Нохчийн Республикин шатлакхан илли

Харцоно цӏе тесна хийла хьо йагарх,

Нохчийчоь ца йоьжна, гӏаьттина йаха

Кавказан ткъес хилла, маршонан ага,

Хьан лаьттан сий дина йахь йолчу наха.

Барт болу хьан къаьмнаш — мах боцу беркат!

Хьо йоцург, Нана йац, нохчийн халкъ хьаста.

Тхан дахар, тхан дерзар Даймехкан кхерчахь,

Декъалдар доьхуш ду, Далла беш хастам.

Башламан баххьашка дайн синош дуьссу.

Органа тулгӏено ненан мотт буьйцу.

Исбаьхьа совгӀат хьо, азаллехь делла!

Шатлакхан илли ду тхуна ницкъ белларг!

Къинхьегам, хьан хьуьнарш хазделла шайна,

Хьалкъаца лерам бар кхаъ хуьлда хьуна.

Машаран гӏаролехь ирсан некъ тайна,

Сий долуш Нохчийчоь йехийла тхуна!

Нохчийчоьнан гимн олуш масийттазза нисло. Иштта, гимн олу Нохчийчоьнан Куьйгалхочун даржехь дуй биъначул тӀаьхьа инаугураци йеш; Нохчийн Республикин Парламентан заседанеш схьайоьллуш а, дӀакъовлуш а; Нохчийчоьнан официалан байракх хьалаайъаран церемонехь; ткъа иштта официалан визиташца Нохчийчу йогӀучу кхечу пачхьалкхийн а, Ӏедалшна йукъарчу организацешна а делегацеш тӀеэцаран а, Ӏодикайаран а церемонеш дӀахьочу хенахь, Россин Федерацин Гимн ца локхуш хилча.

Цул совнаха, Нохчийн Республикан гимн лакха а тарло:

• хӀолламаш а, мемориалан билгалонаш а схьайоьллуш;
• Нохчийн Республикин республикански дезчу деношна лерина церемониальни цхьаьнакхетарш а, сессеш а схьайоьллуш а, дӀакъовлуш а;
• нохчийн пачхьалкхан Ӏедалша а, меттигерчу Ӏедалан органаша а, Ӏедалан а, Ӏедалан йоцчу а организацеша а дӀахьочу кхечу церемониальни а, протоколан а барамашкахь.

Нохчийн гимн локху Нохчийн территори тӀехь спортан къийсадаларш дӀахьочу хенахь официалан церемонешкахь, и къийсадаларш дӀадахьаран низамца а догӀуш (къаьсттана, футболан клубан «Терек» сезонан хьалхарчу а, тӀаьххьарчу а цӀахь дӀахьочу матчехь)