Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Зайпуллаев, Муслим Мохьмад-ЯрагӀин воӀ

Зайпуллаев Мохьмад-ЯрагӀин Муслим (1972 шеран 26 август, Iашхой-Марта, Тӏаьхьа-Марта, Нохч-ГӀалгӀайн Автономин Советийн Социалистийн Республика) — Россин пачхьалкхан гӀуллакххо. 2016-чу шеран 4 апрелехь дуьйна Нохчийн Республикин гӀишлошйаран а, бахаман-коммунальни хьолан а, энергетикин а министр.

Биографи

Зайпуллаев Муслим вина 1972-чу шеран 26 августехь Нохч-ГӀалгӀайн АССР-н ТӀехьа-МартантӀехь (Ачхой-Мартан)[1].

1994-чу шарахь цӀечу дипломца чекхйаьккхина академик М. Д. Миллионщиковн цӀарах йолу Соьлжа-ГӀалин мехкдаьттан институт «Промышленное и гражданское строительство» говзаллица. 2012-чу шарахь шолгӀа лакхара дешар дешна Саратовн пачхьалкхан социальни-экономикин университетехь(оьр.)нохч. «Менеджмент организации» говзаллица[2].

Къинхьегаман некъ

1994-чу шарера 2004-чу шаре кхаччалц болх бина МПМК «Новотерская» ОАО «Чеченагропромстрой» хьаькаман гӀовс даржехь. 2004-чу шарахь иза дехьаваьккхира «Чеченагропромстрой» ОАО-н инарлин директоран гӀовсан дарже, цигахь цо нах беха гӀишлош йаран дакъа шайна тӀелаьцнера. Оцу даржехь цо 2007-чу шаре кхаччалц болх бина[3].

2007-чу шарера 2016-чу шаре кхаччалц «МегаСтройИнвест» олучу гӀишлошйаран компанин инарлин директор вара. Оцу хенахь компанино Нохчийн Республикехь йаккхийра нах беха гӀишлош а, йукъараллин объекташ а йеш болх бина[4].

Пачхьалкхан гӀуллакх

2016-чу шеран 4 апрелехь Нохчийн Республикин куьйгалхочун Кадыров Рамзанан омрица иза хӀоттийра республикин гӀишлошйаран а, ЖКХ а министр дарже. Ша министр волуш, Зайпуллаев Муслима куьйгалла до Нохчийчохь кхочушдеш долу пачхьалкхан программашна. Уггаре коьртачех цхьа гӀуллакх ду — тишйеллачу (аварийн хьолехь йолу) хӀусамашкара нах керлачу хӀусамашка дехьабахар. 2024-чу шарахь цуьнан куьйгаллица оцу программина йукъахь 1100 гергга стаг керлачу хӀусамашка дехьаваьккхина[5].

Иштта министерствос болх бо «Стимул» олучу программица, цуьнан Ӏалашо йу республикехь нах беха гӀишлош дукха йар. Оцу программица Нажи-Юьртан кӀоштарчу Айти-Мохк эвлахь а, кхинйолчу кӀошташкахь а керла комплексаш йеш йу. Цул совнах, министерствос терго йо йукъараллин меттигаш (паркаш, сквераш) тойарна а, буоберашна хӀусамаш йаларна а[6].

СовгӀаташ а, сийлахь цӀерш а

Пачхьалкхан гӀуллакхехь а, шен говзаллица а кхиамаш бахарна цунна масех совгӀат делла:

  • Сийлахь цӀе «Нохчийн Республикин сийлахь вахархо» (2009).
  • Мидал «Нохчийн Республикин хьалхахь гайтинчу гӀуллакхашна» (2010).
  • Сийлахь цӀе «Нохчийн Республикин хьакъволу гӀишлошйархо» (2011).
  • Нохчийн Республикин куьйгалхочун баркаллин кехат (2014).
  • Сийлахь хьаьрк «Къинхьегамера къастарна» (2016).
  • Кадыровн орден (2017).
  • Орденан мидал «Даймехкан хьалхахь гайтинчу гӀуллакхашна» II тӀегӀанан (2023).
  • Россин Федерацин Президентан сийлахь грамота (2024).

Билгалдахарш

  1. ↑ В Минстрое ЧР обсудили работу по улучшению жилищных условий граждан. Министерство строительства и ЖКХ ЧР (2026 шеран 17 февраль). ТӀекхочу дата: 2026 шеран 19 март.
  2. ↑ Зайпуллаев Муслим Магомед-Ярагиевич. Единая Россия. ТӀекхочу дата: 2026 шеран 19 март.
  3. ↑ Официальный сайт Главы Чеченской Республики  » Глава ЧР поздравил с днем рождения первого заместителя Руководителя Администрации Президента РФ С. Кириенко(бил-боцу.). chechnya.gov.ru. ТӀекхочу дата: 2026 шеран 19 март.
  4. ↑ Новым министром строительства и жилищно-коммунального хозяйства Чеченской Республики стал Муслим Зайпулаев. Юга.ру (2016 шеран 4 апрель). ТӀекхочу дата: 2026 шеран 19 март.
  5. ↑ В Чечне расселят около 10 тысяч квадратных метров аварийного жилья. Национальные проекты РФ (2024 шеран 15 июль). ТӀекхочу дата: 2026 шеран 19 март.
  6. ↑ В Минстрое ЧР обсудили работу по улучшению жилищных условий граждан. Министерство строительства и ЖКХ ЧР (2026 шеран 17 февраль). ТӀекхочу дата: 2026 шеран 19 март.

Хьажоргаш

Кхин дӀа темана тӀехь

Категореш