Лечхаджиев, Руслан Абдулвахин воI

Лечхаджииев Руслан вина 1965 шеран 2 июлехь Гуьмсехь. 1990 шарахь чекхйаьккхина Соьлжа-ГӀалин мехкадаьттан институт. 2007 шарахь чекхйаьккхина РФ-н президентан Россин пачхьалкхан гIуллакхийн академи. 2013 шарахь чекхйаьккхина Москохан автомобилан-некъан пачхьалкхан технически университет, говзалла — «автомобилан некъаш а, аэродромаш а»^[3].

2004 шарахь дуьйна 2007 шо кхаччалц Лечхаджиев вара Нохчийн Республикехь «Федерацин некъан агентстван Къилбаседа-Кавказан автомобилан некъийн урхалла» федерацин пачхьалкхан учрежденин филиалан куьйгалхо. 2007 шарахь дуьйна 2014 шо кхаччалц «Къилбаседа Кавказ» Упрдор ФКУ-н хьаькаман заместителан даржехь вара. 2014 шарахь дуьйна 2021 шеран сентябрь бутт кхаччалц — «Кавказ» Упрдор ФКУ-н хьаькаман даржехь^[4].

Иза куьйгалхо волуш Къилбаседа-Кавказан федерацин округехь пайдаэцаре йелла хӀара объекташ:

• Пятигорскана гобаккхар Р-217 «Кавказ» некъан дакъа;
• Кхарачой-Чергазийчохь шина асанера йиъ асане шордина А-155 Черкесск — Домбай трассин дакъош;
• ГӀалгӀайчохь Р-217 трассин шордина дакъош;
• Къилбаседа ХӀирийчохь ТӀеман-Гуьржийн некъан шордина дакъош;
• А-157 Минеральные Воды (аэропорт) — Кисловодск трассин 36-чу км 46-чу км кхаччалц йолчу меттиган реконструкци (йиъ асанна тӀе йаккхар);
• Ставрополан махкахь 0 км — 30 км йолчу меттигехь 12 тӀай дар (церан йукъара йохалла 620 пог. м йу).

Шозза реконструкци йинчул тӀаьхьа Минеральные Воды гӀалара дуьненайукъара аэропорт а, Кисловодск а, Кавказские Минеральные Воды массо а курортан гӀаланаш а вовшахтуху автомобилан некъан йиъ аса йу.

Иштта оцу муьрехь БуритӀана а, Гуьмсана а транспортан гобаккхарш дан долийра^[5].

2021 шеран 19 сентябрехь РФ-н VIII кхайкхаман Пачхьалкхан думин харжамашкахь дакъалаьцна «Единая Россия» политикин партин спискашца, Нохчийн Республикин № 57 региональни группехь доьалгӀачу лоьмарца вара. Кхаж тасаран а, меттигаш дӀасайекъаран а жамӀашца Пачхьалкхан думе чекх ца велира, амма 2021 шеран 29 сентябрехь «Единая Россия» партин спискашца цунна вакансин депутатан мандат кхечира^[2].

«Единая Россия» фракцин декъашхо вара^[6]. Транспортан а, транспортни инфраструктура кхиоран а комитетан председателан заместителан даржехь вара^[1].

Евросоюзан, США-н, Йоккхачу Британин, Канадин, Швейцарин, Австралин, Японин, Керла Зеландин, Украинин, кхин цхьаболчу мехкийн а дуьненайукъарчу санкцешна кӀелахь ву^[7].

• РФ-н транспортан министран баркалла.
• «Хин а, лаьттахуларан а некъийн урхалла кхоьллина 200 шо кхачарна иэсана» юбилейн хьаьрк.
• Нохчийн Республикин Сийлахь гӀишлошйархо.
• Кадыров Ахьмадан цӀарах йолу орден (2017).
• «Транспортан объекташ йарна» медаль.
• «Российн Сийлахь некъашхо» нагрудни хьаьрк^[8].
• Российн Федерацин Сийлахь гӀишлошйархо (2021)^[9].