Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Мажиева, Малкан Лурмагомбетан йоӀ

Мажиева, Малкан Лурмагомбетан йоӀ (оьрс. Мажиева, Малкан Лурмагомбетовна; 1993 шеран 23 август) — Российн актриса а, Нохчийн Республикан сийлахь артист[1].

Биографи

Вина 1993 шеран хьаьттан беттан 23-чу дийнахь, 2008 шарахь йуккъера дешар чекхдаьккхина. Цул тӀаьхьа цо дикачу балхаца чекхъйаьккхира Соьлжа-ГӀалара модан а, дизайнан а колледж, говзалла карайерзоран говзалла карайерзош. 2010 шарахь Мажиева Малкана толам баьккхира «Нохчийн Республикан тоьлла портной» конкурсехь[2].

2010-чу шарахь Мажиева Малкан «Заманхо» республикански кхоллараллин проектехь финалист хилла, «Нохчийн похӀма долу кегийрхой» гран-при а йаьккхина[2].

2010-чу шарахь дуьйна болх беш йу Нохчийн драмин Нурадилов Ханпашин цӀарах театр[2].

2012 шарахь Нохчийн пачхьалкхан хьехархойн университете деша йахана, ингалсан меттан а, информатикан а отделенехь дешна[2].

Мажиева Малкан а йара спортехь дакъалоцуш. 2013 шарахь Къилбаседа Кавказан федералан гонехь зударийн дзюдо а, самбо а ловзаршкахь детин мидал йаьккхира цо[2].

2014 шарахь дикачу балхаца чекхъйаьккхира Москох Луначарскийн цӀарахчу Российн театран исбаьхьаллин академин актёрийн кафедран заочни отделени[1].

Иза йу Россин Федерацин театран белхахойн союзан(оьр.)нохч. нохчийн декъан декъашхо[3].

Театран ролаш

ХӀинцалера спектаклаш:

  • «Марнаний йалх нуссий» (оьрс. — «Свекровь и шестеро невесток») — Нигара;
  • «Ханума» — Сонэ;
  • «Реальный Бальзаминов» — Раиса;
  • «Ворда хаьрцича — некъ карийна» (оьрс. — «Арба перевернулась — дорога нашлась») — Цаго;
  • «Бекхам» (оьрс. — «Расплата») — выпускница а, Лейла а;
  • «Бешто» — Бусана;
  • «Бож-Ӏела» — хьелийозархо;
  • «Къонахчун дош» (оьрс. — «Слово мужчины») — Мадина;
  • «Берсан толам» (оьрс. — «Победа Берса») — Жовхар;
  • «КӀудал италин кепара» — Карла;
  • «Денисолт» — Келисат;
  • «Отелло» — Бьянка;
  • «Бигалди» — цхьогал;
  • «Хамелеон» — йоӀ;
  • «Доккха Латта» (оьрс. — «Большая Земля») — йахархо;
  • «Лаьмнел лекха» (оьрс. — «Выше гор») — Амата;
  • «Пётр Захаров — чеченец из Дада-юрта» — йоӀ.

Архиван спектаклаш:

  • «Керла шеран туьйра» — лайаьзни;
  • «Керла лулахой» (оьрс. — «Новые соседи») — Лиза;
  • «Майра Ростом а, паччахьан зуда Седа» — Седа;
  • «Бальзаминован той» — Капочка;
  • «Хи йистехь захало» (оьрс. — «Сватовство у родника») — Липа а, Зезаг а, Седа а;
  • «Бременские музыканты» — принцесса;
  • «ЦӀен Берд» (оьрс. — «Красная скала») — Малика.

Мюзикл

Толамаш а, совгӀаташ а

  • Сийлахь цӀе «Нохчийн Республикан сийлахь артист» (2021 шеран товбецан беттан 15-чу дийнахь)[4];
  • Гран-при «Нохчийн Республикан похӀма долу кегийрхой» (2010 шо)[1];
  • Нохчийн Республикин культуран министерствон сийлаллин грамота 2018-чу шарахь[5];
  • Нохчийн Республикин правительствон сийлаллин грамота (2020 шеран хӀутоссург беттан 28-чу дийнахь)[6].

Доьзал

Марехь йу. Кхо бер[7].

Билгалдахарш

  1. ↑ 1 2 3 Малкан Мажиева. Кино-Театр.Ру. ТӀекхочу дата: 2025 шеран 2 ноябрь.
  2. ↑ 1 2 3 4 5 6 Малкан Мажиева. teatrnuradilova.ru. ТӀекхочу дата: 2025 шеран 2 ноябрь.
  3. ↑ Члены СТД РФ по ЧР — Чеченское отделение Союза театральных деятелей Российской Федерации. stdchr.ru. ТӀекхочу дата: 2025 шеран 2 ноябрь.
  4. ↑ Мажиева Малкан Лурмагомбетовна. Награды России (2021 шеран 15 сентябрь). ТӀекхочу дата: 2025 шеран 2 ноябрь.
  5. ↑ Министр культуры ЧР наградил работников театра им. Х. Нурадилова. ГАУ ИА «Чеченская Республика Сегодня» (2018 шеран 28 март). ТӀекхочу дата: 2025 шеран 2 ноябрь.
  6. ↑ Мажиева Малкан Лурмагомбетовна. Награды России (2020 шеран 28 май). ТӀекхочу дата: 2025 шеран 2 ноябрь.
  7. ↑ Заслуженная артистка ЧР Малкан Мажиева. Она не только талантливая актриса, но и мама троих детей. Вести Чеченской Республики (2024 шеран 9 март). ТӀекхочу дата: 2025 шеран 2 ноябрь.

Категореш