Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Жидков, Олег Михайлович

Жидков Олег Михайлович (1957 шеран 28 июль, Грозный, Грозненски область , РСФСР , СССР) — советийн а, Российн а пачхьалкхан кхерамзаллин гӀуллакххо, Российн пачхьалкхан гӀуллакххо. Къоман антитерроран комитетан куьйгалхочун гӀовс вара иза 2006-чу шарахь дуьйна[1].

Соьлжа-ГӀалин администрацин куьйгалхо вара (2001—2003). Иштта иза вара Россин Федерацин Президентан Къилбаседан федеральни гонехь волчу векалан гӀовс (2004—2006). ФСБ-н инарла-майор ву иза.

Биографи

Вина 1956 шеран 28 июлехь Соьлжа- гӀалахь. 1977-чу шарахь Жидковс- чекхйаьккхира Лев Толстойн цӀарах йолу Нохч-ГӀалгӀайн пачхьалкхан университет, физкультуран говзалла карайерзош. Иза чекхйаьккхинчул тӀаьхьа Соьлжа-ГӀаларчу «Красный Молот» заводехь токарь болх бира цо[2].

1978-чу шарера 1980-чу шаре кхаччалц эскарехь гӀуллакх дина цо. 1980—1983 шерашкахь Жидковс болх бира Грозненски гӀалин исполкомехь отделан куьйгалхочун даржехь, иштта болх бира Нохч-ГӀалгӀайн Автономин Советски Социалистически Республикан физкультуран а, спортан а комитетехь.

1984-чу шарахь дуьйна, Минскехь КГБ-н Лаккхара курсаш чекхйаьхначул тӀаьхьа (Иванов Сергей масех шо хьалха цигахь дешна вара), пачхьалкхан кхерамазаллин органашкахь гӀуллакх дира цо, Нохчийчоьнан КГБ-н Веденски декъан куьйгалхо а волуш.

1991-чу шарахь, Нохчийчохь Дудаев ЖовхӀар Ӏедале веанчул тӀаьхьа, Жидков Москох дӀаваха дийзира. 1992 шарахь дуьйна Россин йохк-эцаран министерствон коьртехь йолчу «Самуправление» арахьара экономикан ассоциацин кхерамазаллин сервисехь болх бира.

1995-чу шарахь дуьйна Жидков вара Москох Россин Федерацин ницкъаллин структурийн белхахойн ассоциацин экономикан кхерамзаллин департаментан вице-президент а, куьйгалхо а, коьртехь президентан хьехамча Аслаханов Асланбек а волуш.

2001 шеран 21 ийулехь Жидков хӀоттийра Соьлж-ГӀалин мэр. Цуьнан официалан инаугураци хилира 2001-чу шеран июль беттан 23-чу дийнахь. Мэран даржехь волчу шина шарахь Жидков, хаамийн гӀирсаша дийцарехь, ФСБ-хь полковникера инарле кхаччалц даржехь хьалавелира. Оцу хенахь Жидков шозза вен гӀоьртира (тӀаьххьарниг 2002 шеран 8 сентйабрехь). 2003-чу шарахь аьхка Нохчийчоьнан президентан харжамаш хиллачул тӀаьхьа республикан керлачу куьйгалхочо Кадыров Ахьмада даржера дӀаваьккхира Жидков. 2004-чу шарахь май беттан 9-чу дийнахь Соьлжа-ГӀаларчу парадехь гӀалин стадионехь Кадыров Ахьмад а вуьйш, теракт йинчул тӀаьхьа Жидков Къилбаседа Федералан гонехь президентан векалан Яковлев Владимиран гӀовс хӀоьттира. 2004-чу шарахь август беттан 29-чу дийнахь хиллачу Нохчийчоьнан президентан харжамашкахь республикан керла куьйгалхо хила тарлучу кандидатех цхьаъ санна зорбанехь Жидков хьахийра, амма цу харжамашкахь толам баьккхира Алханов Алус.

2006-чу шеран йуьххьехь дуьйна Къилбаседан федералан гонехь президентан векалан гӀовсан даржехь ву Жидков. 2006-чу шарахь февраль баттахь Нохчийчоьнан Ӏедалан куьйгалхочун даржера Абрамов Сергей дӀаваьккхинчул тӀаьхьа, Жидков Кадыров Рамзанна меттахӀотта йиш йолу альтернатива санна лорура. Ша Жидковс харцдина ша Абрамовн метта хӀотта мегаш ву боху спекулйацеш. Цунна хетарехь, нагахь санна Абрамов Нохчийчу йуха ца вагӀахь, дерриг а логикан агӀор хир дара Кадыровс Ӏедална куьйгалла дар, хӀунда аьлча, аппарат болх бан йиш йолуш верг иза ву[3].

2006-гӀа шо йуккъе даьлча Жидков хӀоттийра Къоман антитерроран комитетан (НАК) куьйгалхочун гӀовс. Иза хьахош вара Нохчийчоьнан премьер-министран дарже къовсамхо санна. 2008-чу шарахь зорбанехь Жидков хьехавора инарла-майор дарже ваьккхина бохуш[4].

СовгӀаташ

  1. Орден «Даймахкана хьалха дина гӀуллакхаш бахьана долуш», III степень
  2. Кадыровн цӀарах йолу орден (26 июль 2006 шо)[5]

Билгалдахарш

  1. ↑ Жидков, Олег(оьр.), Lenta.RU. Дата обращения: 26 ноябрехь 2025.
  2. ↑ Жидков, Олег(оьр.), Lenta.RU. Дата обращения: 26 ноябрехь 2025.
  3. ↑ Олег Жидков: как сложилась судьба русского мэра Грозного, которого прочили в главы Чечни? » Живой Кавказ: информационно-аналитический интернет журнал (Адыгея), Живой Кавказ: информационно-аналитический интернет журнал (Адыгея). Дата обращения: 26 ноябрехь 2025.
  4. ↑ ОЛЕГ ЖИДКОВ: Я - ГРОЗНЕНЕЦ(оьр.), Известия (23 июлехь 2001). Дата обращения: 26 ноябрехь 2025.
  5. ↑ Указ от 26.07.2006 г № 221

Категореш