Аюбов, Муса Хьасанан воӀ

Вина 1962-чу шеран бекарг беттан 26-чу дийнахь Кхазакхийн ССР-хь йолчу Лениногорскехь.

1988 шарахь цо чекхъйаьккхина А. В. Луначарскийн цӀарах Пачхьалкхан театран исбаьхьаллин институтан (ГИТИС) актёрийн факультет, ССРС-н халкъан артист В. А. Андреев куьйгалхо а волуш, «драматически театран а, кинон а актёр» говзаллица^[2].

ШолгӀачу курсехь волуш дуьйна дешаран постановкашкахь коьрта ролаш ловзо волавелла — Эдмон Ростанан пьесица йолчу спектаклехь Сирано де Бержерак а, «Трёхгрошовая опера» чуьра Мэкки-Урс. Ф. Феллини бух тӀехь «Дорога» цӀе йолчу дипломин спектаклехь Аюбов Мусас коьрта роль ловзийра — Дзампано^[3].

Нохчийн драмин Нурадилов Ханпашин цӀарах театрехь цуьнан дебюташ хилира: Хакишева Русланан «Земля отцов» постановкехь йисинчу зудчун кӀентан васт а, Гузиев Хусейнан «После землетрясения» спектаклехь Бисланан роль а(пьесин автор — Ахмадов Муса), иштта Солцаев Мималтан «Свобода или смерть!» постановкехь Чиркойн Юнусан роль а^[3].

Аюбов Мусас ловзийна 36 сов роль нохчийн а, оьрсийн а, кхечу къаьмнийн а классикехь: Клоунан тӀер (П. Устиновн «Город любви») Торибио тӀекхаччалц (А. Портесан «Ночной переполох»)^[1].

Иштта актёро ловзийна цхьа могӀа кинон ролаш: «Ягуар» (Мосфильм, чилин режиссёр Себастьян Аларкон), «За всё заплачено» (Мосфильм), «Белая и чёрная магия» (Ленфильм), «Князь Мусост и Адин Сурхо» (Соьлж-ГӀалин телевидени), «Тайная стража» (Мосфильм), «Сестра моя Люся» (Казахфильм), кхийерш а.^[1]

Муса Аюбовн актёран биографехь боккха кхиам хилира Хакишев Русланан «Земля отцов» спектаклехь Мустарган кӀентан Бахадуран роль ловзорца. Къоман турпалхочун васт йезайелира нохчийн хьовсархошна ца Ӏаш, Къилбаседа Кавказан республикашкарчу публикана а^[3].

Актёран говзалла къеггина гучуйелира кхечу театран белхашкахь а: Аметисов — Михаил Зощенкон «Преступление и наказание», Сийлахь эла Михаил — Нунуев Сайд-Хьамзатан «Один лишь Бог», Вахушти — Л. Гимрикеллин «Сказка о храбром Кикиле», Заманхо — «Рыцари Кавказских гор». ТӀаьххьара спектакль Новочеркасскехь хиллачу II Халкъан йукъарчу «Овация» фестивалехь 5 номинацехь дипломашца билгал а йаьккхира, иза фестивалан толамхо а хилира^[1].

Актёран кхоллараллин кхиамех цхьаъ бу Торибион васт Д. А. Горник режиссёран «Ночной переполох» спектаклехь, испанхойн драматурган А. Портесан «Дом вверх кувырком» пьесица хӀоттийначу (2012 шо, Пачхьалкхан кегийрхойн «Серло» театр, Соьлжа-ГӀала)^[3].

М. Лермонтовн театрехь Аюбов Мусас режиссёр волуш хӀоттийра шен пьесашца спектакльш: «Зло», «Ансар и Заза» и «Обречённый на одиночество». Цо ворхӀ постановка хӀоттийна Москвахь, Нальчикехь, Соьлжа-ГӀалахь. Аюбовн спектакльш гуттар а йезаш йу хьажархошна а, театран критикашна а^[1].

Иштта Аюбов вевзаш ву массийн хьожийла мероприятийн сценарист а, режиссёр а санна. Цуьнан цхьайолу постановкаш («Ахмат-Арена» стадион а, «Грозный-Сити» комплекс а, «Нохчийчоьнан дог» йуккъера маьждиг а схьаделларан даздарш) дерриге дуьненахь трансляци йина йу. Соьлжа-ГӀалин Пачхьалкхан театран-концертан залан исбаьхьаллин куьйгалхо волуш Аюбов Мусас шина шарахь сценареш а йазйина, режиссура а йина массо а бохург санна йерригроссийн а, республикин а дезденошна лерина йолчу мероприятийн а, концертийн а^[3].

Кхиаме болх барна а, кхоллараллин кхиамашна а Аюбов М. Х. билгалваьккхина цхьа могӀа сийлахь грамоташца а, баркаллийн кехаташца а, совгӀаташца а. Нохчийн Республикин Куьйгалхочун указца актёран йелла сийлахь цӀе — «Нохчийн Республикин сийлахь исбаьхьаллин гӀуллакххо»^[1].

• «Дорога» — Дзампано;
• «Отравленная туника» — Юстиниан;
• «Сирано де Бержерак» — Сирано де Бержерак;
• «Мастер и Маргарита» — Иешуа;
• «Песни вайнахов» — йисинчу зудчун кӀант / Мустарг;
• «Чудаки» — Бакарбек;
• «После землетрясения» — Бислан;
• «Свобода или смерть» — Юнус Чиркоевский;
• «Город без любви» — Клоун;
• «Храбрый Кикила» — Кикила;
• «Не приведи Господь» — Рома;
• «Старший сын» — Сарафанов^[4];
• «Кровавая свадьба» — Испанец;
• «Белый домик в цветущем саду» — воккхаха воӀ;
• «Как нам повезло» — Дружинин Советан Председатель;
• «Семейный разлад» — воккхаха воӀ;
• «Пакет» — Бумбараш;
• «Волки» — НКВД-н эпсар^[5];
• «Лодка» — Витязь;
• «Трёхгрошовая опера» — Мэкки-Нож;
• «Не прячь улыбку» — Виталий;
• «Стеклянный зверинец» — Освальд;
• «Рыцари Кавказских гор» — хьалхелелорг;
• «Медведь» — Чубуков;
• «Шейх поневоле» — Абу;
• «Ночной переполох» — Торибио^[6];
• «Звезда Кавказа» — Рузби;
• «Аккомпаниатор» — Кукин;
• «Спасти камер-юнкера Пушкина» — замполит^[1];
• «Король Лир» — король Лир^[7];
• «Ревизор» — Антон Антонович Сквозник-Дмухановский^[8].

• «Ягуар» (Мосфильм, реж. Себастьян Аларкон);
• «За всё заплачено» (Мосфильм);
• «Белая и чёрная магия» (Ленфильм);
• «Князь Мусост и Адин Сурхо» (Соьлж-ГӀалин телевидени);
• «Тайная стража» (Мосфильм);
• «Сестра моя Люся» (Казахфильм)^[1].

• «Зло»;
• «Ансар и Заза»^[9];
• «Обречённый на одиночество».

• Нохчийн Республикин сийлахь исбаьхьаллин гӀуллакххо;
• Нохчийн Республикин сийлахь артист (2021)^[3];
• Нохчийн Республикин халкъан артист^[1].