Ахмадов, Мохьмад Ӏийсан воӀ
Ахма́дов Мо́хьмад Ӏи́йсан воӀ (1972 шеран 17 апрель, Шела, Нохчийн Республика) — россин российн политик, Федерацин Кхеташонан декъахо (2019 шарахь дуьйна), Нохчийн Республикин Къинхьегаман а, социалан кхиоран а министр (2008-2017 шерашкахь), Соьлжа-ГӀалин сийлахь вахархо (2026).
Биографи
Вина 1972 шеран 17 апрелехь Нохч-ГӀалгӀайн АССРн Шела эвлахь[1].
1991—1992 шерашкахь бухгалтер болх бира «Синтем-У» кооперативехь, ткъа 1993 - 1998 шерашкахь циггахь коьрта бухгалтер вара. 1992—1993 шерашкахь налогин инспекторан болх бира Соьлжа-ГӀалахь. 1998 - 2000 шерашкахь коьртехь вара Соьлжа-ГӀалин Ширапромыслин кӀоштан налогин урхаллин.
1995 шарахь чекйаьккхира Нохчийн пачхьалкхан хьехархойн институт «йукъаратехникин дисциплинаш а, къинхьегам а» говзаллийца, 2000 - 2007 шерашкахь хьехна Нохчийн пачхьалкхан университетан финансийн-экономикин факультетехь. 2002 шарахь чекхйаьккхира Нохчийн пачхьалкхан университет «финансаш а, кредит а» говзаллийца. Экономикин Ӏилманийн кандидат. 2007—2008 шерашкахь Нохчийн Республикийн Федералан поштан зӀенан урхаллин коьртехь вара[2].
2008—2017 шерашкахь Нохчийн Республикин къинхьегаман, белхан меттиган а, социалан кхиоран министран даржехь вара[3].
2016 шарахь Нохчийн Республикин Парламенте хенал хьалха хиллачу харжамашка, Ахмадовн кандидатура йукъатеттира «Цхьааллин Росси» партис[1].
2019 шеран 20 ноябрехь Федерацин Кхеташоно къобал йира Ахмадов Мохьмадан кандидатура, цунах хилира Федерацин Кхеташонан керла декъахо — Нохчийн Республикин законашкхолларан Ӏедалан векал[4].
СовгӀаташ
- Соьлжа-ГӀалин сийлахь вахархо (2026)[5].
Билгалдахарш
- ↑ 1 2 Ахмадов Мохмад Исаевич. panlog.com. ТӀекхочу дата: 2019 шеран 20 ноябрь.
- ↑ Парламент Чечни в Совете Федерации представит экс-министр труда республики Мохмад Ахмадов. Это Кавказ (2019 шеран 20 ноябрь). ТӀекхочу дата: 2019 шеран 20 ноябрь.
- ↑ Кадыров представил нового члена Совфеда от Чечни. ИА REGNUM (2019 шеран 20 ноябрь). ТӀекхочу дата: 2019 шеран 20 ноябрь.
- ↑ Парламент Чечни в Совфеде представит бывший министр труда республики Мохмад Ахмадов. ТАСС (2019 шеран 20 ноябрь). ТӀекхочу дата: 2019 шеран 20 ноябрь.
- ↑ Грозненская городская дума. www.grozgorduma.ru (2026 шеран 24 июнь). ТӀекхочу дата: 2026 шеран 14 август.
Хьажоргаш
- Ахмадов Мохмад Исаевич. Совет Федерации. ТӀекхочу дата: 2019 шеран 22 ноябрь.
- Новым сенатором от Чечни стал уволенный два года назад экс-министр труда Ахмадов. Кавказ. Реалии. ТӀекхочу дата: 2019 шеран 20 ноябрь.
