хьалха гӀуллакхаш дарна» мидал;
  • «Кадыровн орден»;
  • «Кадыров Ахьмад-Хьаьжин, Нохчийн Респуликин хьалхара Президентан» мидал[1].
  • Россин Федерацин Правительствон баркалла (2019-чу шеран гӀуран беттан 31-гӀа де) - къоман оьздангаллаа кхиорехь дина гӀуллакхашна а, дуккха а шерашкахь догцӀена къахьегарна а[3];
  • Нохчийчоьнан Куьйгалхочун Сийлаллин грамота (2021);
  • Дешарехь а, Ӏилманехь а Ӏуналла даран федеральни службан баркаллин кехат (2022);
  • «Даймахкана гӀуллакхаш дарна» орденан мидал II тӀегӀанан (2022 шеран асаран бутт 15-гӀа де) — баьхна къинхьегаман кхиамашна а, дуккха шерашкахь хьаннал къахьегарна[4];
  • Мидал «Нохчийн Республика кхоллаелла 100 шо кхачар» (2023)[5].

Хьажоргаш

Билгалдахарш

  1. ↑ 1 2 3 4 5 6 Министр образования - Министерство образования и науки Чеченской Республики. mon95.ru. ТӀекхочу дата: 2022 шеран 20 январь. Архивйина 2022 шеран 20 январехь
  2. ↑ Новым министром образования и науки ЧР стал Хож-Бауди Дааев | Информационное агентство "Грозный-Информ". www.grozny-inform.ru. ТӀекхочу дата: 2022 шеран 20 январь. Архивйина 2022 шеран 20 январехь
  3. ↑ Распоряжение Правительства Российской Федерации от 31.12.2019 № 3267-р ∙ Официальное опубликование правовых актов. publication.pravo.gov.ru. ТӀекхочу дата: 2026 шеран 28 январь.
  4. ↑ Указ Президента Российской Федерации от 15.06.2022 № 381 ∙ Официальное опубликование правовых актов. publication.pravo.gov.ru. ТӀекхочу дата: 2026 шеран 28 январь.
  5. ↑ Дааев Хож-Бауди Буарович. chechnya.gov.ru. ТӀекхочу дата: 2026 шеран 9 июль.

Категореш