Дипломатин белхахочун де
«Дипломатин белхахочун де» (оьрс. День дипломатического работника) — Россин Федерацин массо а дипломатин белхахойн Ӏида, Россин Президентан Владимир Путинан указца 2002 шеран 31 октябрехь кхоьллина. ХӀора шарахь Россехь 10 февралехь билгалдоккху.
Истори
10 февралан терахь ларамаза хаьржина дац Россин президенто оцу Ӏидан, иза доьзна ду Россин дуьххьарлерчу арахьара политикин ведомствон — Посольски приказан — историца. 1549 шеран хӀокху дийнахь цуьнах лаьцна дуьххьара хьахор нисло; цуьнан хьалхара куьйгалхо хилла подьячий Иван Михайлович Висковатов (Висковатый), Русин паччахьо Буьрса Ивано цунна «посольски гӀуллакх тӀедиллира»[1].
Даздар
Оцу дийнахь тайп-тайпанчу пачхьалкхан органийн векалша, масала, Президентан Администрацин, Правительствон Аппаратан, Федерацин Советан, Пачхьалкхан Думан, иштта долара адамаша а РФ-н МИД-е декъалден телеграммаш йохьуьйту[2].
2009 шарахь, «Дипбелхахочун де» тӀекхочуш, РФ-н премьер-министро Владимир Путина «Российн Федерацин Арахьара гӀуллакхийн министерствон белхахошка а, ветеранашка а» декъалдеш кехат дахьийтира, цу тӀехь къаьсттина таханлерчу россин хьелашкахь дипломатийн белхан мах хадийнера:
Россин дипломатино гуттар а коьрта дакъа лоцу вайн пачхьалкхан арахьара политика кхочушйарехь, чӀогӀа лардо Россин къоман хьашташ, мехала хазна кхуллу дуьненахь чӀогӀа хилар а, кхерамзалла а латторехь. Вайн дипломатийн патриоталло а, лакхарчу корматалло а, интеллектан нуьцкъалло а аьтто бо Россин дуьненайукъара авторитет а, Ӏаткъам а чӀагӀбан, кхин дӀа а социально-экономически кхиаран дика хьелаш кхолла.
Ишттачу къамелашца В. В. Путин хӀора шарахь вистхуьлу[3][4][5].
РФ-н арахьара гӀуллакхийн министр С. В. Лавров а вистхуьлу хӀора шарахь Дипломатан дийнахь[2][6].
Кхолладалар
Дипломатин белхахочун де кхоьллина 2002 шеран 31 октябрехь Россин Федерацин Президентан В. В. Путинан № 1279 йолчу Указаца, цу тӀехь йаздина дара: «Дипломатин белхалочун де кхолла а, 10 февралехь иза даздан а»[7].
Мероприятеш
МГИМО-хь хӀора шарахь Дипломатин белхахочун де даздаран концерташ дӀахьо[8].
2022 шарахь оцу дийнахь Данехь, Российн Ӏилманан а, культурин а центрехь Данерчу дипломатин миссина лерина гайтам схьабиллира[9].
2026 шарахь, Дипломатин белхахочун де тӀекхочуш, дипмиссин футболан майданехь хилира ламасте йирзина накъосталлин матч Камбоджера Россин Посольствон а, оцу Паччахьаллан кхечу арахьарчу гӀуллакхийн а, дуьненайукъара цхьаьнагӀуллакхдаран министерствон а командашна йукъахь[10]. КъахӀирехь Россин Посольствон школан латтан тӀехь накъосталлин футболан турнир дӀайаьхьира, Мисаран МИД-н а, СНГ пачхьалкхийн дипмиссийн а белхахоша дакъалоцуш[11].
Билгалдахарш
- ↑ Настоящее положение Висковатого. ТӀекхочу дата: 2010 шеран 9 февраль. Архивйина 2013 шеран 20 апрелехь
- ↑ 1 2 Выступление Министра иностранных дел Российской Федерации С.В.Лаврова на торжественном собрании по случаю Дня дипломатического работника, Москва, 9 февраля 2024 года. mid.ru (2024 шеран 9 февраль).
- ↑ Путин поздравил сотрудников МИД РФ с Днем дипломатического работника, TACC. Дата обращения: 28 январехь 2025.
- ↑ Путин поздравил сотрудников МИД с Днем дипломата, РИА Новости (20230210T0911). Дата обращения: 28 январехь 2025.
- ↑ Поздравление сотрудникам и ветеранам МИД России с Днём дипломатического работника, Президент России. Дата обращения: 28 январехь 2025.
- ↑ Лавров поздравил коллег с Днем дипломатического работника, TACC. Дата обращения: 28 январехь 2025.
- ↑ Указ Президента Российской Федерации от 31.10.2002 г. № 1279, Президент России. Дата обращения: 28 январехь 2025.
- ↑ Концерт ко Дню дипломатического работника. mgimo.ru. ТӀекхочу дата: 2025 шеран 29 январь.
- ↑ Об открытии выставки ко дню дипломата - Министерство иностранных дел Российской Федерации. mid.ru. ТӀекхочу дата: 2025 шеран 29 январь.
- ↑ В Посольстве России в Камбодже состоялся товарищеский футбольный матч по случаю Дня дипломатического работника. Министерство иностранных дел Российской Федерации (2026 шеран 9 февраль). ТӀекхочу дата: 2026 шеран 10 февраль.
- ↑ По случаю Дня дипломатического работника на территории школы при Посольстве России в Каире состоялся товарищеский футбольный турнир. Министерство иностранных дел Российской Федерации (2026 шеран 9 февраль). ТӀекхочу дата: 2026 шеран 10 февраль.
