Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Хасанов, Ӏабдурашид Мунаевич

РУВИКИ чохь изза фамили йолчу кхечу адамех лаьцна йаззамаш бу Хасанов.

Хасанов Абдурашид Мунаевич (оьрс. Хасанов, Абдурашид Мунаевич; 1918 шеран 30 декабрь, ГIойтIа — 1995 шеран 1 апрель, ГIойтIа, Нохчийн Республика) — советан Сийлахь-Боккхачу Даймехкан тӀеман ветеран а, гвардин лакхара лейтенант а. Даймехкан тӀеман шолгӀачу даржан орденца а, мидалшца «1941—1945 шерашкахь Сийлахь-боккхачу Даймехкан тӀамехь Германина тӀехь толам баккхарна» а, «Доьналла хиларна» СССР-н мидал а, «Сталинград ларъйарна» а, «Кавказ ларъйарна» а[1].

Биографи

Вина 1918 шеран гӀуран беттан 30-чу дийнахь Нохчийн Республикан Хьалха-Мартанан кӀоштанан ГӀойтӀа йуьртахь. 1934-чу шарахь Соьлж-ГӀалин мехкдаьттан техникуме белхалойн факультете деша воьду. Белхалойн факультет чекхъйаьккхинчул тӀаьхьа оьрсийн маттера нохчийн матте гочдархочун болх бира цо[2].

1937-чу шарахь гӀашсалтийн училище деша воьду, иза чекхъйаьккхира 1939-чу шарахь[2].

Цо дакъалецира 1939—1940-чуй шерашкахь Советан-Финляндин тӀамехь. 1941 шарахь иза эскаре кхайкхина Хьалха-Мартан кӀоштан тӀеман комиссариатехь[1]. Жимачу лейтенант даржех шен лаамех тӀаме вахара иза. Висаитов Мавладин кортехь волчу 255-чу нохчийн-гӀалгӀайн къастина дошлойн полкехь тӀом бина цо. Цо дакъалецира Кубанех а, Донех а, Адыгейх а, Сталинградехь а[2].

Цо гӀуллакх дина 1-чу эскаран резерван герзан полкехь[3].

1947 шо кхаччалц Алтайн мохкахь полкан куьйгалхо вара иза, капитанан даржехь пенсе воьдуш[4].

1947 шарахь демобилизаци йира капитанан даржехь[2].

СовгӀаташ

  • «Доьналла хиларна»(оьр.)нохч.;
  • Даймехкан тӀеман шолгӀачу даржан орден (1985 шо)[5];
  • Мидал «1941-1945 шерашкахь хиллачу Сийлахь-боккхачу Даймехкан тӀамехь Германина тӀехь толам баккхарна»;
  • «Сталинград ларъйарна» мидал;
  • «Кавказ ларъйарна» мидал;
  • Мидал «Майраллина» (1972 шо)[6].

ТӀом чекхбаьлча хилла гӀуллакхаш

Вайнах махкахбахарара цӀавеанчул тӀаьхьа Къилбаседа ХӀирийчоьнан йуьртабахаман институте (хӀинца Горскан пачхьалкхан аграрни университет) деша вахара 1957 шарахь, 1972 шарахь Советан йохк-эцаран институте деша вахара[1].

Ермоловкехь, Хьалха-Мартан Райпохь, дечиг-пондаран йохк-эцаран базан куьйгалхочун болх бира цо, иштта пурнехь заводан куьйгалхочун даржехь а[1].

undefined

1969 шарахь дуьйна болх бира Мобильни механизированни колонехь — 4, парткоман секретаран даржехь а, Соьлжа-ГӀалин Советан депутатан даржехь а[1].

1995-чу шеран оханан беттан 1-чу дийнахь ГӀойтӀа йуьртахь кхелхина[1].

Эс

Украинин регионан гӀалин цхьана урамна цӀе тиллина Хасанов Ӏабдулрашидан сий деш, цуьнан накъостан Залуцкий Александран инициативица[2].

Билгалдахарш

  1. ↑ 1 2 3 4 5 6 Тангиев Георгий. Хасанов Абдурашид Мунаевич. Бессмертный полк (2020 шеран 30 октябрь). ТӀекхочу дата: 2025 шеран 26 август.
  2. ↑ 1 2 3 4 5 Научный полк ГГНТУ. gstou.ru (2023 шеран 21 июнь). ТӀекхочу дата: 2025 шеран 26 август.
  3. ↑ Хасанов Абдурешид Мукаевич. Память народа 1941-1945. ТӀекхочу дата: 2025 шеран 26 август.
  4. ↑ частник ВОВ, гвардии старший лейтенант Хасанов Абдурашид Мунаевич. www.checheninfo.ru (2021 шеран 15 декабрь). ТӀекхочу дата: 2025 шеран 26 август.
  5. ↑ Хасанов Абдурашид Мунаевич. Подвиг народа1941-1945. ТӀекхочу дата: 2025 шеран 26 август.
  6. ↑ Хасанов Абдул-Рашид Мунаевич. Память народа 1941-1945. ТӀекхочу дата: 2025 шеран 26 август.

Литература

  • Абдурашид Хасанов — участник Великой Отечественной войны // «Маршо». — 2022. — 30 сентябрь (№ 79—80).

Категореш