Руслан Чагаев — Фрес Окендо

Латаран промоутер(оьр.)нохч. хилира Дугазаев, Тимур^[1]. Латар дӀадоладалале Чагаевн рекорд йара 32 толам (20 нокаутца), 2 эшам, цхьаъ цхьа ца тоьлла. Цуьнан дуьхьалончин рекорд йара 37 толам (24 нокаутца) а, 7 эшам а^[2]. Суьйренан ринганонсераш хилира Александр Загорский (Росси) а, Майкл Баффер (АЦШ). Сийлахь хьешийн хьокъехь кхайкхинера Рой Джонс, Майк Тайсон, Эвандер Холифилд, Леннокс Льюис, Иосиф Кобзон, Тимати. Латар гайтира бӀе сов махкахь, кхин а дуьххьала дӀа эфирехь российн федералан телеканалехь^[3]. Ша стадионехь латаре хьоьжуш вара 30 эзар сов стаг^[1].

Андеркартехь хилира исс боксёрийн латар, цхьаъ К-1(оьр.)нохч. низамца, цигахь дакъа лецира цхьайтта мехкан спортхочо. Россера вара ворхӀ латархо, йалх царех нохчийн боксан ишкол гойтуш вара. Массо нохчийн боксёраш туьйлира, ткъа Мурзабеков Висхана йаьккхира кегийрхошна йукъахь WBC Intercontinental версица вакантан чемпионан титулй^[4].

Хьалхара раунд таллам беш дӀайаьхьира. Чагаевс ринган йуккъера меттиг схьа а эцна, Окендо машшаш тӀе дӀатеттира, амма йерриг а раундехь онда тӀелетарш ца дира. ШолгӀа раунд йуккъе йаьлча, ковсамхоша цхьа могӀа вовшашна ира тохарш дира, цул тӀаьхьа гучуйелира йерриг йисинчу раундашкахь цхьатерра йисина кеп — Чагаевс чӀогӀа лаьцна ринган йукъ, мелла а тоьлаш вара. Латаран меллаша лелар кест-кеста йукъахдоккхуш хилла ковсамхойн жигара гӀуллакхаша. ДоьалгӀачу раундехь Чагаевн йуьхь эккхийтира, амма цо новкъарло ца йира цунна латар чекхдаккха. ТӀаьххьарчу раундехь, ша эшна хиларх кхетта, Окендо латаран темп алсамйаьккхира, накаут йан гӀерташ, амма Чагаев кхиамца ларвелира ша, кхиамца контратака йира. Йерриге а латарехь ковсамхой вовшашца лерам гойтуш, цхьана а боьхачу латаршка ца гӀерташ хилира.