Орга (журнал)

«О́рга» — хӀора баттахь арадолу нохчийн литературин а, исбаьхьаллин а журнал. Тираж 2 500 экземпляр, формат А4.

Журнал тӀехь зорбане йоху байташ а, проза а, публицистика а, литературин а критикан а материалаш, историн а, Ӏилманийн а талламаш, кхийолу нохчийн йаздархоша а, Ӏилманчаша а йазйина говзарш.

Журнал арахеца долийна 1958 шарахь. Цуьнан коьрта редактораш бара бевзаш болу нохчийн йаздархой: Магомет Мамакаев, Шайхи Арсанукаев, Алвади Шайхиев, Муса Ахмадов, Ильман Юсупов (1993 шарахь дуьйна 1994 шаре кхаччалц).

Хьалхара тӀом бахьана долуш журнал арахецар сацийнера. Амма 1995 шарахь иза йуха а арахеца долийнера. Цуьнан коьрта редактор вара Эльсанов Ислам, йаздархо. ШолгӀа журнал арахецар доладелира шолгӀа тӀом чекхбаьллачул тӀаьхьа. Оцу хенахь журналан куьйгалхо йара журналист Юсупова Сацита.

Тахана журналан коьрта редактора ву йаздархо, литературин критик, гочдархо Эльбрус Минкаилов.