Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Хучиев, Муслим Мохьмадан воӀ

Хучи́ев Мусли́м Мохьмадан воӀ (оьрс. Муслим Магомедович Хучиев; 1971 шеран 5 август, Заки(н)-Юрт, Нохч-ГӀалгӀайн Автономин Советийн Социалистийн Республика) — российн муниципалан а, пачхьалкхан а гӀуллакххо.

Нохчийн Республикин Куьйгалхочун декхарш кхочушдеш хилла (2019 шеран чиллин беттан 11-16-чу деношкахь а, 2020 шеран кхолламан беттан 13-21-чу деношкахь). Нохчийн Республикин экономикин а, мехкан кхиоран а, йохк-эцаран а министр (2013 шеран хӀутоссург бутт — 2015 шеран мангалан бутт). Соьлжа-ГӀалин мэр 2015 шеран хьаьттан бутт 11-гӀа де — 2018 шеран асаран бутт 25-гӀа де (д. кх. 2015 шеран мангалан бутт 8-гӀа де — хьаьттан бутт 11-гӀа де).

Нохчийн Республикин правительствон председатель 2018 шеран асаран беттара 25-чу дийнахь 2024 шеран хӀутосург батте 21-чу дийнахь кхаччалц[1]. Российн Правительствон председателан Мишустин Михаилан гӀоьнча — хӀоттийна 2024 шеран хӀутосург беттан 24-чу дийнахь[2].

Биографи

Вина 1971 шеран хьаьттан беттан 5-чу дийнахь Нохч-ГӀалгӀайн АССР Заки-Эвлахь.

1988—1991 шерашкахь цо дешна Нохчийн Республикин Соьлжа-ГӀалахь Лев Толстойн цӀарахчу Нохч-ГӀалгӀайн пачхьалкхан университетехь. 1991 шарахь дехьа а ваьлла, кхидӀа а дешна Ломоносовн цӀарахчу Москохан пачхьалкхан университетан журналистикан факультетехь, журналистика говзалла карайерзош, иза чекхйаьккхина 1994 шарахь.

2009-чу шарахь цо чекхйаьккхина Россин Федерацин Президентан куьйга кӀел йолу Россин пачхьалкхан урхаллин академи(оьр.)нохч. , пачхьалкхан а, муниципалан а урхаллин говзалла карайерзош.

2018-чу шарахь цо чекхйаьккхина Россин Президентан къоман бахаман а, пачхьалкхан урхаллин а академи «экономика» говзалла йолуш (магистр).

Журналистика а, коммерци а

1995—1997 шерашкахь Москохахь журналистан болх бина цуо. Цкъа хьалха РТР телекомпанин «Зуламийн хаамийн экран» программин корреспондент вара (1995—1996), цул тӀаьхьа «ГӀуллакхан Росси» телеканалан хаамийн сервисан корреспондентийн декъан корреспондент вара ВГТРК (1996—1997 шерашкахь).

1998 шеран хӀутоссург беттара 2003 шеран чиллин батте кхаччалц — ЗАО «Кантри а, К а» (Москох) белхалойн урхалча.

2003 шеран бекарг беттара 2004 шеран асаран батте кхаччалц — «Сокол РС» ООО (Москох) говзанчаш арахоьцучу компанин рекламан менеджер[3].

Муниципалан а, пачхьалкхан а гӀуллакх

2004 шеран мангалан беттара 2005 шеран гӀуран батте кхаччалц — Нохчийн Республикин Президентан пресс-гӀуллакхан куьйгалхо — Нохчийн Республикин Президентан пресс-секретарь.

2005 шеран гӀуран беттара 2006 шо кхаччалц — Нохчийн Республикин Президентан а, Правительствон а аппаратан куьйгалхочун хьалхара гӀовс.

2006 шеран бекарг беттара 2007 шеран бекарг батте 6-чу дийнахь кхаччалц — Нохчийн Республикин Президентан а, Правительствон а аппаратан куьйгалхочун хьалхара гӀовс— Нохчийн Республикин министр.

2007 шеран бекарг баттера 7-чу дийнахь 2010 шеран кхолламан батте 1-чу дийнахь кхаччалц — Соьлжа-ГӀалин администрацин куьйгалхо.

2010 шеран кхолламан беттара 1-чу дийнахь 2012 шеран эсаран батте 8-чу дийнахь кхаччалц Соьлж-ГӀалин мэр вара.

2013-чу шеран бекарг беттара хӀутоссург батте кхаччалц иза вара Нохчийчоьнан Куьйгалхочун хьехамча.

2013-чу шеран хӀутоссург баттера товбецан батте кхаччалц иза вара Нохчийчоьнан территори кхиоран а, къоман политикин а, шуьйрачу коммуникацийн а министр.

2013-чу шеран товбецан баттахь дуьйна 2015-чу шеран мангалан батте кхаччалц Нохчийчоьнан экономикан а, территориальни кхиоран а, йохка-эцаран а министран даржехь лаьттира иза.

2015-чу шеран мангалан баттахь Соьлжа-ГӀалин мэран когаметтан даржехь вара иза.

2015-чу шеран мангалан беттан 8-чу дийнахь дуьйна хьаьттан батте 11-чу дийнахь кхаччалц Соьлжа-ГӀалин мэран декхарш кхочушдеш вара иза.

2015-чу шеран хьаьаттан беттан 11-чу дийнахь дуьйна 2018-чу шеран асаран беттан 25-чу дийне кхаччалц Соьлж-ГӀалин мэран даржехь вара иза.

2018-чу шеран асаран беттан 25-чу дийнахь дуьйна 2024-чу шеран хӀутоссург беттан 21-чу дийне кхаччалц Нохчийчоьнан Правительствон председатель вара иза[4][1]. Республикин Правительствон керла председатель дарже чӀагӀвина Даудов Магомед[5].

2019-чу шеран чиллин беттан 11-чу дийнера 16-чу дийне кхаччалц а, 2020-чу шеран кхолламан беттан 13-чу дийнера 21-чу дийне кхаччалц а Нохчийчоьнан куьйгалхочун декхарш кхочушдеш вара иза Кадыров Рамзанан отпускехь[6][7].

2024-чу шеран хӀутоссург беттан 24-чу дийнахь иза хӀоттийра Россин премьер-министран Мишустин Михаилан гӀоьнча[2]. Шен керлачу даржехь регионан повесткана тӀехьожуш ву иза, премьер-министран тӀедиллар кхочушдарна тӀехь терго латтош ву, Кавказан инвестицийн форум вовшахтохарна тӀехьожуш ву иза[8].

Доьзал

Зуда а, йалх бер а ду.

СовгӀаташ

  • Нохчийн Республикин куьйгалхочун баркаллин кехат;
  • Соьлжа-ГӀалин сийлахь гражданин;
  • Кадыровн Орден (2007)[9];
  • Нохчийн Республикин сийлахь журналист (2008);
  • «ТӀеман доттагӀалла» мидал (2008);
  • «Держава» орден (2008);
  • «Держава» орден II тӀегӀанан (2008);
  • «Къилбаседа Кавказехь гӀуллакх дарна» мидал (2017);
  • «Майраллина а, доьналлина а» мидал (2017);
  • «Доьналла долчу къинхьегамна» мидал (2017);
  • «Кадыров Ахьмад-Хьаьжин Нохчийн Республикин Хьалхара Президентан иэсан» мидал (2017);
  • «Даймахкана хьалха дина гӀуллакхаш бахьана долуш» орден, II-гӀа класс (2022)[10][11];
  • Нохчийн Республикан Турпалхо (2024)[12];
  • Сийлаллин орден (2024)[13].

Санкцеш

2023 шеран хьаьттан беттан 24-чу дийнахь Хучиев Муслим АЦШ санкцин испискаш йукъатоьхна[14]. 2024 шеран бекарг беттан 1-чу дийнахь Японин Правительство Хучиев Муслим йукъатуьйхира санкцин испискашна[15]. 2023-чу шеран асаран беттан 23-чу дийнахь иза йукъаваьккхина Европан Бертан пачхьалкхийн санкцийн тептаре[16], иштта Йоккха Британи а, Австралин а, Керлачу Зеландин а санкцешна кӀел ву иза.

Билгалдахарш

  1. ↑ 1 2 Глава правительства Чечни Муслим Хучиев сложил полномочия. РБК (2024 шеран 21 май). ТӀекхочу дата: 2026 шеран 19 июнь.
  2. ↑ 1 2 Экс-премьер Чечни стал помощником Мишустина. РБК (2024 шеран 24 май). ТӀекхочу дата: 2026 шеран 19 июнь.
  3. ↑ Хучиев Муслим Магомедович. chechen.er.ru. ТӀекхочу дата: 2026 шеран 19 июнь.
  4. ↑ Рамзан Кадыров: Муслим Хучиев сложил полномочия Председателя Правительства ЧР в связи с переходом на другую работу. Грозный-информ (2024 шеран 21 май). ТӀекхочу дата: 2026 шеран 19 июнь.
  5. ↑ Правительство Чечни возглавит Магомед Даудов. Ведомости (2024 шеран 24 май). ТӀекхочу дата: 2026 шеран 19 июнь.
  6. ↑ Кадыров объяснил причины передачи полномочий премьеру Чечни(оьр.), РИА Новости (18 февралехь 2019). Дата обращения: 19 июнехь 2026.
  7. ↑ Кадыров временно передал полномочия главы Чечни(оьр.), Lenta.RU (15 январехь 2020). Дата обращения: 19 июнехь 2026.
  8. ↑ Муслим Хучиев назначен помощником Председателя Правительства. web.archive.org (2024 шеран 24 май). ТӀекхочу дата: 2026 шеран 19 июнь.
  9. ↑ Указ от 06.08.2007 г № 291 О награждении орденом Кадырова Хучиева М.М - chechnya-gov.ru. chechnya-gov.ru (2007 шеран 6 август). ТӀекхочу дата: 2026 шеран 19 июнь.
  10. ↑ Указ Президента РФ от 30.12.2022 N 980. rulaws.ru. ТӀекхочу дата: 2026 шеран 19 июнь.
  11. ↑ Официальный сайт Главы Чеченской Республики  » М. Хучиев награжден орденом «За заслуги перед Отечеством» II степени. chechnya.gov.ru (2022 шеран 30 декабрь). ТӀекхочу дата: 2026 шеран 19 июнь.
  12. ↑ Муслим Хучиев награжден высшим региональным званием «Герой Чеченской Республики». Грозный-информ (2024 шеран 24 май). ТӀекхочу дата: 2026 шеран 19 июнь.
  13. ↑ Путин наградил орденом Почета председателя правительства Чечни. www.tass.ru (2024 шеран 22 апрель). ТӀекхочу дата: 2026 шеран 29 июнь.
  14. ↑ США ввели санкции против «Артека» и матери Кадырова за вывоз украинских детей. kommersant.ru (2023 шеран 24 август). ТӀекхочу дата: 2026 шеран 19 июнь.
  15. ↑ Япония внесла в новые санкционные списки 12 физлиц и 36 организаций из России. ТАСС (2024 шеран 1 март). ТӀекхочу дата: 2026 шеран 19 июнь.
  16. ↑ Муслим Хучиев, Замид Чалаев и Мансур Солтаев попали под антироссийские санкции. grozny.tv. ТӀекхочу дата: 2026 шеран 19 июнь.

Кхин дӀа темана тӀехь

Категореш