Бачаев, Ӏадлан Алексейн воӀ

Вина 1980-чу шарахь Дуби-Эвла йуьртахь. 1997-чу шарахь тхьовца (отличица) чекхйаьккхина Соьлжа-ГӀалин 42-гӀа йолу школа. 2003-чу шарахь чекхйаьккхина Соьлжа-ГӀалин пачхьалкхан мехкдаьттан техниклин университет. Говзалла — «Предприятин экономика а, урхалла дар» (экономист-менеджер). 2007-чу шарера 2010-чу шаре кхаччалц дешна а, чекхйаьккхина а Россин Президент волчура Российн пачхьалкхан гӀуллакхан академи. Специализаци — «Регионан кхиарех урхалла дар». 2011-чу шарера 2014-чу шаре кхаччалц дешна а, чекхйаьккхина а Российн Президент волчура Российн халкъан бахаман а, пачхьалкхан гӀуллакхан а академи, 2014-чу шарахь чекхйаьккхина «Къоман а, федеративни а йукъаметтигаш» кафедрин магистратура, аспирантурехь дешар дӀахьош ву.

1999-чу шарера 2004-чу шаре кхаччалц Украинехь ваьхна, цигахь профессионалан кепара спортца лелла, джиу-джитсу-н пачхьалкхан гулйина командин йукъахь дакъа лоцуш. Украинин дуккха а чемпион, джиу-джитсу-н, дзюдо-н а, самбо-н а тайп-тайпанчу турнирийн толамхо а, призер а. Дзюдо-н а, джиу-джитсу-н а спортан мастер ву.^[1]

Спортхо волуш, 2003-чу шарахь Киевн областан Белая Церковь гӀалахь «Эверест» малхбален латарийн клуб йиллина, иза хьалхарчу шарахь Украинин 2003-чу шеран джиу-джитсу-н уггаре дика клуб аьлла къобалйира. ЧӀогӀа лазийна хиларна, 23 шо долуш спорт йитира. А. Бачаевн дешархошна йукъахь дуьненан, Европин, Украинин джиу-джитсу-н, панкратионан(оьр.)нохч.панкратионан а, кхин болчу латарийн а чемпионаш а, призерш а бу.

2006-чу шарера 2010-чу шаре кхаччалц Нохчийн Республикин Правительствон Кегирхойн гӀуллакхийн комитетехь болх бина. 2007-чу шеран июнехь информацин-аналитикин декъан хьаьким хӀоттийра.

Йиллина тайп-тайпанчу информацин акцийн инициатор а, вовшахтохархо а ву: «Поезд без брони-2009»^[2][3][4], «Къилба федеральни гуонан кегирхойн информацин цхьаалла-2008» и. дӀ. кх.

2006-чу шарера 2010-чу шаре кхаччалц — Россин «Президент» политикин журналан, кхин а «Поколение Лидеров» кегирхойн журналан коьрта редактор. Тайп-тайпанчу социальни а, дикаллин а проектийн автор ву^[5][6][7], царна йукъахь — 2008-чу шеран 5-чу апрелехь Соьлжа-ГӀалахь хилла дуьххьарлера марафон. 2008-чу а, 2009-чу а шерашхь Селигер форумехь Нохчийн Республикин делегацин куьйгалхо хилла^[8]. Кегирхойн синмехаллин-оьздангаллин кхиорна масийтта программин автор ву^[9][10].

• 2005-чу шарера дуьйна бизнес-проекташца болх бина. «АвтоЧечня» автожурналан кхоллархо а, коьрта редактор а хилла.
• «Молодёжная смена» газетан внештатни корреспондент.
• 2010-чу шеран 1-чу февралехь Нохчийн Республикин дешаран а, Ӏилманан а министран гӀоьнчан дарже дехьаваьккхина^[11].
• 2012-чу шарера 2017-чу шаре кхаччалц — «Соьлжа-ГӀала» ЧГТРК-н директор^[12][13].
• Нохчийчохь Мумий Тролль, Серебро, Согдиана, Юля Савичева а, кхин болчу Россин седарчийн дакъалоцуш концерташ вовшахтохаран пионерех цхьаъ ву^[14][15][16].
• 2012—2017 шерашкахь Нохчийн пачхьалкхан университетан журналистикин кафедрин заведующий вара.
• 2014-чу шеран апрелера дуьйна — Къилбаседа Кавказан МХГӀ Ассоциацин правленин декъашхо ву^[17].

• «Нохчийн Республикин хьалха гӀуллакх дарна» мидалца совгӀат дина^[18];
• 2013-чу шеран 22-чу ноябрехь Нохчийн Республикин Куьйгалхочун Указаца «Нохчийн Республикин хьакъволу журналист» цӀе йелла^[19];
• 2014-чу шеран декабрехь Адлан Бачаевна РФПЛ-н «Даймехкан футбол кхиорехь лакхара дакъа лацарна» специальни диплом делла^[20];
• 2014-чу шеран 29-чу декабрехь Бачаев Адлан совгӀат дина Нохчийн Республикин лакхара совгӀатца — Кадыровн Орденца^[21];
• Цуьнан куьйгаллица ЧГТРК «Соьлжа-ГӀала» Къилбаседа Кавказан МХГӀ форумехь 2013-чу^[22] а, 2014-чу^[23] а шерашкахь «Шеран телеканал» а, «Шеран радиостанци» а номинацешкахь хьалхарчу меттигашкахь хилла.