Висаитов, Болат Ахьмадан воӀ
Висаитов Болат Ахьмадан воӀ (оьрс. Висаитов Булат Ахмадович; 1933 шеран 6 сентябрь, Соьлжа-ГӀала, Къилбаседа-Кавказан мохк — 2015 шеран 26 июль, Соьлжа-ГӀала) — советийн а, нохчийн а лакхара категорера хирург, медицинин Ӏилманийн доктор, профессор, НГӀПУ биологин-химин факультетан физиологин кафедрин куьйгалхо (1989—2010)[1].
Биографи
Хьалхара шераш
Висаитов Болат вина 1933 шеран 6 сентябрехь Нохчийн Автономин Областан коьрта шахьрахь, Соьлжа-ГӀалахь. Вайнах махкахбаьхначу заманахь доьзалца ваьхна Къилба-Кхазакхстанан областехь[2].
Дешар
Чекхйаьккхира йуккъера ишкол Къилба-Кхазакхстанан областехь. Цул тӀаьхьа деша хӀоьттина Кхазакхийн пачхьалкхан медицинийн институте, цигахь чекхйаьккхна кхо курс[2]. Депортацера цӀехьабирзича дехьаваьлла Ростовн пачхьалкхан медицинин университете, иза чекхйаьккхина 1960 шарахь[2]. Кхин 6 шо даьлча деша хӀоьттина хирургин аспирантуре лоьрийн ЦИУ Москох гӀала[2]. 1970-гӀа шераш долалуш кандидатан диссертаци йаздин, тема: «Значение современных физиологических и функциональных методов исследования в выборе объема операции при лечении нагноительных заболеваний легких»[2].
Хьехархочун гӀуллакх
1971 шарахь балха хӀоьттина «Гражданийн дуьхьало» кафедрин лакхара хьехархо[2] Нохч-ГӀалгӀайн пачхьалкхан университете[2].
1976 шарахь дуьйна НГӀПУ биологин-химин факультетан «Адаман а, дийнатийн а физиологин» кафедрин доцент[2].
1979–1981 шерашкахь докторант вара II Москохан медицинин Н.И Пироговн цӀарах институтан. Цигахь Висаитовс 250 экспериментан операци йина жӀалешна тӀехь, бӀенаш операцеш йина цомгушчу нахана[2].
1986 шарахь чекхдаьккхира докторан диссертаци теманца «Сравнительная оценка лигатурного, лигатурно-клеевого и клеевого швов в желудочно-кишечной хирургии»[2].
1989 шарахь дуьйна НГӀПУ биологин-химин физиологин кафедрин куьйгалхо[2].
Бисаитов Булата Ӏилманан вкладана йукъадогӀу 68 Ӏилман публикаци а, 7 методически пособи а[3].
Валар
Велла 2015 шеран 26 июлехь[2].
Билгалдахарш
- ↑ Алексей Головлёв. Очерки о Чечне: природа, население, новейшая история Архиван копи 2020 шеран 25 июнехь дуьйна Интернетан архив#Проекташ.Стр. 275.]
- ↑ 1 2 3 4 5 6 7 8 9 10 11 12 Ушел из жизни известный чеченский ученый Булат Висаитов. grozny-inform.ru (2015 шеран 5 август). ТӀекхочу дата: 2020 шеран 8 сентябрь. Архивйина 2019 шеран 14 сентябрехь
- ↑ Ушел из жизни известный чеченский ученый Булат Висаитов. www.grozny-inform.ru (2015 шеран 5 август). ТӀекхочу дата: 2026 шеран 27 август.