Амагов, Ӏадлан Майрбекан воӀ
Амагов Ӏадлан Майрбекан воӀ (1986 шеран 27 август, Соьлжа-ГӀала, Нохч-ГӀалгӀайн АССР, РСФСР, ССРС) — ийна кепара латархо, тӀеман самбон Российн чемпион, универсалан латаран Европин а, дуьненан а чемпион, чуччбахана латаран а, самбон а, комплексан латаран а Российн спортан говзанча, UFC йукъавахана хьалхара нохчийн латархо.
Биографи
Нохчо[1]. Вина 1986 шеран 30 октябрехь Нохч-ГӀалгӀайн АССР Соьлжа-ГӀалахь. Хьалхара профессионалан латар хилла 2007 шеран 23 ноябрехь Олейник Алексейца, Ӏадлан ийшира. Цул тӀаьхьа летта ProFC эгидица, йалх толам баьккхина. 2011 шарахь контракт йаздира Zuffa, иза йу Strikeforce долахо.
Амагов Ӏадланан Strikeforce хьалхара латар хилира 2011 шеран 22 июлехь турнирехь Strikeforce Challengers: Voelker vs. Bowling III. Ирахь леташ Ӏадлан гӀоле хетара. Латаран шолгӀачу декъехь Амагов гӀелвелира, цуьнан мостагӀчо масех кийсиг йаьккхира. Амма суьдхой бекъабелла толам баьккхира Амаговс.
Strikeforce шолгӀа латар дӀадаьхьира оццу шеран 18 ноябрехь турнирехь Strikeforce Challengers 20. Амаговн мостагӀ хилла Энтони Смитан, цуьнан оцу латарал хьалха иэшам бацара 2010 шеран декабрехь дуьйна. Ӏадлана толам баьккхира нокаутца хьалхарчу раундехь.
2012 шеран 7 январехь Амагов дуьххьара эшна Strikeforce Робби Лоулеран Strikeforce турнирехь: Rockhold vs. Jardine. Лоулера Амаговн коьртах гола тоьхна. Ӏадлан охьавоьжна, тӀаккха америкахочо кхин а тӀетоьхна.
Оццу шеран 18 августехь Strikeforce Rousey vs. Kaufman турнирехь хилира Амаговн Кит Берин дуьхьала латар. Ӏадланега чӀир йекъайелира хьалхалра иэшамна, мостагӀ иэшийра хенал хьалха.
Цхьаболчу хьостанаша дийцарехь, 2013-чу шеран декабрь баттахь Амаговс официалан дӀакхайкхийра шен спортан карьера динан бахьанашца чекхйолу аьлла[2]. Амма, кхечу хьостанаша дийцарехь, Амаговс деккъа садаӀар дина доьзалан бахьанашца.
2016 шарахь, кхаа шарахь садаӀар дӀадаьлча, иза йухавеара ММА-га, Сочехь League S-70 турнирехь цо эшийра бразилхо Дирлея Броэнструп голин зерзакъца.
Доьзал
Воккхаха волу ваша - Амагов Муса, Финляндин ийна латарехь чемпион.
Статистика
| ЖамӀ | Рекорд | МостагӀ | Хьесап | Турнир | Терахь | Раунд | Хан | Меттиг | Билгалдаккхар |
|---|---|---|---|---|---|---|---|---|---|
| Толам | 14-2-1 | Дирли Броэнструп | Пхьаьрсан зерзакъ | League S-70: Plotforma 7th | 2016 шеран 21 августехь | 1 | 2:18 |  Сочи, Росси
|
|
| Толам | 13-2-1 | Ти Джей Уолдбергер | Нокаут (тохар) | UFC 166 | 2013 шеран 19 октябрехь | 1 | 3:00 |  Хьюстон, АЦШ
|
|
| Толам | 12-2-1 | Крис Спонг | Бертахь сацам | UFC on Fuel TV 9 — Mousasi vs. Latifi | 2013 шеран 6 апрелехь | 3 | 5:00 |  Стокгольм, Швеци
|
|
| Толам | 11-2-1 | Кит Берри | Техникин нокаут (мира тоьхна) | Strikeforce — Rousey vs. Kaufman | 2012 шеран 18 августехь | 1 | 0:48 | Сан-Диего, АЦШ
|
|
| Иэшам | 10-2-1 | Робби Лоулер | Техникин нокаут (кхоссалуш гола тоьхна) | Strikeforce — Rockhold vs. Jardine | 2012 шеран 7 январехь | 1 | 1:48 | Лас-Вегас, АЦШ
|
|
| Толам | 10-1-1 | Энтони Смит | Нокаут (тохар) | Strikeforce — Challengers 20 | 2011 шеран 18 ноябрехь | 1 | 2:32 | Лас-Вегас, АЦШ
|
|
| Толам | 9-1-1 | Рон Столлингз | Къаьстина сацам | Strikeforce — Challengers 17 | 2011 шеран 22 июлехь | 3 | 5:00 | Лас-Вегас, АЦШ
|
|
| Толам | 8-1-1 | Евгений Ерохин | Техникин нокаут (коьртах мира тоьхна) | Draka — Governor’s Cup 2010 | 2010 шеран 18 декабрехь | 1 | 2:28 | Хабаровск, Росси
|
|
| Толам | 7-1-1 | Александар Радосавлевич | Техникин нокаут (лоьро латар сацийна) | ProFC — Union Nation Cup 8 | 2010 шеран 18 декабрехь | 1 | 2:10 |  Одесса, Украина
|
|
| Цхьан а ца тоьлла | 6-1-1 | Аттила Вег | Цхьа а ца тоьлла | APF: Azerbaijan vs. Europe | 2010 шеран 22 майхь | 3 | 5:00 |  Бакох, Азербайджан
|
|
| Толам | 6-1 | Шамиль Тинагаджиев | Бертахь сацам | ProFC — Commonwealth Cup | 2010 шеран 23 апрелехь | 2 | 5:00 | Москох
|
|
| Толам | 5-1 | Денис Лядовый | Техникин нокаут (тохар) | ProFC — Union Nation Cup 5 | 2010 шеран 13 февралехь | 1 | 0:17 | Нальчик, Росси
|
|
| Толам | 4-1 | Масхьат Ахметов | Нокаут (коьртах мира тоьхна) | ProFC — Union Nation Cup 4 | 2009 шеран 19 декабрехь | 1 | 0:17 | Дон-тӀера-Ростов, Росси
|
|
| Толам | 3-1 | Хьаьжмурд Антигулов | Нокаут (тохар) | ProFC — Union Nation Cup 2 | 2009 шеран 25 сентябрехь | 1 | 4:05 | Дон-тӀера-Ростов, Росси
|
|
| Толам | 2-1 | Бесики Геренава | Бертахь сацам | ProFC — President Cup | 2008 шеран 25 октябрехь | 2 | 5:00 | Петарбух, Росси
|
|
| Толам | 1-1 | Ансар Чалангов | Бертахь сацам | Perm Regional MMA Federation — MMA Professional Cup | 2008 шеран 25 апрелехь | 2 | 5:00 | Пермь, Росси
|
|
| Иэшам | 0-1 | Алексей Олейник | Сабмишн (Иезекиилан садуӀдар) | Perm Regional MMA Federation — MMA Professional Cup | 2008 шеран 25 апрелехь | 1 | 2:00 | Пермь, Росси
|
Литература
- С-А. М. Аслаханов, Х. Х. Хизриев. Физическая культура и спорт Чечни: истоки и современность. — М.: «Перо», 2015. — С. 84-85. — 240 с. — ISBN 978-500086-997-0.
Билгалдахарш
- ↑ Мовлади Абдулаев. Адлан Амагов. Энциклопедия чеченского спорта (2013 шеран 18 август). ТӀекхочу дата: 2021 шеран 21 март. Архивйина 2017 шеран 30 апрелехь
- ↑ Адлан Амагов официально завершил карьеру бойца по религиозным мотивам. ТӀекхочу дата: 2014 шеран 16 апрель. Архивйина 2014 шеран 16 апрелехь
Хьажоргаш
- Адлан Амагов / Adlan Amagov (The Wolf). fighttime.ru. ТӀекхочу дата: 2017 шеран 7 январь. Архивйина 2017 шеран 10 февралехь
- Адлан Амагов (Adlan Amagov). mixfight.ru. ТӀекхочу дата: 2017 шеран 7 январь. Кху чуьра архивйина оригиналан 2017 шеран 8 январехь
- Адлан Амагов против Китa Бэрри YouTube чохь
Кхин дӀа темана тӀехь
 |
|---|
