Завгаев, Ахьмад ГӀапурин воӀ

Завгаев Ахьмад вина 1946 шеран 10 январехь Кхазакхийн ССР Карагандан областера Токаревка эвлан Нурински станцехь махмахбаьхначу нохчийн доьзалехь.

1950-гӀа шераш чекхдовлуш кхелхира Къилбаседа Кавказе. Вехира, болх а бира Нохч-ГӀалгӀайн АССР, Дуккха шерашкахь куьйгалла дина Теркан кӀоштан «Озерни» совхозан.

Дудаев ЖовхӀар Ӏедале веъча дуьйна Завгаев цунна оппозицехь вара.

1995—1996 шерашкахь иза Нохчийн Республикин, коьртехь цуьнан ваша волу, правительствон махлелоран министр вара.

1996 шарахь шен дахаран кхерам хиларна Завгаевс битира шен мохк Нохчийчоь, иза охьахиира Москохахь, цигахь бизнес лелийра^[1].

1999 шо чекхдолуш Завгаев цӀа вирзира Нохчийчу, цуо жигара дакъа лецира бахам меттахӀоттош.

2000 шо долалуш иза Теркан кӀоштан администрацин куьйгалхо хилира. Цуо куьйгалла дечу хенахь кӀошт Нохчийчохь уггаре дукха йалта кхиориг хилира. Завгаевн хила таро йара Федерацин Кхеташонан декъахо хила Нохчийчура, амма реза ца хилира. Иза масийттаза виен хьевсира.

2002 шеран 9 сентябрехь Завгаевна автомат туьйхира кӀело а йина автомобилан новкъа Бена-Йурт йолчохь. Йинчу чевнех дӀаваьлла йуьртан дарбан цӀийнахь. ТӀаьхьа Завгаев вийна тӀемлойн тоба, хӀаллака йира федералан эскарша, цуьнан декъахошкахь видеокассета карийра иза виер тӀаьхь долуш^[1].

2002 шеран 11 ноябрехь Российн Федерацин президентан Омарца «даржан декхар кхочушдарехь гайтина доьналла а, турпалалла а» бахьана долуш Завгаев Ахьмадна веллачул тӀаьхьа лакхара цӀе йелла Российн Федерацин Турпалхо^[1].

Завгаевн цӀарах техкина урамийн цӀераш Соьлжа-ГӀалахь а, ЧӀулга-Йуртахь а.