Руслан Чагаев — Лукас Браун

Руслан Чагаев Браун Лукасан дуьхьала (оьрс. Руслан Чагаев — Лукас Браун) — йезачу барамехь WBA версехь боксехь дуьненан чемпионан титул къовсу матч хилира 2016 шарахь 5 мартехь Соьлжа-ГӀалахь «Колизей» спорткомплексехь. Чот йинера и лаьттср йу 12 раундехь аьлла, амма 10 раундехь дӀайелира. Руслан Чагаевга шен титул лар ца йелира, иза йаьккхинера 2014 шеран 6 июлехь Фрес Окендоца летта. Толам баьккхира техникин нокаутца цуьнан къовсамхочо. ТӀехь Браунан цӀий йукъахь допинг карийра, цуьнгара титул дӀайаьккхира, Чагаевна йухайерзира, амма латаран жамӀ ца хийцира.

И латар хилла 2016-чу шеран март беттан 5-чу дийнахь, цу сарахь 13 латар хилла, царех кхоъ титулан латар хилла. 13 латарх 12 хенал хьалха чекхдаьлла^[2]. Суьйренан ринган дикторш бара Александр Загорский(оьр.)нохч.^[3] а, Майкл Баффер а^[4]. Матче хьовсуш бара журналист Тина Канделаки, боксех латаран экс-абсолютан дуьненан чемпион хьалхара ахйуккъера йозаллин барамера Константин Цзю, WBO версица дуьненан экс-чемпион Ибрагимов Султан, паргӀата кепара латарехь кхузза олимпийн чемпион Бувайсар Сайтиев^[3].

Латар дӀадоладалале Чагаевн шансаш дика лоруш яра (2,5 — 3,5 цхьанна дуьхьал)^[5]. Хьалхара раунд боксёраш дӀайаьхьира талламехь. Кхин дӀа латаран сурт тера дара матчах Чагаевн Соьлжа-ГӀалахь хьалхара латарх — Чагаевс дӀалецира ринган йукъ, шен къовсамхо дӀатеӀавора машшаш тӀе. Латаран паргӀата болар дохадора тӀейогӀучу шинне а агӀор жигаралло, цигахь Чагаев хетара гӀоле. Чагаев тоьлура массо а компоненташкахь: тӀелатара сих-сиха, цуо тоьхна буй онда а, Ӏалашоне кхочуш а бара, цуо тешшаш йухатухура къовсамхочун тӀелатар. ЙоьалгӀачу раундехь Брауна, латаран реза воцу, жигара лата гӀоьртира, амма къовсамхочун масех аьтту болуш контратакашна тӀеӀоттавелла лаггӀийра шен Ӏаткъам. Чагаевн цхьаьна атакехь Брауна чӀогӀа буй чекхбалийтина, ринган маьӀӀе ведда кӀелхьара вала дийзира. ПхоьалгӀа раундан йуккъехь шозза тоьхна Чагаевн буйнаха, маьӀӀарга охьа тухуш лаьттара. И раунд чекхйолуш Браунан аьтту белира Чагаев машшаш тӀе дӀататта, амма шен позицех пайда баккха ца хиира. ЙалхолгӀа раундан йуьххьехь Браунан йуьхь эккхийтира, иза тӀехь-тӀехьа йоккха хуьлура, амма цуо латар чекхдаккха новкъарло ца йира. Раунд чекхйала 40 секунда йисчи Брауна чекхбалийтира коьртах чӀогӀа тоьхна буй, цуо ринг тӀевожийра. Австралихочунга кхин дӀадахьаделира латар. Чагаев чухьаьдира кхин а тӀетоха, масех чӀогӀа буй туьйхира, амма Браун кӀелхьар ваьккхира гонго. СадаьӀчул тӀаьхьа Чагаев гӀоьртира шен кхиам чӀагӀбан, амма Браун дика ларлора, иза меттахӀоттавелира. Кхин дӀа латар хила дезачу харш чу делира: Чагаев йукъ дӀа а лаьцна, дӀатаӀийра Браун машшаш тӀе, очкош йаха волавелира. Латар къамел доцуш Чагаевн толамца чекхдер дара, амма иттолгӀа раунд чекхйала цхьа минот йисча чӀогӀа тоьхна коьртах буй чекхбалийтира, цуо иза охьавожийра. Руслан хьалагӀаьттира, амма Браун тӀетоха чухьаьдира, сери чӀогӀа буй биттира, царех Чагаев ларвала ца кхуьура, раунд чекхйала 31 секунда йолуш суьдхочо латар сацийра.

Ши кӀира даьлча Браунан допинган тесто йуха а дика гайтира кленбутерол хилар^[6]^[7]. Майхь и тест чӀагӀира йуха йеллачу анализо. Цуьнан жамӀехь Браунегара титул дӀайаьккхира^[8], иза Чагаевна дӀайелира. WBA-но Чагаевна тӀедиллина 120 дийнахь шен доьхка лардар Пуэрто-Рикерчу Фрес Окендоца леташ^[9]. Амма Чагаевс сацам бира шен спортан карьера чекхйаккха^[10].

Йозаллин барам	Къовсамхо 1	vs	Къовсамхо 2	Тайпа	Раундаш	Хан/ Суьдхойн чот	Йукъайехкина титулаш
Беза(оьр.)нохч.	Руслан Чагаев Узбекистан	Иэшам	Лукас Браун Австрали	Техникин нокаут	10/12		WBA
Ахйуккъера	Висхан Мурзабеков Росси	Иэшам	Ӏали Фунека КЪАР	Къаьстина сацам		117-112 112-114 112-115
ШолгӀа йуккъера	Апти Устарханов Росси	Толам	Томас Машали Танзани	Массо реза волу сацам		10-9 10-9 10-9	IBO чемпионан вакантан титул
ШолгӀа йуккъера	Бехзод Набиев Узбекистан	Толам	ӀабдаллахӀ Луанжа Танзани	Массо реза волу сацам			World Boxing Union чемпионан ханна йолу титул (немцойн верси)
ШолгӀа йуккъера	Эдмунд Гербер Германи	Толам	Брайан Минто АЦШ	Техникин нокаут
Хьалхара беза	Ӏумар Саламов Росси	Толам	Джоуи Вегас Уганда	Техникин нокаут
Хьалхара йуккъера	Рамзан Байсаров Росси	Толам	Хьамза Семпево Уганда	Техникин нокаут
Ахбеза	Мовсур Юсупов Росси	Толам	Карама Нийлавила Танзани	Нокаут
Беза	Апти Давтаев Росси	Толам	Давит Горгиладзе Гуьржийчоь	Нокаут
Беза	Тайрон Спонг Нидерландаш	Толам	Давит Гогишвили Гуьржийчоь	Техникин нокаут
Йуккъера	Джабраил Музаев Росси	Толам	Мустафа Катенде Уганда	Нокаут
Хьалхара йуккъера	Ислам Эдисултанов Росси	Толам	Патрик Атухайрве Уганда	Нокаут
Байн	Болат Бешиев Росси	Толам	Ферузбек Юлдашев Узбекистан	Массо реза волу сацам