Бусалбанийн дозалла
Шела-гӀалахь Мухьаммад Пайхамаран цӀарах маьждиг йа «Бусалбанийн дозалла» маьждиг (оьрс. Мечеть «Гордость мусульман» имени пророка Мухаммеда). Схьадиллина 2019-чу шеран 23-чу августехь.
Европехь даккхийчарах маьждиг санна лоруш ду. Маьждигана чутарвала аьтто бу 30 эзар ламазе веана стаг. Цул сов, ламаз дан веана 70 эзар гергга стаг дӀахӀотталур ву гонахарчу майданашкахь.
Истори
2012-чу шарахь дуьйна керла маьждиг деш ду гӀалин йуккъехь 5 гектар майданахь, Шали-Сити лекхачу гӀаттан комплексана уллехь. Цу проектана тӀехь болх беш бара Узбекистанера архитекторш. Республикан хьалхара президент Кадыров Ахьмад-Хьаьжа винчу денца цхьаьнадогӀуш хилира маьждиг схьаделлар 2019-чу шеран август беттан 23-чу дийнахь, йуьхьанца лерина дара маьждигна республикин куьйгалхочун Кадыров Рамзанан цӀе тилла. Ткъа маьждиг схьаделларан церемонехь дӀакхайкхийра, маьждиг Мухьаммад пайхамаран цӀарах хир ду аьлла[1][2].
Маьждиг схьаделларца Нохчийчоьнан бахархой декъалбина Путин Владимира. Цуьнан векал волчу Матовниковс цуьнгара хаамехь чӀагӀдора, маьждиг дар регионерчу бусулба нахана мехала хилам хилар. Маьждиг синмехаллаш а, культура а денйаран а, ламастан исламан мехаллаш йовзийтаран а, йукъараллехь йукъара барт а, вовшех кхетар а чӀагӀдаран центр хилийта лерина ду[3].
Архитектурин башхаллаш
43 метр лекха нартол а, 63 метр лекха момсарш а йу цу гӀишлонна. Иза дӀакъевлина йу желтойн Тасос гӀайренан шурул кӀайн шагатӀулгаца (мраморца), иза дика лоруш йу серло йухатохарна а, йовхонехь шело латтош хиларна а. Ялх метр лекха йолчу йуккъерчу лйустран йозалла ши тонна ах тонна сов йу, цуьнан 395 стогар Swarovski тӀулгашца а, дешица а хазйина йу. Маьждиган архитектурин а, исбаьхьаллин а серло йина Griven компанино[4].
5 гектар майданахь 12 фонтан а йолуш паркан майда йу. Кхузахь дӀадийна 2000 гергга дитт а, дуккха а розан коьллаш а.
Галерей
Билгалдахарш
- ↑ Белый мрамор, много золота и ручная роспись: всё о новой крупнейшей мечети в Европе. Телекомпания «НТВ» (2019 шеран 23 август). ТӀекхочу дата: 2019 шеран 23 август. Архивйина 2021 шеран 1 ноябрехь
- ↑ В Грозном заложили мечеть имени Рамзана Кадырова. «РБК» (2019 шеран 23 август). ТӀекхочу дата: 2019 шеран 23 август. Архивйина 2022 шеран 13 майхь
- ↑ "Гордость мусульман": в Чечне открыли самую большую в Европе мечеть (ru-RU), TACC. Дата обращения: 20 январехь 2026.
- ↑ Освещение мечети, г. Шали, Чеченская Республика. ТӀекхочу дата: 2019 шеран 17 декабрь. Архивйина 2020 шеран 22 сентябрехь
Хьажоргаш
- Путин поздравил Кадырова с открытием в Чечне крупнейшей мечети Европы. ТАСС (2019 шеран 23 август). ТӀекхочу дата: 2019 шеран 15 ноябрь.
