Фламенко

Къаьста фламенкон шиъ хотӀан а, музыкин а класс: шираниг (кӀоргера, аьлчи а ладаме, драмин хатӀ), изза — cante grande (доккха, лакхара хатӀ); кхин а алсамо хӀокху заманан cante chico (chico ма-дарра жима, аьлчи а дайдина, атта хатӀ). Шинне а классан гуранчохь фламенкон йу шовзткъе итт сов бухара класс (жанр), царна йукъара нийса доза даккха цкъацца хала ду. Цхьаболчара лору бухара классаш алсама.

Фламенкон хьосташ лаха деза магӀарбийн музыкин оьздангаллехь. Хаъал Ӏаткъам бина оцу хотӀан цигонийн музыко — дукхаха болчара лору и хатӀ лелош болу бакъберш испанхойн цигонаш. XV бӀешарахь Испане йухуш йолчу Византера баьхкира цигонаш, уьш охьахевшира мехкан къилба бердаш тӀе Ӏандалуси провинце; шайн гӀиллакхехь цара схьаоьцура, ойла йора меттигерачу музыкин Ӏадаташ тӀехь, масала, магӀарбийн, жуьгтийн, испанхойн; оцу музыкин Ӏадатийн лалам йукъара, хьалха цигонаша ойла йина, тӀаьхьа испанхоша, хилира фламенко.

Йехачу хеннахь фламенко лорура «къевлин говзалла», хӀунда аьлча цигонаш къаьстина тобанахь бехара; фламенко кхолладелла готтоачу гуонашкахь. Амма XVIII бӀешеран чаккхенгахь цигонаш хьийзабар сецира, фламенко делира тавернин а, кафе кантантен а сценин тӀе, маршо йеира.

XX бӀешеран чаккхенгахь фламенкос шена чухуда кубин мелодеш а, джазан мукъамаш а; цул сов, классикин балетан дакъалгаш схьаийцира шайн гуттарен меттиг. Уггаре чӀогӀа вевза фламенкон хелхарча Хоакин Кортес, карлабаьккхина фламенко хелхаран кхетам, мукъадаьккхина иза «канонан стандартах», чудалийна цунна са.

Фламенкон амал импровизацин йу, чолхе ритмо а, спецификин кхочушдаран технико а дукха новкъарло йо ноташца дӀайазйан фламенкон мелодеш. Цундела гитаристан, хелхарчин, беканчийн говзалла дӀало говзачегара дешархочун.