Сатуев, Лоьма Алхьамадан воӀ
Сатуев Лоьма Алхьамадан воӀ (оьрс. Сатуев, Лёма Алхамадович; 1965 шеран 12 июнь, СемаӀашка, Нохч-ГӀалгӀайн Автономин Советийн Социалистийн Республика) — советийн а, российн а, актёр а, йишлакхархо а, музыкан а, Нохчийн Республикин сийлахь артист а[1].
Биографи
Вина 1965 шеран асаран беттан 12-чу дийнахь СемаӀашкахь. Чекхйаьккхина СемаӀашкин йуккъера ишкол 1983 шарахь[2]. Дешна чекхйаьккхина Соьлжа-ГӀалин музыкин доьшийлин вокалан дакъа[3].
1986 шарахь, Советийн Эскарехь гӀуллакх динчул тӀаьхьа дӀаийцира Нохчийн пачхьалкхан Шахбулатов Ӏадланан цӀарахчу филармони «Самукъане сахьт» ансамблан солистсан дарже[2]. «Самукъане сахьт» ансамбль йоьхначул тӀаьхьа, 1990 шарахь, Сатуев Лоьмас масех шарахь солист-вокалист болх бира «Илли» фольклоран ансамблехь[4].
2010 шарахь дуьйна Нохчийн пачхьалкхан драмин Нурадилов Ханпашин цӀарах тетран актёр ву[1].
Цуьнан репертуарехь 50 сов эшар йу, ша йазйина композицеш а йолуш. Сатуев Лоьмас локху коьртаниг нохчийн къоман эшарш, ша нохчийн дечиг-пондар а локхуш[4].
Нохчийн пачхьалкхан драмин Нурадилов Х. цӀарах театрехь хӀиттийначу спектаклшкахь ролаш ловзийна, актёр волуш, кхин а йишлакхархо волуш[1]. Дакъа лоцу театр йинчу концертан программашкахь[1].
Театрера ролаш
Актуалан спектаклаш:
- «Кема лаха» — Димитрис;
- «Захаров Пётр — Дади-йуьртара нохчи» — капитан Самсонов, жандарм;
- «Кхаба италихойх» — 1-ра лулахо;
- «Доккха латта» — массовкехь;
- «Шен цӀа — цӀен цӀа» — нохчийн илланча;
- «Лаьмнел лекха» — халкъан суьдхо[3].
Архиван спектаклаш:
- «Къонахчун дош» — боевик;
- «Нохчийн махкахь, нохчийн маттахь» — Сулейманов Ахьмад;
- «Нохчийн махкахь, нохчийн маттахь» 2 дакъа — лулахо;
- «Сан некъ» — митинган декъахо;
- «Серлонан бӀахьо» — «Кадыров Ахьмад-Хьаьжина лерина» вокалан композици олург, дешнийн а, музыкин а автор Сатуев Лоьма;
- «Керла лулахой» — Маккхал;
- «Бременан музыкхой» — гӀарул;
- «ЦӀен берд» — кӀанташ[1].
Фильмографи
- «Безаман мӀаьргонаш»[5], арахецна: «Гуьржийчоь-фильм» а, Одессин киностуди а, 1989 шо, режиссёр — Гиоргобиани Виссарион — къона илланчин роль[1].
Билгалдахарш
- ↑ 1 2 3 4 5 6 Лёма Сатуев. Чеченский государственный драматический театр им. Х. Нурадилова. ТӀекхочу дата: 2024 шеран 5 апрель.
- ↑ 1 2 Аза Газиева. Поющий актер. Сетевое издание «Вести Чеченской Республики» (2015 шеран 12 июнь). ТӀекхочу дата: 2024 шеран 5 апрель.
- ↑ 1 2 Лёма Сатуев. kino-teatr.ru (2022 шеран 5 июль). ТӀекхочу дата: 2024 шеран 5 апрель.
- ↑ 1 2 Лема Сатуев. Event-агентство «Ирсе де». ТӀекхочу дата: 2024 шеран 5 апрель.
- ↑ Мгновения любви (1989). Кино-Театр.Ру (2023 шеран 6 май). ТӀекхочу дата: 2024 шеран 5 апрель.