Российн Ӏилманан де

Хӏара йаззам РУВИКИ чуьра бу — маьрша энциклопеди
Российн Ӏилманан де
RR5111-0074R 275-летие Российской академии наук.gif
ХӀоттийна 1999 шарахь президентан омрица Российн Ӏилманийн академин 275 шо кхачаран сий деш
Даздо хӀора шарахь


Российн Ӏилманан де — 8 февраль. Юкъадаьккхина Российн президентан Б. Н. Ельцинан омарца 1999 шеран 7 июнехь[1].

8 февраль — Российн Ӏилманан де

Ӏида дуьххьара даздан долийна Российн Ӏилманийн академин 275 шо кхачар даздечу хенахь.

Истори

[нисйе бӀаьра | нисйе]

И Ӏида Российн Ӏилманийн академи а, Академин университет (хӀинца — Петарбухан пачхьалкхан университет) а кхолларан терхьан лерина ду, уьш кхоьллина император Пётр I-рачун лаамца, урхалла дечу Сенатан омарца 1724 шеран 28 январехь (8 февралехь керлачу рузманца).

ССРСхь Ӏилманан де даздора апрелан кхоалгӀачу кӀиран дийнахь, хӀунда аьлчи 1918 шарахь 18 - 25 апрелехь В. И. Ленина «Набросок плана научно-технических работ» цӀе йолу болх язбина дера. Тахана а дуккха Ӏилманан коллективаш Ӏилманан де даздо «ширачу рузманца», аьлча а апрелан кхоалгӀачу кӀирандийнахь (2018 шарахь Ӏида нисделира 15 апрелехь).

Кхолладалар

[нисйе бӀаьра | нисйе]

1999 шарахь дуьйна Российн Ӏилманан де билгалдоккху хӀора шарахь 8 февралехь, Российн Федерацин Президента 1999 шеран 7 июнехь динчу омарца нийса а догӀуш, «пачхьалкхан а, йукъараллин а кхиарехь, махкахь Ӏилманан башха дакъа тидаме а оьцуш, историн ламасташ а лардеш , Российн Ӏилманан 275 шо кхачар а даздеш[2].

Мероприятеш

[нисйе бӀаьра | нисйе]

Дуккха а Ӏилманан организацеша дӀахьо берашна а, баккхийчарна а лерина дешаран мероприятеш. Кхечу нахана юкъахь цу тайпа мероприятеш (гайтам, лекцеш, мастер-классаш, Ӏилманан-популярни шоу а, кхин а цхьаьнакхетарш) дӀахьора Москван пачхьалкхан университето а, ВКонтакте а[3], Курчатовн цӀарахчу къоман Ӏилманан-талламан центро а[4], Тимирязевн цӀарахчу академино а[5], Къилбаседа Кавказан маьӀданийн а, металлургин а институт а[6]. Ӏилманийн Академин 275 шо кхачарна лерина Российн Банко «Ӏилма» цӀе йолу ахчанийн леррина серий арахоьцура[7].

Тайп-тайпанчу организацешкахь дӀахьо даздарийн концерташ. Уьш дӀадаьхьира, масала, Казанан пачхьалкхан оьздангаллин институтехь[8]. Йоккха концерт йара Москохарчу Кремлан цӀийнахь 2020-чу шарахь. Концертан гурашкахь къоначу Ӏилманчашна совгӀаташ делира[9], 2024-чу шарахь Ӏилманийн академин 300 шо кхачарца йоьзна йоккха концерт хилира Самарехь. Губернатора Азаров Дмитрийс ахчанан совгӀаташ а делира регионан Ӏилманчашна[10].

Научная лаборатория «Научно, но не скучно» в Библиотеке имени В. И. Ленина (Санкт-Петербург)

Билгалдахарш

[нисйе бӀаьра | нисйе]
  1. ↑ S:Указ Президента Российской Федерации № 717 от 7 июня 1999 года «Об установлении Дня российской науки»
  2. ↑ День российской науки.
  3. ↑ 8 февраля - День российской науки: мероприятия от Минпросвещения РФ | Unifirst. unifirst.ru. ТӀекхочу дата: 2025 шеран 28 январь.
  4. ↑ Lua гӀалат Модуль:Citation/CS1/Configuration чохь 2084 могӀанан тӀехь: attempt to index a boolean value.
  5. ↑ Библиотеки Петроградской Стороны(бил-боцу.). pr-cbs.ru. ТӀекхочу дата: 2025 шеран 28 январь.
  6. ↑ kudamoscow.ru. День российской науки в парке «Зарядье» 2024. kudamoscow.ru. ТӀекхочу дата: 2025 шеран 29 январь.
  7. ↑ Lua гӀалат Модуль:Citation/CS1/Configuration чохь 2084 могӀанан тӀехь: attempt to index a boolean value.
  8. ↑ Праздничный концерт ко Дню Российской науки. kazan.ruc.su. ТӀекхочу дата: 2025 шеран 29 январь.
  9. ↑ Lua гӀалат Модуль:Citation/CS1/Configuration чохь 2084 могӀанан тӀехь: attempt to index a boolean value.
  10. ↑ Lua гӀалат Модуль:Citation/CS1/Configuration чохь 2084 могӀанан тӀехь: attempt to index a boolean value.
Хьост — «https://ce.ruwiki.ru/w/index.php?title=Российн_Ӏилманан_де&oldid=12652375»