Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Сайдуллаева, Зиннура Зеламхин йоӀ

Сайдулла́ева Зинну́ра Зéламхин йоӀ (оьрс. Сайдуллаева, Зиннура Залимхановна; 1983 шеран 7 март, Гуьмсе, Нохч-ГӀалгӀайн Автономин Советийн Социалистийн Республика) — российски спортсменка, каратехула спортан говзанча, шолгӀачу тӀегӀанан Ӏаьржа доьхка дерг, Россин чемпионатийн, Кавказан Кубокан а дукхазза толамхо а, совгӀатхо а[1].

Каратехула спортан говзанча йаьлла нохчийн хьалхара йоӀ[2].

Биографи

Дуьненчу йаьлла 1983-чу шеран бекарг беттан 7-чу дийнахь Гуьмсехь. 1999-чу шарахь Сайдуллаева шен доьзалца ГӀалмакхайчу дӀайахана. Карате иха йолайелла шен 15 шо долчу хенахь тренер Абдрахманов Салман волуш ГӀалмакхайчохь, цо йаьккхина: Артезианехь (1999) дӀайаьхьначу хьалхе йаккхарехь 2-гӀа меттиг а, Артезианехь (2004) кегийчу нахана а, юниорашна а, зудберашна а йукъахь (65 кг кхаччалц) дӀайаьхьначу Киокушинкай каратехула йолчу Черноземельски кӀоштан хьалхе йаккхарехь 3-гӀа меттиг а. Хьалхара доьхка даьккхина шен 16 шо долуш, 2000-чу шарахь[3].

Нохчийн пачхьалкхан университетан филологин факультете деша йахана, цул тӀаьхьа ши шо даьлча юриспруденцин факультете дехьа а йаьлла, иза чекхйаьккхина[4].

2006-2007-чуй шерашкахь Гуьмсехь кечамаш бар дӀадаьхьна хьалхаваьлла тренер Солтаханов Зубайра а волуш[5].

2008-2009-чуй шерашкахь синкёкусинкай каратехула йолчу тренеран метта Россин вовшахтоьхначу командин декъашхо хилла[3].

2008-чу шеран кхолламан баттахь дуьйна 2011-гӀа шо доладаллалц Элистахь кечамаш бар дӀадаьхьна хьалхайаьлла Анфимова Марина а, Васильева Евгения а йолуш. 2009-чу шарахь дакъалаьцна Дуьненан 4-чу Кубокехь.

2012-чу шеран кхолламан баттахь дуьйна 2014-гӀа шо доладаллалц Соьлжа-ГӀалахь кечамаш бар дӀадаьхьна хьалхаваьлла тренер Дамаев Сайд-Ахьмад а волуш[3][6].

2014-чу шарахь дуьйна Нохчийн пачхьалкхан университетан физически кхиоран кафедрехь хьехархочун болх беш йу[5].

2018-чу шарахь чекхйаьккхина Нохчийн пачхьалкхан хьехархойн университетан физически культурин а, спортан а факультет[1]. Сайдуллаева Зиннура Нохчийн Республикин синкёкусинкай каратен федерацехь бераш а, баккхийнаш а Ӏамош йу[1].

СовгӀаташ

  • Анапехь дӀайаьхьначу «Ӏаьржачу хӀордан Кубок» къовсарехула йолчу ЮФО-н йиллинчу хьалхе йаккхарехь 2-гӀа меттиг(2007)[5];
  • Санкт-Петербургехь дӀайаьхьначу Россин чемпионатехь хьалхарчу кхаанна йукъа а йахана, Россин вовшахтоьхначу команди йукъа а йахана (2008);
  • Божаршна а, зударшна а йукъахь дӀайаьхьначу Москван а, ЦФО-н а чемпионатехь 3-гӀа меттиг (2009);
  • Синкёкусинкай каратехула божаршна а, зударшна а йукъахь дӀайаьхьначу Москван а, ЦФО-н а чемпионатехь 3-гӀа меттиг (2010);
  • Новочеркасскехь Синкёкусинкай каратехула божаршна а, зударшна а йукъахь дӀайаьхьначу ЮФО-н 7-чу йиллинчу хьалхе йаккхарехь 2-гӀа меттиг (2011)[3];
  • ЮФО-н чемпионатан дегӀан дозаллин абсолютни категорехь 1-ра меттиг (2012);
  • СКФО-н йиллинчу хьалхе йаккхарехь 2-гӀа меттиг (2012);
  • Сочехь дӀайаьхьначу ЮФО-н чемпионатехь 1-ра меттиг (2014);
  • Краснодарехь дӀайаьхьначу ЮФО-н чемпионатехь 1-ра меттиг (2014);
  • Кизил-Юьртахь дӀайаьхьначу Каратехула йолчу СКФО-н чемпионатехь а, хьалхе йаккхарехь а 1-ра меттиг (2015);
  • Гуьржийчохь дӀайаьхьначу Шинкиокушинкай каратехула йолчу Дуьненайукъарчу йиллинчу турнирехь 3-гӀа меттиг (2015)[6].

Билгалдахарш

  1. ↑ 1 2 3 Диана Магоаева. Чеченская девушка с черным поясом. etokavkaz.ru (2019 шеран 28 октябрь). ТӀекхочу дата: 2026 шеран 5 июнь.
  2. ↑ Топ самых известных чеченских спортсменок. checheninfo.ru (2020 шеран 8 июль). ТӀекхочу дата: 2026 шеран 5 июнь.
  3. ↑ 1 2 3 4 Маккая Ясаева. Сильная духом. Сайдуллаева Зиннура (Зина) – мастер спорта по каратэ Синкиокусинкай. журнал «Нана» (2017 шеран 11 январь). ТӀекхочу дата: 2026 шеран 5 июнь.
  4. ↑ Сайдулаева Зиннура Залимхановна. govzalla.com. ТӀекхочу дата: 2026 шеран 5 июнь.
  5. ↑ 1 2 3 Макка Ясаева. Сильная духом. checheninfo.ru (2015 шеран 20 октябрь). ТӀекхочу дата: 2026 шеран 5 июнь.
  6. ↑ 1 2 Спортсменка из Чечни стала призером на Открытом Международном турнире по шинкиокушинкай каратэ. Чеченская Государственная Телерадиокомпания «Грозный» (2015 шеран 29 сентябрь). ТӀекхочу дата: 2026 шеран 5 июнь.

Хьажоргаш

Категореш