Байсангуров, Заурбек Мусан воӀ
Байсангу́ров Заурбе́к Мусан воӀ (1985 шеран 2 март, Iашхой-Марта, Тӏаьхьа-Марта, Нохч-ГӀалгӀайн Автономин Советийн Социалистийн Республика) — россин боксёр-профессионал, лета йайн ахйуккъерачу (Light Middleweight) возаллин категорехь, Интеркъаьмнийн чемпион ВБС (WBC) хьалхара йуккъера барамехь, дуьненан чемпион МБФ (IBF) версица жимахошна йукъахь, дуьненайукъара классан Российн спортан говзанча, дуьненан чемпионатийн шозза совгӀатхо, Европин шозза чемпион, жимахошна а, кегийрхошна а йукъара Российн кхузза чемпион, йезархошна йукъара Российн чемпион.
WBA интерконтиненталан чемпион хьалхра йуккъера барамехь, хьалхара йуккъера барамехь МБО (IBO) а, ВБО (WBO) версешкахь хилла чемпион.
Биографи
Байсангуров Заурбек вина 1985 шеран 2 мартехь ТӀехьа-МартантӀахь Нохч-ГӀалгӀайн АССР, кӀант хьалхара доьзалхо ву, тӀаьхьо кхин а ши кӀант а, йиъ йоӀ а хиллачу доьзалехь. Бокс лела волавелира иза шен пхи шо долуш, шен ден вашас Увайса дуьххьара иза спортзале схьавалийча, хӀетахь дуьйна цуьнан коьрта хьехамча а, тренер а хилира иза[1].
Йезархойн рингехь Заурбекан карьера кхиира сиха а, аьттонца а. Жимахо волуш иза шозза хилира Европин хьалхейаккхаран толамхо а, дуьненан чемпионатан совгӀатхо а. 19 шо долуш Байсангуровс дуьххьара дакъа лаьцна баккхийчарна йукъара Российн чемпионатехь, сихха хьалхара меттиг йаьккхина. Цул тӀехьа Заур профессионалашна йукъахь лата волавелла.
Профессионалийн карьера
Российн а, Европин а клубашкара дуккху а предложенешка хьежна, Байсангуровс хаьржира украинин промоутеран компани Кличко вежарийн «K2 East Promotions». Заурбекан дебют профирингехь хилира 2004 шеран 26 июнехь, толам баьккхира Гибало Андрейгара.
Кхин а диъ латарехь тоьлла, пхоьалгӀачу латарехь заурбеан дийзира лата куьйг лазийна а волуш лата, иза туьйлира очкошца йалх раундехь аргентинцал Мартин Пабло Паолиэллол (6-0-1), цул хьалха эшна воцучу.
ТӀаьхьа летта кхаа латарх шиъ Байсангуровс иштта дӀайаьхьира Германехь, хенал хьалха туьйлира, 2005 шеран 14 июлехь, нокаут йира Львовхь Шнип Сашин (17-8), Заур хилира официалан претендент кегийрхойн дуьненан чемпионан титулан WBC версица жимачу йуккъерачу барамехь (до 69,9 кг).
Латар Конечны Лукашца
2012 шеран октябрь баттахь Заурбек ринге велира тӀедиллина къийсамхочуьнца а, ханна чемпионца а чехца Конечный Лукашца. Хьалхара раунд чекхйелира Лукаш жимма хьалха а волуш, амма раунд чекхйолуш Зауран аьтто белира жима кхиаме серий тохарш дан. ШолгӀа раунд йолалуш, Конечныс, вуно чӀогӀа аьтту кросс йира, Байсангуров жимма ластийра. Иштта чаккхе хаза йара шина а боксера, гергарчу меттигашкахь тохарш хийцалуш. КхоалгӀа раундехь а дара диллина латар, Байсангуров мелла а хьалха волуш. ЙоьалгӀачу раундехь Байсангуровс латар цхьатерра нисдира, чехийн хьал лах а деш. ПхоьалгӀачу раундехь Лукаша йуха а инициатива дӀалаьцна, алсам тӀелетарш а деш, нийса тохарш а деш. ЙалхалгӀачу раундехь чехо кхин а чӀагӀйира ринган долахочун инициатива. Чемпионан алсам ницкъ болуш, амма кӀезиг тӀелатарш деш делахь а, шайн Ӏалашонаш кхочушйира. ВорхӀалгӀа раунд чекхйолуш Лукаша кӀадвалар гайта доладелира, ткъа Байсангуровс ворхӀалгӀа раунд чекхйаьккхира Конечный меттахвоккхуш кхиаме серийца, ткъа гонг хьалха Лукаш кхиамза гӀоьртира дӀайаьллачу серийна чӀир эца. БархалгӀа раунд а йара иштта къегина а, йиллина а, амма Конечныйн хьал, шен чехкалла делахь а, кхин хаалуш дацара. Хеталора, латаран хьалхарчу декъехь ша гӀелвелла санна. ИссалгӀа раунд йуха а йиллина, хийцамех йуьззина йара. Заура дуккха тохийтира шена, амма т\ахаьлла а, ницкъ болуш а вара. Раундан чаккхе йара нохчийн боксеро кхиамца тӀелатар дарца. Итталг\а раундехь Заур мелла а кхиаме тӀелатар дира, чехийн къийсамхочул г\оле вара. ЦхьайтталгӀа раунд а дӀайахара Байсангуровн дикачу агӀор, цо тӀеийцира Конечный Лукашца диллина латар. ТӀаьххьара раунд йолалуш Заура Лукашан аьрру ц\оцкъам эккхийтира, ткъа раунд йккъехь рефери латар сацийра, амма лоьро дуьхьало ца йира латар кхидӀа а дӀадахьа. Латар чекхдаллалц Байсангуровс латарна тӀехь Ӏуналла деш, тешна раунд схьаийцира. Гонг дӀайаьллачул тӀаьхьа шина а боксеро толамца куьйгаш хьалаайдира. Суьдхоша бинчу сацамо тӀечӀагӀ ца дира латаран интенсивалла а, хьалхарчу раундашкахь чехийн доминантан хьал а, амма латар чекхдолуш шина а боксерийн хьал тидаме эцча, нохчийчун аьтто а, доминанталла а гуш йара. Луьрачу латарехь шен дуьненан чемпионан цӀе ларйира Байсангуровс[2][3][4].
Латара жамӀаш
Муха йеша йеза боксерийн латаран жамӀийн таблица
Таблицехь дагардина боксерийн латаран дерриг жамӀаш. ХӀора могӀанехь гайтина латаран жамӀ. Кхин тӀе латаран лоьмар билгалъяьккхина латаран жамӀ гойту басца. Билгалдахарийн а, беснийн а маьӀна гайтина лахарчу таблицехь.
| Масала | МаьӀна |
|---|---|
| Толам | |
| Цхьан а ца тоьлла | |
| Иэшам | |
| Планера латар | |
| Латар лерина ца хилча санна | |
| КО | Нокаут |
| ТКО | Техникин нокаут |
| UD, PTS | Суьдхой массо а реза болу сацам |
| MD | Алсама суьдхойн сацам |
| SD | Суьдхойн бекъабелла сацам |
| RTD | Кхин дӀа ца летта |
| DQ | Дисквалификаци |
| NC | Латар лерина ца хилча санна |
| Латар | Рекорд | Терахь | Дуьхьала верг | Латаран меттиг | Раунд | Кхин тӀе |
|---|---|---|---|---|---|---|
| 30 | 29(21)-1 | 2014 12 апрелехь |  Гуидо Николас Питто (18-2)
|
 Махлелоран-самукъадаккхаран йукъ «Терминал» Бровары, Украина
|
12 (TKO12) | Хьалхара йуккъера барамехь IBO версица дуьненан чемпионан вакансин титул. |
| 29 | 28(20)-1 | 2012 6 октябрь |  Лукаш Конечны (48-3)
|
Спортан гӀала, Киев, Украина
|
12 (UD12) | Хьалхара йуккъера барамехь WBO а, IBO а версешца дуьненан чемпионан титул, Байсангуровн 2-гӀа ларйар. |
| 28 | 27(20)-1 | 2012 12 майхь |  Мишель Соро (18-0)
|
Махлелоран-самукъадаккхаран йукъ «Терминал» Бровары, Украина
|
12 (UD12) | Хьалхара йуккъера барамехь WBO а, IBO а версешца дуьненан чемпионан титул, Байсангуровн 1-ра ларйар, Байсангуров нокдаунехь хилла 2-гӀачу раундехь. |
| 27 | 26(20)-1 | 2011 30 июлехь |  Майк Миранда (34-3)
|
Спортан гӀала, Одесса, Украина
|
12 (KO1) | Хьалхара йуккъера барамехь WBO версица дуьненан чемпионан ханна титул. |
| 26 | 25(19)-1 | 2010 4 декабрехь |  Ричард Гутьеррес (26-4-1)
|
Махлелоран-самукъадаккхаран йукъ «Терминал» Бровары, Украина
|
12 (TKO12) | Хьалхара йуккъера барамехь IBO версица дуьненан чемпионан вакансин титул. |
| 25 | 24(18)-1 | 2010 16 октябрехь |  Еугениу Монтейру (16-13)
|
 O2 World, Гамбург, Германи
|
8 (RTD3) | |
| 24 | 23(17)-1 | 2009 19 декабрехь | Франк Шабани (18-1)
|
Спортан гӀала «Юность», Запорожье, Украина
|
12 (RTD5) | Хьалхара йуккъера барамехь WBA версица дуьненан чемпионан вакасин интернационалан титул, Байсангуровн 2-гӀа ларйар |
| 23 | 22(16)-1 | 2009 15 августехь |  Эромоселе Альберт (22-2-1)
|
 Спортан гӀала Динамо, Соьлжа-ГӀала, Росси
|
12 (UD12) | Хьалхара йуккъера барамехь WBA версица дуьненан чемпионан вакасин интернационалан титул, Байсангуровн 1-ра ларйар |
| 22 | 21(16)-1 | 2009 30 майхь |  Кристиан Де Мартинис (22-2)
|
Спортан гӀала, Киев, Украина
|
12 (TKO1) | Хьалхара йуккъера барамехь WBA версица дуьненан чемпионан вакасин интернационалан титул. |
| 21 | 20(15)-1 | 2009 22 апрелехь |  Михаэл Хуцишвили (11-6-2)
|
Спортан гӀала Локомотив, Харьков, Украина
|
8 (RTD1) | |
| 20 | 19(14)-1 | 2008 13 декабрехь |  Корнелиус Бандрейдж (28-4)
|
САП-Арена, Мангейм, Германи
|
12 (TKO5) | Байсангуров нокдаунехь хилла 5-гӀачу раундехь. |
| 19 | 19(14)-0 | 2008 12 июлехь |  Ион Гонца (18-1-2)
|
КолорЛайнАрена, Гамбург, Германи
|
12 (RTD7) | Хьалхара йукъара барамехь EBU Европин чемпионан титул, Байсангуровн 2-гӀа ларйар. |
| 18 | 18(13)-0 | 23 марта 2008 | Роман Джуман (23-4-1)
|
Спортан гӀала «Метеор», Днепропетровск, Украина
|
12 (TKO8) | Хьалхара йукъара барамехь EBU Европин чемпионан титул, Байсангуровн 1-ра ларйар. |
| 17 | 17(12)-0 | 2008 21 февралехь |  Георге Данут (7-8-5)
|
Спортан гӀала (Киев)Спортан гӀала, Киев, Украина
|
10 (UD10) | |
| 16 | 16(12)-0 | 2007 7 июлехь | Хьусайн Байрам (24-2)
|
Кёльн-Арена, Кёльн, Германи
|
12 (UD12) | Хьалхара йукъара барамехь EBU Европин чемпионан вакансин титул. |
| 15 | 15(12)-0 | 2006 23 сентябрехь |  Марко-Антонио Рубио (34-3-1)
|
Спортан гӀала, Киев, Украина
|
12 (UD12) | Хьалхара йуккъера барамехь WBC версица дуьненан интеркъаьмнийн чемпионан вакансин титул, Байсангуров нокдаунехь хилла хьалхара раундехь. |
| 14 | 14(12)-0 | 2006 8 апрелехь |  Ласло Буранью (20-3)
|
АККО Интернешнл, Киев, Украина
|
10 (КО3) | Хьалхара йуккъера барамехь IBF версица дуьненан чемпионан кегийрхойн титул, Байсангуровн 3-гӀа ларйар. |
| 13 | 13(11)-0 | 2006 28 январехь |  Джон Чибута (6-2)
|
Теплодром-Арена, Берлин, Кройцберг, Германи
|
10 (ТКО9) | Хьалхара йуккъера барамехь IBF версица дуьненан чемпионан кегийрхойн титул, Байсангуровн 2-гӀа ларйар. |
| 12 | 12(10)-0 | 2005 10 декабрехь | Хуан-Мануэль Алагхио (15-1-1)
|
Арена «Лейпциг», Лейпциг, Германи
|
10 (ТКО10) | Хьалхара йуккъера барамехь IBF версица дуьненан чемпионан кегийрхойн титул, Байсангуровн 1-ра ларйар. |
| 11 | 11(9)-0 | 2005 16 сентябрь |  Даниэль Урбанский (5-0)
|
Метеор, Днепропетровск, Украина
|
10 (ТКО9) | Хьалхара йуккъера барамехь IBF версица дуьненан чемпионан вакансин кегийрхойн титул. |
| 10 | 10(8)-0 | 2005 14 июлехь |  Александр Шнип (16-10)
|
Милленниум, Львов, Украина
|
10 (ТКО5) | |
| 9 | 9(7)-0 | 2005 23 апрелехь | Стефан Талльяна (10-10-1)
|
Вестфаленхалле, Дортмунд, Германи
|
8 (ТКО1) | |
| 8 | 8(6)-0 | 2005 24 февралехь | Владимир Завгородний (4-9-1)
|
Спортан гӀала, Киев, Украина
|
6 (ТКО4) | |
| 7 | 7(5)-0 | 2005 12 декабрехь | Ӏаднан Оэскобан (2-0)
|
Макс Шмелинган цӀарах спортан гӀала, Берлин, Пренцлауэр-Берг, Германи
|
6 (ТКО4) | |
| 6 | 6(4)-0 | 2004 20 ноябрехь | Пабло-Мартин Паолиэлло (6-0-1)
|
БигБокс, Кемптен, Германи
|
6 (UD6) | |
| 5 | 5(4)-0 | 2004 24 сенябрехь | Александр Матвейчук (6-11-2)
|
Спортан гӀала, Одесса, Украина
|
6 (UD6) | |
| 4 | 4(4)-0 | 2004 17 сенябрехь | Андрей Тылилюк (0-12)
|
Dynamo Bar, Петарбух, Росси
|
6 (ТКО2) | |
| 3 | 3(3)-0 | 2004 16 июлехь | Дмитрий Кашкан (15-10)
|
Entertainmnt Center Aurora, Витебск, Белорусси
|
6 (ТКО2) | |
| 2 | 2(2)-0 | 2004 6 июлехь | Сергей Наварка (1-1)
|
Крылья Советов, Москох, Росси
|
4 (КО2) | |
| 1 | 1(1)-0 | 2004 26 июнехь | Андрей Гибало (0-1)
|
Звёздни, Феодоси, Украина
|
4 (ТКО3) | Профессионалийн дебют. |
| Латар | Рекорд | Терахь | Дуьхьала верг | Латаран меттиг | Раунд | Кхин тӀе |
СовгӀаташ
- Кадыровн орден (2009)[5].
Литература
- С-А. М. Аслаханов, Х. Х. Хизриев. Физическая культура и спорт Чечни: истоки и современность. — М.: «Перо», 2015. — С. 109-110. — 240 с. — ISBN 978-500086-997-0.
Билгалдахарш
- ↑ «Отец многое может простить мне, но не слабость и трусость…» (2013 шеран 17 апрель). ТӀекхочу дата: 2015 шеран 29 март.
- ↑ Заур Байсангуров готовится к бою с Лукашем Конечны. ТӀекхочу дата: 2012 шеран 6 октябрь. Архивйина 2014 шеран 2 ноябрехь
- ↑ Российский боксер Заурбек Байсангуров защитил чемпионский титул. ТӀекхочу дата: 2012 шеран 7 октябрь. Архивйина 2012 шеран 8 октябрехь
- ↑ БАЙСАНГУРОВ ПОБЕДИЛ КОНЕЧНЫ. ТӀекхочу дата: 2012 шеран 7 октябрь. Архивйина 2012 шеран 9 октябрехь
- ↑ «The Champ Comes Home». www.chechnyatoday.com (2009 шеран 16 август). ТӀекхочу дата: 2026 шеран 14 август.
Хьажоргаш
- Байсангуров, Заурбек Мусан воӀ(ингалс.) — латарийн статистика BoxRec сайт тӀехь
- Чеченский боксер Заур Байсангуров — www.chechensport.com
- Заурбек Басангуров на сайте k2ukraine.com
Кхин дӀа темана тӀехь
 |
|---|
