Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Шахбулатовн цӀарах йолчу Нохчийн Республикин пачхьалкхан берийн симфонин оркестр

Шахбулатовн цӀарах йолчу Нохчийн Республикин пачхьалкхан берийн симфонин оркестр (оьрс. Детский симфонический оркестр Чеченской государственной филармонии им. А. Шахбулатова) — 2015-чу шарахь кхоьллина Нохчийчоьнан берийн симфонин оркестр[1].

Истори

Оркестр кхоьллина 2015-чу шарахь коьрта дирижёр а, исбаьхьаллин куьйгалхо а, Российн Федерацин халкъан артист, Нохчийн Республикан халкъан артист, ДегӀастанан Республикин халкъан артист, профессор, Хлебников Валерий Владимировичан куьйгаллица[2]. Оркестр кхоьллина Нохчийчоьнан куьйгалхочун дӀадолорца[1][3].

Талламан тур дӀайаьхьира 2015-чу шарахь А. Шахбулатовн цӀарахчу Нохчийн пачхьалкхан филармонин зал чохь[4].

Артистийн мах хадийна Хлебников Валерийс а, А. Шахбулатовн цӀарахчу пачхьалкхан филармонин директоро Денилханова Тамарас а, Нохчийн Республикин къоман мукъаман школин куьйгалхочо Зубайраева Анжеликас а, Нохчийчоьнан культуран министро Дааев Хож-Баудис а[4].

Талламан къовсам дӀабаьхьначул тӀаьхьа 20 бер дӀайаздина хинболчу оркестран декъашхойн тептаре[4].

Нохчийн Республикин берийн симфонин оркестро шен дебютни концерт гайтира Соьлжа-ГӀалин Лермонтов Михаилан цӀарахчу оьрсийн драматически театран сцени тӀехь 2015-чу шарахь[5]. Масех баттахь къоначу музыканташна Ӏамийна ши пьеса, йазйина шолгӀачу режиссёро Илья Петренко симфонин музыканташ къоначу музыкантийн таронаш тидаме а оьцуш: «Музыка, дукха йехийла!» и «Декъала хуьлда хьо йинчу денца, оркестр![5]»

Берийн симфонин оркестран хьалхара чаккхенан концерт хилира Соьлжа-гӀаларчу М. Лермонтовн цӀарахчу оьрсийн драматически театран сцени тӀехь 2018-чу шарахь[6]. Къоначу музыканташа дӀаолура Вивальдин, Акколайн, Шостаковичан, Дженкинсонан, Шахбулатовн, Сквайр а, Вьётана а, кхин а гӀарабевлла композиторш[6].

Оркестран гӀуллакхна лаккхара мах хадийна республикин куьйгалло[1][7].

ГӀуллакх

Берашна леррина кечйинчу Хлебниковн методах пайда а оьцуш Ӏамадо, занятеш дӀахьо Российн тайп-тайпанчу регионашкара лаккхара корматалла йолчу хьехархоша[1].

Оркестран музыканташ тайп-тайпанчу конкурсашкахь а, фестивалашкахь а дакъалоцуш бу, совгӀаташ а дохуш. Толам баьккхинчарна йукъахь бу Арсакаева Амина, Ахмарова Раяна, Алиев ИсмаьӀал, Алиева Айшат, Гундырев Олег, кхиберш а[1][8][9].

2019-чу шарахь дуьйна А. Шахбулатовн цӀарахчу Нохчийн пачхьалкхан филармонин симфонин оркестран баккхийчеран составехь бу цхьаболу музыканташ[1].

Хьажа кхин а

Билгалдахарш

  1. ↑ 1 2 3 4 5 6 Детский симфонический оркестр Чеченской государственной филармонии им. А. Шахбулатова. Официальный сайт «Чеченской государственной Филармонии им. А. Шахбулатова» (2023-2024). ТӀекхочу дата: 2024 шеран 7 апрель.
  2. ↑ Алексей ДРОБОТОВ |. В Чечне создадут детский симфонический оркестр. stav.kp.ru -. ТӀекхочу дата: 2024 шеран 7 апрель.
  3. ↑ В Чечне создают детский симфонический оркестр. «Чеченская Республика Сегодня» (16 февраля 2015). ТӀекхочу дата: 2024 шеран 7 апрель.
  4. ↑ 1 2 3 В Грозном определился состав будущего детского симфонического оркестра. «Грозный-информ», Информационное агентство Чеченской Республики (2015 шеран 16 февраль). ТӀекхочу дата: 2024 шеран 7 апрель.
  5. ↑ 1 2 21 апреля 2015. Детский симфонический оркестр дал первый концерт. «Чеченская Республика Сегодня» (21 апреля 2015). ТӀекхочу дата: 2024 шеран 7 апрель.
  6. ↑ 1 2 Концерт детского симфонического оркестра прошел в Грозном. «Грозный-информ», Информационное агентство Чеченской Республики (2018 шеран 3 сентябрь). ТӀекхочу дата: 2024 шеран 7 апрель.
  7. ↑ В Чечне функционирует Детский симфонический оркестр. Чеченская Государственная Телерадиокомпания «Грозный» (5 сентября 2016). ТӀекхочу дата: 2024 шеран 7 апрель.
  8. ↑ Дни Чеченской культуры в Дагестане открылись спектаклем "Бэла" - ТАСС, TACC. Дата обращения: 7 апрелехь 2024.
  9. ↑ В Казани проходят Дни Чеченской Республики. «Национальный акцент» (11 мая, 2022). ТӀекхочу дата: 2024 шеран 7 апрель.

Категореш