Козлов, Александр Александрович (министр)

2003 шарахь Козловс чекхйаьккхира Москохан Правительствон куьйга кӀел йолу Москохан хьуьнараллин академин Благовещенскан филиал, юриспруденцин говзалла а йолуш, юрист квалификаци а йоккхуш. Цул тӀаьхьа цо дешна Генарчу Малхбален федералан университетехь говзаллехь маьӀданийн инженер^[4].

2000 шарахь Козлов дӀахӀоьттира «Дальвостуголь» компане юрисконсульт дарже балха. 2004 шарахь цуьнан метта кхоьллира компани «Амур-уголь», цигахь Козлов коьрте хӀоьттира «Росугольна» цхьаьна филиале Гуково гӀалахь^[4], кхин а шо даьлча цунах хилира «Русский уголь» ОАО филиалан директор Благовещенскехь^[5].

2009 - 2010 шерашкахь Козлов «Амурский уголь» ООО инарлин директоран даржехь вара Райчихинскехь.

2011 шарахь Козлов областан губернатора Кожемяко Олега кхайкхарца Амуран областан Ӏедалехь пачхьалкхан гӀуллакхе дехьавелира. 2011 шеран 2 февралехь иза хӀоттийра Амуран областан гӀишлошйаран а, архитектурин а, хӀусамийн а, коммуналан а министран хьалхара гӀовсан дарже. Оццу шеран августехь оцу декъан куьйгалхо вара иза^[6].

2011 шеран 23 декабрехь Козлов хӀоттийра Амуран областан хӀусамийн-коммуналан бахаман министран дарже, цунах уггаре жима министр хилира Амурйистехь^[7]. Оцу даржехь Ӏийра 2014 шеран 14 февраль кхаччалц.

2014 шеран 14 февралехь Козлов хӀоттийра Благовещенск гӀалин администрацин куьйгалхочун Березовский Павлан хьалхара гӀовс^[8].

Цул тӀаьхьа 6 де даьлча, 2014-чу шеран февраль беттан 20-чу дийнахь Благовещенскан гӀалин думо Березовский шен дехарца Березовский гӀалин администрацин куьйгалхочун даржера дӀавахара, ткъа Козлов хӀоттийра мукъачу даржан куьйгалхочун декхарш кхочушдан^[9].

2014 шеран апрелехь Козловс толам баьккхира «Цхьааллин Росси» хьалхара партин чоьхьарчу кхажтасарехь регионан йукъан мэран кандидатура дӀахӀоттош^[10].

2014 шеран 14 сентябрехь Козловс толам баьккхира Благовещенскан мэран харжамашкахь, 17 828 кхаьжнаш гулдина^[11]. Оццу шеран 19 сентябрехь Козлов гӀалин мэран дарже велира^[12].

Хорошавин Александр Сахалинан областан губернаторан даржера дӀаваьллачул тӀаьхьа а, Амуран губернатор Кожемяко Олег Николаевич хӀоттийра. Российн Федерацин Президентан омрица 2015 шеран 25 мартехь ханна декхарш кхочуш дан хӀоттийра Козлов^[13][14].

2015 шеран 19 июнехь Козлов хилира «Цхьааллин Росси» партин кандидат губернаторан харжамашкахь^[15]. Цу гулдира 50,64 % харжамхойн кхаьжнаш избирателей, хилира уггаре къона^[16] губернатор областан исторехь. Цу тӀе, Козловс урхалла динчу Благовещенскехь, цунна кхаж тесира 30 % харжамхоша — 45 % кхаж кхечира РЛДП кандидатан^[17].

2018-чу шеран май беттан 18-чу дийнахь Российн Федерацин Президентан омрица Козлов шен дехарца Амуран областан губернаторан даржера мукъаваьккхира, хӀоттийра Российн Федерацин Генара Малхбале а, Арктика а кхиоран министр керла правитедьствехь^[18][19].

2019-чу шеран февраль беттан 26-чу дийнахь Российн Федерацин Генара Малхбале кхиоран министралло шен бакъонаш шорйира Российн Федерацин Арктикин зоне кхаччалц. Козловс шен карахь латтийра Генара Малхбале а, Арктика а кхиоран министран дарж^[20].

Министр санна, Козловс хӀоттийра 2035 шо кхаччалц Арктика кхиоран стратеги а, 2024 шо кхаччалц Генарчу Малхбале кхиоран къоман программа а, 2035 шо кхаччалц перспектива йолуш, ткъа иштта Генарчу Малхбалехь демографи лакхайаккхаран программаш, регионехь социалан объекташкахь тодаран белхашна субсиди луш йолу программа а, Арктикин гектар программа а; Генарчу Малхбалерчу регионера бахархошна 2 % ипотеканна ахча даларна^[21].

2020 шеран 9 ноябрехь, Кобылкин Дмитрий мукъаваьллачул тӀаьхьа, Козлов аратеттира Российн Федерацин Ӏаламан ресурсийн а, экологин а министран дарже^[22].

2024 шеран 14 майхь йуха чӀагӀвира Пачдумо Российн Ӏаламан ресурсийн а, экологин а министран дарже^[23], оцу дийннахь РФ президента куьг йаздира дӀахӀотторан омрина^[24].

«Цхьааллин Росси» декъахо. Амуран регионан партин декъан Президиуман йукъавоьдура. 2023 шарахь дуьйна — «Цхьааллин Росси» партин Лакхара кхеташонан декъахо^[25].