ГӀиргӀа (латархойн клуб)
Латархойн клуб «ГӀиргӀа» (оьрс. Беркут (бойцовский клуб)) — ийна латаран латархой цхьаьнатуху спортан клуб. Йиллина 2010 шеран декабрехь Соьлжа-ГӀалахь. Соьлжа-ГӀалахь 2011 шарахь хилла «CC — Champions Cup» турнирехь летта клубан декъахой дуьххьара. 2014 шарахь клубехь леташ вара 800 сов стаг. Царна йукъахь бара хилла а, карара а Российн, Европин, дуьненан чемпионаш бес-бесара спортан тайпанашкахула, Российн спортан говзанчаш, дуьненайукъара категорин суьдхой. Клубан масех филиал йу Нохчийчохь а, Российн кхечу регионашкахь а. Клубо арахоьцу иштта цӀе йолу журнал.
2018 шеран декабрехь клуб «Ахьмадца» цхьанатуьйхира, тӀаьхьарчун цӀе йелира цунна[1].
Клубан тренераш
Коьрта тренер ву вевзаш волу ММА латархо, панкратионех латаран дуьненан чемпионатан детин совгӀатхо, Российн кедан шозза толамхо, Азин чемпион, Къаьмнийн доттагӀаллин кедан толамхо Исаев Беслан. Клубехь кхин а болх беш бара тренераш:
- Ислам Дацаев — ЛК «ГӀиргӀин»джиу-джитсух а, грэпплингах а латарх лакхара тренер, Нохчийн Республикехь бразилин джиу-джитсун а, грепплинган а федерацин президент;
- Шихабов Муса — кикбоксингех латаран лакхара тренер, кикбоксингех латаран Российн, Кхазакхстанан, дуьненан чемпион;
- Мурадов Ӏарби — джиу-джитсун тренер, Бельгин а, Голландин чемпион, бразилин джиу-джитсун Европин чемпионатан совгӀатхо.
Клубан гӀарабевлла латархой
- Абдулвахабов, Ӏазиз Абулапин воӀ — ACB лигин чемпион;
- Вагаев, Абубакар Романан воӀ — ийна латаран латархо, кикбоксингех, УКАДО-х, грэпплингах, тайн боксах латаран Российн, Европин, дуьненан чемпионатийн чемпион а, совгӀатхо а;
- Исаев, Беслан — ийна кепара латархо, паргӀата кепара латарехь Российн спортан говзанча, 2008 шеран панкриотинах латарехь Российн Кедан толамхо, панкриотинах латарехь Азин чемпион, 2010 шеран Къаьмнийн доттагӀаллин Кедан толамхо;
- Магомедов, Руслан Гаджимагомедович — кикбоксер а, ийна латархо а, К-1 кикбоксинган дуьненан чемпион, UFC латархо;
- Мусаев, Ахьмад Салманович — самбо латархо а, ийна латархо а, 2000 шеран Российн куьйгаца латарехь чемпион, куьйгашца латарехь кхузза Российн Кедан толамхо, тӀеман самбо тӀехь Российн а, Европан а чемпион;
- Лорсанов, ИбрахӀим Завалун воӀ — дуккха а тӀеман говзаллин говзанча (карате, кудо, кикбоксинг), Азербайджанан, Российн, Европан, дуьненан чемпион, Россин спортан хьакъдолу говзанча]];
- Умиев, Зелимхан Зайндин воӀ — самбо латархо а, ийна латархо а, Российн тӀеман самбо чемпионатан детин совгӀатхо, Российн тӀеман самбо чемпионатийн Кедан толамхо, куьйгашца латарехь Российн чемпион, самбон Европин чемпионатан детин совгӀатхо;
- Халиев, Адам Сираждин воӀ — кудон дуьненан чемпион, кудон дуьненан чемпион, кикбоксингехь дуьненан чемпион, куьйгашца латарехь Евразин чемпион, кикбоксингехь Российн шозза чемпион;
- Хаманаев, Муса Сайдахьмадан воӀ — тӀеман самбон Российн а, Дуьненан а чемпион, бразилин джиу-джитсунь Российн чемпион, паргӀат кепара латарехь Россин спортан говзанча, М-1 Челлендж вайн чемпион;
- Хасханов, Руслан — Къилбаседа Федералан кӀоштан панкратионан чемпионийн кедан толамхо, бразилин джиу-джитсун Российн, Европан, Азин, Дуьненан чемпион, иттозза Российн тӀеман самбо чемпион, тӀеман самбон дуьненан чемпион, NAGA а, Grappler Quest турнан 2012 шеран турнирийн толамхо;
- Чужигаев, ИбрахӀим Суманан воӀ — самбист а, ийна латархо а, Российн а, Европин а панкратионан чемпион, Российн кунг-фун чемпионатан детин мидалхо.
Билгалдахарш
- ↑ «Беркут» и «Ахмат» из Грозного объединились в один бойцовский клуб смешанных единоборств. ТАСС (2019 шеран 18 октябрь). ТӀекхочу дата: 2025 шеран 7 декабрь. Архивйина 2021 шеран 27 октябрехь