Хатаев Имам Ӏабдулан воI
Хатаев Имам Ӏабдулан воI (оьрс. Хатаев, Имам Абдулаевич; 1994 шеран 31 август, ГӀулара, Нохчийн Республика) — российн боксёр-говзанча а, схьавалар нохчех долуш а, ахвеза категорехь леташ волу. Россин хьакъволу спортан говзанча[1] а, 2020 шеран Олимпийн ловзарийн борзанан совгӀатхо, кхузза Россин чемпион (2019 а, 2020 а, 2022 а), 2015 а, 2017 а, 2018 а шерашкахь Россин чемпионатийн детин совгӀатхо, студенташна-йезархошна йукъахь дуьненан чемпион (2014). NABF версица ахвеза категорехь АЦШ-н хилла волу чемпион (2024—2025).
BoxRec рейтингехь уггаре лакхара меттиг — 14-гӀа (2025 шеран оханан бутт) йара, иштта иза 2-гӀа[2] вара ахвеза категорехь болчу российн боксёршна йукъахь, ткъа дуьненайукъара коьртачу боксан организацийн рейтингашкахь дӀалоцу: WBC рейтингехь 7-гӀа меттиг, IBF рейтингехь 6-гӀа меттиг — иза дуьненан ТОП-15 ахвеза категорин боксёршна йукъавогӀуш ву.
2025 шеран мангалан беттан 1-чу дийнахь дисквалификаци йира Хатаев Имамна, антидопинган бакъонаш талхийна аьлла. 2024 шеран оханан беттан 9-чу дийнахь спортхочун допинг-пробехь кломифен а, цуьнан метаболиташ а карийна. Дисквалификаци лаьттар йу 2027 шеран асаран беттан 25-чу дийнахь кхаччалц. Спортхочун 2024 шеран оханан баттера 9-чу дийна 2025 шеран асаран беттан 26-чу дийнахь кхаччалц хилла жамӀаш дӀадаькхина[3].
Биографи
Хатаев Имам 1994 шеран хьаьттан беттан 31-чу дийнахь вина Нохчийчоьнан ТӀехьа-Мартанан кӀоштарчу ГӀулара эвлахь.
Йезархойн карьера
2015 шо
2015 шеран лахьанан беттан Самарехь хиллачу Россин чемпионатехь 81 кг кхаччалц йолчу категорехь детин совгӀатхо хилира иза, финалехь очкошца эшийна Георгий Кушиташвилис[4].
2019—2021 шераш
2019 шеран чиллин беттан Софехь (Болгари) хиллачу «Странджа» цӀе йолчу векалийн дуьненайукъарчу турнирехь 81 кг кхаччалц йолчу йозаллин категорехь толамхо хилира. Ахфиналехь суьдхойн цхьабартболу сацамца Туркойчура Байрам Малкан эшийра цо, ткъа финалехь АЦШ-ра Халил Коэ ринге ца веара[5][6].
2021 шеран оханан беттан «Петарбухан губернаторан Кубок» дуьненайукъарчу турнирехь 81 кг кхаччалц йолчу категорехь детин совгӀат даьккхира, финалехь зевеллачу кхазакхо Бекзад Нурдаулетовас эшийна[7].
2020 шеран Олимпийн ловзарш
2021 шеран асаран баттахь Парижехь (Франци) квалификацин турниран чийрик-финалехь 2:3 чоьтаца эшийна къовсамечу латарехь Азербайджанера боксёрца Лорен Альфонсо Домингесца, амма квалификацехула чекх а ваьлла, 2020 шеран Олимпийн ловзаршкахь дакъалаца лицензи йаьккхира цо[8].
2021 шеран мангалан беттан Токиохь хиллачу Олимпиадехь 1/16 финалехь мароккочуьнца Мохамед Ассахираца латарехь Хатаевна толам белира, российн боксёр шеко йоцуш тоьлуш хилар бахьана долуш суьдхочо латар сацийначул тӀаьхьа. Цул тӀаьхьа цо очкошца эшийра кхазакх Бекзад Нурдаулетов[9]. Чийрик-финалехь Хатаевс кхоалгӀачу раундехь нокауте вахийтира Испанин векал Джалидов Газимагомед[10]. Ахфиналехь Хатаев эшийра Британера Бенджамин Уиттекерс, иштта Олимпиадин борзанан совгӀатхо хилира иза[11].
2022—2023 шераш
2022 шеран эсаран беттан баттахь Читехь кхозлагӀа Россин чемпион хилира 80 кг кхаччалц йолчу категорехь[12]. Цигахь 1/8 финалехь суьдхойн цхьабартболу сацамца (5:0) цо очкошца эшийра Михаил Усов[13], цул тӀаьхьа чийрик-финалехь суьдхойн цхьабартболу сацамца (5:0) очкошца эшийра Петарбухера зевелла Андрей Косенков[14], ахфиналехь иза летира шен зевеллачу махкахочуьнца Тапаев Ӏабдул-Керимца[15], ткъа финалехь суьдхойн цхьабартболу сацамца очкошца цо эшийра Савелий Садома[16].
2023 шеран чиллин беттан цо толам баьккхира Мароккон паччахьан Мохьаммад VI совгӀаташна дуьненаюкъара турнирехь Марракешехь (Марокко)[17][18], цигахь ахфиналехь[19] цо очкошца эшийра ДР Конгора Петер Пита, цул тӀаьхьа финалехь суьдхойн къаьстина болу сацамца очкошца эшийра зевелла кубинхо Арлен Лопес[20].
Корматаллин карьера
2021 шеран лахьанан беттан 3-чу дийнахь Соьлжа-ГӀалахь (Росси) корматаллин рингехь кхиамца дебют йира, цо эшийра зевелла азербайджанец Исмат Эйнуллаев (14-5)[21].
2023 шеран бекарг беттан 12-чу дийнахь Сиднейхь (Австрали) 2-гӀа раундехь технически нокаутца хенал хьалха эшийра цкъа а эшна воцу кореец Ги Сун Гвак (4-0)[22].
2025 шеран мангалан беттан Хатаевна корматаллин карьерехь хьалхара эшар хилира, Нью-Йоркехь хиллачу турнирехь суьдхойн къаьстина болу сацамца кубинхочо Дэвид Моррелас эшийра и[23].
2025 шеран гӀуран беттан 11-чу дийнахь Канадин Гатино гӀалахь цо нокаутехь дӀаваьккхира Россехь вина немцойн боксёр Дейнс Адам (латар дӀахьочу хенахь 24 толам, 3 эшам, 1 нисдаларан рекорд йолуш), NABF Къилбаседа Америкехь кӀезиг йозаллин чемпионатехь толам баьккхира. Хатаевс хьалхарчу раундехь шен дуьхьалонча охьа а вожийна, кхоалгӀачу раундехь дегӀан тохарца хьалхе чекхдаьккхира латар[24].
Дисквалификаци
2025 шеран мангалан беттан 1-чу дийнахь Имам Хатаевна дисквалификаци йира антидопинган бакъонаш талхорна. Спортхочун 2024 шеран оханан беттан 9-чу дийнахь допинг-пробехь кломифен а, цуьнан метаболиташ а карийна. Дисквалификаци лаьттар йу 2027 шеран асаран беттан 25-чу денна кхаччалц. Спортхочун 2024 шеран оханан беттан 9-чу денна 2025 шеран асаран беттан 26 денна кхаччалц хилла жамӀаш дӀадаькхина[3].
Спортхочо ша дӀахьедира, шен тӀаьхьарчу хенан массо а допинг-пробаша дацаре жамI гайтина аьлла. Иштта, 2024 шеран оханан беттан 9-чу денна хьалха а цуьнгара анализаш йаьхнера, цул тӀаьхьа кхин а пхи тест мукъане а чекхйаьккхира цо, уьш йерриг а цӀена йара. Цо билгалдаьккхира, ша даима а цӀеначу спортан агӀонча хилар а, хӀинца а оцу принципашна тӀехь хилар а. Спортхочо иштта билгалдаьккхира, тӀаьхьарчу баттахь а, ах баттахь а ВАДА-н векалша шозза ша зийна хилар а, шина а тестехь магийна йоцу хӀуманаш ца карйар а. Анализашкахь карийначу 0,01 грамм кломифенах лаьцна спортхочо элира, иза йуургца цуьнан организме кхаьчна хила мега аьлла. Цо дийцира, ша марха кхобуш а, латарал хьалха йозалла лахйеш а хиларх лаьцна, цундела дукха кхехкийна а, кхерзина а хӀоаш диъна ша аьлла. Исторехь нисделла кломифен нийсса оцу бахьанца гучудаьлла меттигаш[25].
Профессионалан латаран статистика
Муха йеша йеза боксерийн латаран жамӀийн таблица
Таблицехь дагардина боксерийн латаран дерриг жамӀаш. ХӀора могӀанехь гайтина латаран жамӀ. Кхин тӀе латаран лоьмар билгалъяьккхина латаран жамӀ гойту басца. Билгалдахарийн а, беснийн а маьӀна гайтина лахарчу таблицехь.
| Масала | МаьӀна |
|---|---|
| Толам | |
| Цхьан а ца тоьлла | |
| Иэшам | |
| Планера латар | |
| Латар лерина ца хилча санна | |
| КО | Нокаут |
| ТКО | Техникин нокаут |
| UD, PTS | Суьдхой массо а реза болу сацам |
| MD | Алсама суьдхойн сацам |
| SD | Суьдхойн бекъабелла сацам |
| RTD | Кхин дӀа ца летта |
| DQ | Дисквалификаци |
| NC | Латар лерина ца хилча санна |
| 11 латар, 10 толам (9 нокаутца), 1 эшам | ||||||
|---|---|---|---|---|---|---|
| Латар | Рекорд | Терахь | МостагӀ | Меттиг | ЖамӀ | ТӀетохар |
| 12 | 11-1 | 11 декабря 2025 |  Адам Дайнес (24–4–1)
|
 арена «Lac Leamy Casino» в Гатино, Квебек, Канада
|
Суьдхойн чот: 96-93 | |
| 12 июль 2025 |
 Дэвид Моррель (11-1)
|
 Louis Armstrong Stadium, Нью-Йорк, АЦШ
|
Суьдхойн чот: 95-94, 93-96, 94-95. | |||
| 22 март 2025 |
 Дурвал Элиас Паласио (14-3) |
 Qudos Bank Arena, Сидней, Австрали
|
Суьдхойн чот: 99-89, 98-90, 99-89. | |||
| 24 декабрь 2024 |
Юниор Мендес (10-0)
|
 Соьлжа-ГӀала, Росси
|
||||
| 5 сентябрь 2024 |
Эзекель Освальдо Мадерн (43-31-12) |
Montreal Casino, Монреаль, Канада
|
Къилбаседа-Америкин боксан федерацин чемпионан доьхка лардар | |||
| 12 май 2024 |
 Ричард Болотник (20-7-1)
|
Perth Arena
|
||||
| 10 октябрь 2023 |
Давид Бенитес (9-8)
|
Montreal Casino, Монреаль, Канада
|
||||
| 12 март 2023 |
 Ги Сун Гвак (4-0)
|
Qudos Bank Arena, Сидней, Австрали
|
||||
| 16 июль 2022 |
 Адам Тренадо (7-3)
|
 Square, Лебане, Серби
|
||||
| 3 ноябрь 2021 |
 Исмат Эйнуллаев (14-5)
|
Соьлжа-ГӀала, Нохчийчоь, Росси
|
Корматаллин боксехь дебют | |||
| Латар | Рекорд | Терахь | МостагӀ | Меттиг | ЖамӀ | ТӀетохар |
Спортан жамӀаш
- Российн студентийн союзан А. И. Киселёвн иэсана чемпионат —
[26]; - 2014 шеран юниоршна йукъахь боксан Россин хьалхаралла —
[27]; - 2014 шеран кегийрхошна йукъахь боксан Россин хьалхаралла — ;
- 2015 шеран кегийрхошна йукъахь боксан Россин хьалхаралла —
[28]; - 2015 шеран боксан Российн чемпионат — ;
- 2017 шеран боксан Российн чемпионат — ;
- 2018 шеран боксан Российн чемпионат — ;
- 2019 шеран боксан Российн чемпионат — ;
- 2020 шеран боксан Российн чемпионат — ;
- 2022 шеран боксан Российн чемпионат — .
СовгӀаташ
- «Даймехкан гӀуллакхдарна» II тӀегӀан орденан мидал (2021 шеран хьаьттан бутт 11-гӀа де) — даймехкан спорт кхиорехь доккха дакъа лацарна, лакхара спортан кхиамаш бахарна, Токио гӀалахь (Япони) хиллачу XXXII Олимпиадин ловзаршкахь толаме гӀертар а, доьналла а, Ӏалашоне гӀертар а гайтарна[29].
Доьзал
- Хатаев, Шамиль Ӏабдулан воI — ваша а, российн боксёр а, Россин чемпион а, Россин спортан говзанча а.
Билгалдахарш
- ↑ Приказ "О присвоении спортивного звания «Мастер спорта России»" от 15.12.2014 г. № 174-нг. www.msrfinfo.ru. ТӀекхочу дата: 2026 шеран 29 апрель.
- ↑ Boxing Ratings: Light heavy — Russia(ингалс.), web.archive.org. Дата обращения: 29 апрелехь 2026.
- ↑ 1 2 Российского призера Олимпиады по боксу дисквалифицировали за допинг, РБК (2025, 1 июль). Дата обращения: 29 апрелехь 2026.
- ↑ 24. Russian National Championships — Samara — November 21-29, 2015 (инг.). Russian National Champs History. ТӀекхочу дата: 2026 шеран 29 апрель.
- ↑ 70-th International Boxing Tournament "Strandja"2019. www.strandja2019.bgboxing.org. Strandja2019.bgboxing.org. ТӀекхочу дата: 2026 шеран 29 апрель.
- ↑ Имам Хатаев — победитель турнира «Странджа-19». wsport.su (20 февраля 2019). ТӀекхочу дата: 2026 шеран 29 апрель.
- ↑ "Кубок Губернатора Санкт-Петербурга". Итоги. Сайт Федерации бокса России (24 апреля 2021). ТӀекхочу дата: 2026 шеран 31 март.
- ↑ Имам Хатаев завоевал в Париже путевку на Олимпийские игры. sevkavportal.ru (8 июня 2021). ТӀекхочу дата: 2026 шеран 29 апрель.
- ↑ Виктория Шевцова. Боксер Хатаев одержал безоговорочную победу над Нурдаулетовым и вышел в четвертьфинал ОИ-2020. www.sport25.pro (2021 шеран 28 июль). ТӀекхочу дата: 2026 шеран 29 апрель.
- ↑ Отправил в нокаут: Хатаев мощным ударом победил Джалидова и вышел в полуфинал Олимпиады. sport25.pro (2021 шеран 30 июль). ТӀекхочу дата: 2026 шеран 29 апрель.
- ↑ Мовлади Абдулаев. Имам Хатаев — бронзовый призер Олимпиады-2020. www.wsport.su. Энциклопедия чеченского спорта (2021 шеран 1 август). ТӀекхочу дата: 2026 шеран 29 апрель.
- ↑ Олимпийский призер Хатаев стал трехкратным чемпионом России по боксу. ИА «ТАСС» (2022 шеран 8 октябрь). ТӀекхочу дата: 2026 шеран 29 апрель.
- ↑ «Фонбет чемпионат России» в Чите. Четвёртый день. Сайт «Федерации бокса России» (2022 шеран 3 октябрь). ТӀекхочу дата: 2026 шеран 29 апрель.
- ↑ «Фонбет чемпионат России» в Чите. Четвертьфиналы. Сайт «Федерации бокса России» (2022 шеран 5 октябрь). ТӀекхочу дата: 2026 шеран 29 апрель.
- ↑ Определились все призёры «Фонбет. Чемпионат России». Сайт «Федерации бокса России» (2022 шеран 5 октябрь). ТӀекхочу дата: 2026 шеран 29 апрель.
- ↑ Определились победители «Фонбет чемпионата России». Сайт «Федерации бокса России» (2022 шеран 8 октябрь). ТӀекхочу дата: 2026 шеран 29 апрель.
- ↑ 12 российских боксеров стали победителями турнира в Марокко. www.allboxing.ru. AllBoxing.Ru (2023 шеран 11 февраль). ТӀекхочу дата: 2026 шеран 29 апрель.
- ↑ Двенадцать российских боксеров победили на этапе мирового тура в Марокко. «РИА Новости Спорт» (2023 шеран 11 февраль). ТӀекхочу дата: 2026 шеран 29 апрель.
- ↑ Пять россиян вышли в полуфинал боксерского турнира на призы короля Марокко. ИА «ТАСС» (2023 шеран 7 февраль). ТӀекхочу дата: 2026 шеран 29 апрель.
- ↑ Юношеские Олимпийские Игры (YOG). «ВКонтакте». (2023 шеран 12 февраль). ТӀекхочу дата: 2026 шеран 29 апрель.
- ↑ Идигов защитил титул WBO European, Хатаев с досрочной победы стартовал в профессиональном боксе. Sportbox.ru (2021 шеран 4 ноябрь). ТӀекхочу дата: 2026 шеран 29 апрель.
- ↑ Имам Хатаев нокаутировал соперника и выбил ему зуб (видео). AllBoxing.Ru (2023 шеран 12 март). ТӀекхочу дата: 2026 шеран 29 апрель.
- ↑ Максим Домчев. Российский боксер Хатаев потерпел спорное поражение от Морреля, Российская газета (2026, 29 апрель). Дата обращения: 29 апрелехь 2026.
- ↑ Российский боксёр Хатаев нокаутировал немца Дайнеса в бою за титул чемпиона по версии NABF. www.russian.rt.com (2025 шеран 12 декабрь). ТӀекхочу дата: 2026 шеран 29 апрель.
- ↑ Хатаев – о дисквалификации за допинг: «В действиях ITA были серьезные нарушения. Я всегда придерживался принципов чистого спорта», Спортс’’. Дата обращения: 29 апрелехь 2026.
- ↑ Мовлади Абдулаев. Три золота из Самары. www.wsport.su. Энциклопедия чеченского спорта (2014 шеран 25 март). ТӀекхочу дата: 2026 шеран 29 апрель.
- ↑ Мовлади Абдулаев. Хатаев не стал биться с Шахмановым. wsport.su. Энциклопедия чеченского спорта (2014 шеран 13 май). ТӀекхочу дата: 2026 шеран 29 апрель.
- ↑ Мовлади Абдулаев. Имам Хатаев стал вторым на первенстве России. wsport.su. Энциклопедия чеченского спорта (2015 шеран 29 август). ТӀекхочу дата: 2026 шеран 29 апрель.
- ↑ Указ Президента Российской Федерации от 11 августа 2021 года № 463 «О награждении государственными наградами Российской Федерации». publication.pravo.gov.ru (2021 шеран 10 август). ТӀекхочу дата: 2026 шеран 29 апрель.
Хьажоргаш
- Имам Хатаев. allboxing.ru. ТӀекхочу дата: 2026 шеран 29 апрель.
- Хатаев Имам Абдулаевич. news.sportbox.ru. ТӀекхочу дата: 2026 шеран 29 апрель.
- Хатаев Имам Абдулаевич. www.infosport.ru. ТӀекхочу дата: 2026 шеран 29 апрель.
- Имам Хатаев. www.wsport.su. ТӀекхочу дата: 2026 шеран 29 апрель.